近期熱門話題是地鐵西港島線通車，所以姊妹提意行上山頂再行番去西環搭地鐵
出發前食早餐增加體力
11點的勝香園已排了長長人龍
早幾年前未紅時不用排隊，常常與同事來食lunch
今次的奶茶未夠香濃，我還是喜歡昌記的奶茶
必食的蕃茄湯底
還有遠近馳名的檸蜜脆脆
食飽飽，沿著行人電梯出發
上山頂當然要不停不停的上斜
終於到達山頂啦，已有農曆新年氣氛
可是天氣一片矇矓，差點睇唔到九龍
我地更上高一點
隱約見到南丫島三支煙囪
好懷念這個亭，以前爸媽常常帶我同細妹來野餐
兜左幾個圈後，行番落港大
大家急不及要食野，5點鐘來個early bird diner
本來想由港大地鐵站搭番屋企，不過大家實在太飽，決定行番去香港站搭車，經過中山公園時，有人彻出“Marry Me”準備求婚，好浪漫喔
你地成日去行山好健康呀! 今次少有地冇介紹dinner食乜既? 唔好食呀?
回覆刪除我呢幾年少行咗啦，因為唔想放假都咁早起身:p
刪除食嘢個篇聽日出:)
好掛住勝香園嘅檸蜜脆脆
回覆刪除真係好好食呢
刪除勝香園星期日都唔開，原來真係要排隊架
回覆刪除以前lunch成日嚟，依家成日都超多人排隊
刪除勝香園條隊係咪排好耐呀？
回覆刪除我下次返香港都諗住要"觀光"新地鐡站呀！:)
仲有，我其實想話妳細個時屋企好潮好西式呀，會上山頂野餐。我細個時屋企係去流浮山食海鮮/龍華食乳鴿。無論食咩都好，重點係大人可以打幾圈，而我同家姐就好似野孩子咁通山走！
刪除勝香園以前唔駛排㗎，自從佢係OR紅咗後，次次都要等
刪除下次妳幾時返嚟呀？
我細個每逢放假父母都帶我地出街，中西日都會同我地食，但就唔俾我地自己或同同學仔去街。其實當時我想同同學仔出玩多D
遲D確定到就msg妳! :)
刪除檸蜜脆脆係乜嚟㗎? 包？
回覆刪除即係將豬仔包烘脆後，搽上牛油、檸檬汁及蜜糖，好好食架
刪除行上又行落.......好勁呀))))) 落我OK,上就......BYEBYE~~~嘿嘿'''
回覆刪除妳唔得???我見妳成日行，以為妳都OK tim
刪除勝香園，未試過
回覆刪除妳返黎可以一試喎!
刪除行咗咁多路, 仲要上斜, 有冇腳仔軟 XD
回覆刪除行呢度都OK，都唔算斜啦，如果由灣仔上仲甘
刪除Oli:
回覆刪除~依間番茄湯底, 我返香港都會食!! 好掛住!!
~你細個, 你父母都好肯帶你哋兩姐妹出街....會有野餐活動!!
~你今日運動量好多,行咗好多路
~最後張相,還以為拍戲先會有....原來真實世界, 真係有人會咁做出黎!!
妳都有去過呀?妳過時去應該冇依家咁多人
刪除我細個我父母一放假就帶我地出去，不過就唔準同同學仔出玩街> <
我都以為係拍戲先有呢，真浪漫
咁都比你影到人求婚!如果可以睇埋現場真人演繹就好啦!
回覆刪除上山頂多唔多路要行架???最怕行山><
其實我都想睇佢咁求婚架，不過佢話要9點才帶佢女朋友過黎，當時只係7點，我地費時等啦
刪除其實上山頂已俾其他行山路好行架啦，又舒服，都OK好行架
妳唔行山，都做下其他運動啦
乜香港都有中山公園? 真系唔知喎!
回覆刪除有冇順便去港大行吓呢？
回覆刪除