做足準備

係寶哥淘左兩大箱貨，OK唔肯寄存咁大箱，唯有親自係速遞收集中心取貨。拎住大兩箱野由佐敦返東涌

 

連埋早幾日係旺角掃貨，一袋二袋擺晒係屋企

係寶哥淘左貓屋、貓抓柱、貓抓板、梳，連埋運費都係$547，一點都唔貴

另外係香港再買左漱口水、洗耳水、指甲鉗、 蚤帶

大、細貓糧密實盒

貓廁所

飲水器、食物兜

去街貓袋...仲未計貓糧、貓沙已駛左$1XXX

仲係圖書館借了三本書，又不停上網搵資料、睇Forum

搞左咁多野就係咁左佢...我個契B，我早幾個禮拜探過佢，當時佢一個半月大咋，依家佢兩個幾月啦，今個星期就可以帶佢返黎屋企

介紹下佢家族成員喇，佢老豆--毛B

契B D兄弟...已俾人收養左啦

右手邊個隻係無艷，依家係我老友屋企過得好happy

工廠區中的綠洲

又是原班人馬試新店，地點在觀塘，四周工廠區林立

 

真係好難相信有會新酒店進駐，不過將來舊區不斷重建，可能集團看準這個趨勢，先在這裡紥根

如心艾朗酒店2樓的Forte，話說邀請了Grissini的總廚及賀菊師傅也過檔，變相是融會了意日特色

現代、時尚的風格，完全感受不到置身在觀塘工廠區

原先是安排這張長枱，但傾計好唔方便


最後改了張圓枱俾我地，其實全晚只得兩、三枱客，我地想任坐都得啦


i-pad已內置所有菜式，即是一本電子menu，並可同時落單

 

我地當晚所選的菜單


麵包藍其中而最特別是blue cheese多士，上台時己臭到一種超濃烈的味道，我估幾乎是獨有，很少人做來直接搽落麵包上

 

其實麵包籃最好食是grissini，要求refuse，再來的是新鮮出爐、又熱又脆，難怪是Grissini前總廚坐鎮，我一共食了三大條呢


土佐一口炸豆腐伴木魚絲，外層炸得脆，但黃金皮下的豆腐唔夠滑，正宗的日本豆腐應該是細嫩幼滑的

 

海膽巴馬臣芝士意大利飯是意日材料的融合，飯粒軟硬度適中，海膽的鮮與濃味的芝士亦很匹配

手造意大利香草闊條麵配蒜香鮮蜆，據說是每日新鮮手造意粉，但一點也不彈牙，蒜香味也不足，蜆肉也不覺新鮮

燴扁意粉伴安格斯牛肉及牛肝菌，相對這個扁意粉好得多，很夠al dente、也夠蛋香、牛肉味濃而鬆軟，只是牛肝菌較為遜色，沒有獨特的濃香

燒西班牙豬扒配牛肝菌汁，啖啖嫩肉又juicy的黑毛豬，肉質嫩滑無比，口感極佳

 

咖啡碎粒煎焗羊架，賣點是在於咖啡粒，入口有著羊的羶香外，同時也帶有咖啡的香醇

一口氣叫了五款甜品

 

青蘋果撻伴血橙雪糕及意式芝士慕絲，吸引我的是那橙紅的雪糕，滿口鮮甜芳香
香蕉奶油撻伴沙巴翁是我最鐘意的一個，焦糖與香蕉是永遠的最佢拍檔，伴上甜美的沙巴翁，真是幸福滿瀉

 

牛肝菌奶凍伴蜜糖雪糕很有創意的一道甜品，但往往不是人人可接受。菌味太濃蓋過了奶香，而且奶凍較為實一點，不夠軟滑，反而蜜糖雪糕較為人喜愛


心太軟伴檸檬雪芭

 

朱古力味是很嗆，但蛋糕外層過於厚，我相信是過了一點點火的原故；配上酸酸的檸檬雪芭，我相信是刻意的，令人可中和朱古力濃度

先淋上espresso，再淋上咖啡酒的Affogato


對於愛酒精的老公，應是佢最愛的甜品 

在細問之下原來AE及恆生也有9折，折後每人$354一點也不算貴

不過水準也不外如是，而且觀塘對於我離島人實在太遠，應該都不會再重臨

Brunch

四年前去過一次Watermark，有個不愉快經歷，在這個陰影下，我話過唔會再黎

但現實往往出乎人意的.....

老友見到雜誌話好想食佢個brunch，我就破例陪下佢食啦

11:30前已去到，但還未可以入坐，得閒冇事影番張門口張

餐廳可以環迴270度欣賞維港景致，可惜當日落雨，乜都睇唔到

今次是早上來，感覺完全唔同

偷影咗佢個廚房，個個廚師都幫著準備


先來頭盤，大蝦、生蠔大隻又新鮮

 

各式沙律、壽司(因為背晒光，影到好黑丫)

淥粉麵....更係唔會食啦，唔想嘥quota ma


大大舊燒Rib Eye

 

最鐘意佢D甜品，好多撻、批，至啱我食

仲有朱古力噴泉，不過我只食生果，有菠蘿、士多啤梨、蜜瓜、哈蜜瓜，樣樣都好新鮮

 

鮮搾果汁又係任飲

呢個Brunch每位$338，除了出邊自助餐外，仲有5款及其他side任叫任食

老友至愛的鵝肝，又大又肥美，不過外層煎得不夠脆

西班牙奄列??唔覺有洋蔥同薯仔存在，而且仲鹹了少少

我至愛的benedict，佢用了三文魚，我始終覺得食benedict同煙肉拍拖會岩key D

...但見到流晒心的蛋黃，特別興奮

French toast被牛奶、雞蛋浸得太淋身，食落還有濕濕淋淋的口感

後面灰陰陰，跟本影唔到背景

Rib eye...以我角度看來，好似well done

打完頭盤、主菜，終於輸到甜品啦.....嘩!好飽

一早食得咁豐富，好有罪惡感，之後shopping行多D，當燒脂