第一炮

是日「杜蘇芮」小姐來港，好彩杜小姐識做，一早玩厭香港，可以與老友Lillian如期血併兼慶祝

原來老友訂了北京道一號的Aqua，是一間格調高尚的餐廳，Roma是提供意大利菜，而Tokyo提供日本菜，我當然是揀意大利菜啦

集團旗下有20多間食肆，有幸都試過好幾間

位於頂樓，可飽覽維港兩岸景色

 

 

早年未有The One、I Square、ICC時，這裡欣賞維港最佳位置，不過現在仍沒有失色

餐前麵包有四款，每款也很出色，微微的熱溫，外脆內軟。老友食不停口，要求refill

夏天日長夜短，6點幾7點仍很光猛

鵝肝、西芹、黑松露沙律，大家以為係有好多蔬菜的沙律

 

鵝肝醬比一般煎過的肝味更濃縮，口感柔滑，滋味香醇。但食第二件開始膩了，我地將它配以麵包，味道更佳

水牛芝士車厘茄薄餅，我鐘意食最簡單最傳統。佈滿溶溶芝士，好滿足呢

已一份為二的紅蝦黑松露意大利飯，每粒飯也包著蝦的鮮味，也浸出黑松露的幽香，香氣誘人，飯粒又夠咬口，是近期食過較出色的意大利飯

夜幕慢慢低垂

華燈初上，天空一片深藍

驚喜時刻來臨(雖然早知老友會預備)

 

咁重要時刻，當然要來張合照，不過侍應姐姐影到曚查查

呢個甜品併盤有心太軟、雪糕、雪芭、Tiramisu、creme brulee，超級豐富 

到8點幻彩詠香江，五光十色的霓虹燈

萬家燈火確是迷人，難怪是東方之珠

味覺、視覺很滿足的一餐，多謝晒老友

對不起大家

大日子將近，係OR搵下邊間同屋企人慶祝之際，發現天寶閣個隻黑松露惹米燒釀乳豬好吸引，但我地一家六口KO左呢隻豬，其他乜都唔駛食啦

同劉總傾開佢對乳豬都有興趣，終是搞個大圍局

我地主要食隻乳豬，店方為免客人no show，所以訂位時要我落$500 deposit

之後大家係whatsapp傾傾下，對富貴雞也有興趣，我又打去訂埋，佢又要我落訂，我話我已訂了隻豬，唔駛擔心我no show，侍應姐姐就好好人(我當時以為)，可以幫我remark

點知是晚去到，沒有預留富貴雞俾我地，當然"慶"爆啦

經理雖然話送生果賠罪，但我地再擾攘一番後，他才勉強話送甜品，我地當然唔會放過機會，叫了10個甜品

好！開始入正題

天寶閣話晒都係星級酒店，真係好期待的

 
經過長長的走廊才到大堂位置
 

入到去好嘈雜，似一間酒樓多過一間星級酒店

還未齊人，我地急不及待來個前菜，疊喜頭拼(海蜇冷鮑魚、橋頭牛黑粒、芥末千層、燻味素鵝)，每件size細細，再一份為二，一啖一口真是吃不真味道來


大家最期待的黑松露薏米燒釀乳豬出場，豬仔好cute，不過佢死得好慘呢

 
皮、膏、肉層次分明，包住薏米、糯米、黑松露，除了口感豐富外，也不只有純糯米的膩滯，不需點醬油也很有幽幽的菌香


乳豬全身一件也不漏，最後豬頭、豬腳也被切件，分給大家享用

鴛鴦素千層話說是得奬菜式，只sell賣相，味道只是一般而且，而芡汁太多，我幾怕太多芡汁的東西


椒麻蜜餞脆蝦球上台時已傳來很濃烈的花椒，入口麻中帶甜，味道幾特別，亦炸得很脆口，但最敗筆是主角的蝦球，大家都食得出有種很重的梘水味，好明顯的是蝦身咁脆爽是來自重重的梘水

松茸野菌砂鍋鴛鴦雞，其實是鳥雞+田雞，但經理傳廚師的口語，話說田雞不濟，遊說轉普通雞，我們也無可奈何。其實我已太飽，只試了一小件，吃不真味道，只覺很濃，但他們說也有很重的梘水味


牛肝菌燴羊脾，我又只試了一小件，味道尚可只是沒有羊羶香。大家食得7788時，有兩位仁兄臭到一陣燶味，似乎是來至羊脾，又向經理投訴，最後這碟又不計錢。可能我平時食得燶叉燒、多烘多士，所以對燶的食物不太敏感

白汁杏芒海皇焗飯，飯粒不錯，炒得很乾身；一向不愛米飯撈汁的我，覺得汁太多，而且還是白汁，幸而加了點芒果算是膩中帶點清新

經理之前話盡量安排甜品給我地，我地當然點盡佢，雖然當時仲未知道是否免費


蒸/煎流沙奶皇飽，兩款賣相也不吸引


雖然好流，但沒有蛋黃的味道，而包皮很淋身，不鬆軟，不知是否饀料過油的關係

 

椰皇焗西米布甸，不夠熱已打了折扣。可能我不愛椰子，總覺得椰味過重，完全蓋過了牛油、花奶香味

另加糖水的杏仁茶，我都是第一次見，杏仁茶本身冇味，想要甜就隨自己喜歡加糖水，其實這樣會浠  這碗杏仁茶。我最怕食杏仁茶，不過聽講不夠滑


幾款甜品之中，雙皮奶是較為正常的一個


服務麻麻、又冇雞食、水準一般，全晚只有乳豬最好食，真是對不起大家

第一針

契B差不多3個月大，係時候帶佢打預防針

我不停網上搵資料、問朋友，最後揀了九龍貓醫院
其中的主診醫生Dr. Jaime 曾經係大圍個間寵物診所註診，得到好多人讚好，現在自己出來開診所

診所仲兩隻大貓貓

Dr. Jaime真係好nice架，唔怪得咁多人讚佢啦，契B見到醫生立即乖晒，探pat pat、打針、食藥都冇扭計，真係門口貓

除了打預防針外，仲滴revolution的杜蟲藥，可預防蚤外，仲可以預防體內、外的寄生蟲

醫生話貓BB都可以食濕糧，介紹了幾個牌子幾我，記得Amy的小花都係食applaws，我就揀佢啦
返到屋企立即開俾契B食，佢食得好滋味，連我聞到都覺得好香

Dr. Jaime話貓仔打完針會好攰的，契B食飽後，都冇心機玩，幾乎由朝訓到晚