兩個月前的Happy Friday去不到華嫂，最後去了和記
原以為Blue Monday不用等位，12點去到有點嚇了一跳
最後等了廿多分鐘才有位，相信公眾假期或星期六、日會多十倍人潮
柑桔檸檬及凍奶茶，前者飲落生津開胃，舒喉解熱；後者毫無茶味，幾乎求其找一間茶記，都比它好，早幾日去紅磡有間不知名的冰室，水準比它高百倍
招牌菠蘿包
十分普通
看，下面是和記出品，飽滿得多呢，賣相已贏幾個身位
招牌芝士鹹牛肉豬仔包，一個毫無入廚經驗的人都到會做
我同媽媽也是要了「所向無敵餐蛋麵」，餐肉煎得唔脆口、麵又腍腍的，我認為全港最掂的餐蛋麵是大嶼山的深屈的士多
老公的皮蛋莞茜豬潤米線，湯底無異是很真材實料，也有不少皮蛋，豬潤也很粉嫩
老豆的皮蛋牛肉米線，湯底同樣清甜，牛肉沒有被醃到失去肉味
幸好大家都覺得不外如是，下次不用再黎。而我就真覺得不值得用保貴的時間去排隊。 如果大家嫌時間太多，又不知怎樣浪費，我會介召他去華嫂
估唔到平日仲要咁偏僻都咁多人去喎...乜菠蘿包裏面果隻唔係太陽蛋黎架咩? 我之前喺元朗某間茶記食過, 裏面係流心蛋好正架!
回覆刪除都唔知點解咁多人去，又係普通野又唔係特別好食
刪除係啦，和記個果係太陽蛋，但華嫂個果唔係囉
妳去元朗個間茶記叫咩名呀?
我都唔係好記得添, 好耐之前lu...喺元朗廣場附近, 不過淨係得蛋, 冇蕃茄
刪除我記得之前喺FB睇過仲住喺元朗嘅朋友話唔值，不過，有時唔試過又唔心息！
回覆刪除我試左心息了:p
刪除茶餐廳都要排隊咁誇？不過個芫茜皮蛋豬潤米線好吸引啊！
回覆刪除係丫，依家香港D人傻架...我都有時傻傻地:P
刪除華嫂佢地星期日休息架，其實好多人都係慕名而去，雖然不外如是，但仍有不少捧場客。
回覆刪除試過一次，又唔係特別好食，又要等位，我唔會再去囉
刪除我未去過, 一來遠, 二來班生一定唔會排隊等位食茶餐廳....
回覆刪除唔去都冇損失，香港有大把茶記好食過佢
刪除之前喺電視睇過節目介紹呢間茶餐廳, 睇嘅時候已經覺得 d 食物不太吸引, 估唔到連味道都唔得喎, d 主持仲講到好好食咁架
回覆刪除哎呀....好多時電視都呃人，唔好信
刪除又唔見得好吸引都大排長龍~
回覆刪除都唔知點解???
刪除出名之後就水準下降。
回覆刪除唔知係咪下降，還是跟本「保持」原水準
刪除本來想去試架而家慳返hehe
回覆刪除慳返囉，不如去附近另一間叫和記，又唔駛點等水準又比它好
刪除咁我應該慳返唔洗去lu
回覆刪除又要山長水遠去，真係可以慳番
刪除好彩我仲未去，因為遠又唔想排隊 :P
回覆刪除補祝你生日快樂，越食越青春！XD
haitang
多謝妳^_^
刪除咁我唔去LU......雷聲大雨點小^^
回覆刪除算啦，慳番D時間
刪除我住天水圍，都未去過，也不打算特登去，那天路過又不人多，也會試下 。
回覆刪除我估都好難唔多人啦...
刪除係咪因為暑假所以咁多人呢? 重點是, 遠 + 排隊 + 普通 = 唔洗去 ^^
回覆刪除應該唔係啦，佢好多時都排多人排隊架
刪除講得岩，唔洗去，哈哈
嘩好多人。。。。。
回覆刪除等左廿分鐘，已經算快架啦，公眾假期仲耐架
刪除咁都要等咁耐？真係吾食都算啦
回覆刪除今次等了廿分鐘，算快了，我聽人講weekend仲耐
刪除市區都有所謂出名的冰室、大排檔，又是要排隊等位，其實食物都是中等，所以對此都不感興趣。
回覆刪除以前食開D茶記由唔駛等位變了勁多人等位...我冇耐性，所以冇耐冇去了
刪除