約了好姊妹M&O食煲仔飯
是否天氣暖開始，坤記以前6點多已坐滿客，店外排滿人龍。現在到我們7點幾走時仍未滿坐
其實不須去高級餐館，我較鐘情這樣的地踎小店
白鱔排骨煲仔飯怕白鱔會過熟沒有焗一下，可能這關係，飯身較濕較淋，我愛的飯焦也不多；白鱔稔稔的，不是爽口
今次有焗了的窩蛋肉片煲仔飯，雖然蛋是熟了少少，但飯身就好食得多，米粒爽身、飯焦又脆口；而肉片不是薄薄幾塊，有厚度有口感
生炒骨上枱時已有陣酸溜溜味道湧上來，入口甜酸度適中，只是排骨未如脆口
被薑蔥舖滿的貴妃雞，皮爽肉嫩，三個女生可以KO了半只，就知道味道不賴
廿年如一日的裝修
煲到沒有渣的紅豆沙，一來我喜歡有咬口的紅豆沙渣，二來這個毫無紅豆味的
滿滿的燉蛋，以為滿心驚喜，味道只有一個...甜，如果不是黃色賣相難估到是燉蛋，因為無蛋味的
桑記生蓮子茶還可以啦
最後的清蒸雞蛋糕似一隻打不死的小強，因為硬到鎚仔到打不扁的
今次食得太過急，希望下次要慢慢坐底長談，好鐘意同妳地傾計呢
白鱔排骨煲仔飯~~~超想食... ...哂D餸呀, 兩樣都係我鍾意食而老公不染指嘅食物，哈哈! 即係話我可以留番佢最愛嘅白米飯比佢! XD
回覆刪除三位靚女下次一齊去下午茶，慢慢坐，慢慢傾呢!
雖然鱔我鐘意食，但煲仔飯我會鐘意食飯多過餸多D :p
刪除係喎，俾妳提醒tim，食個tea都好喎
點解源記咁渣都咁出名呢???
回覆刪除老誌號掛，真係一D都唔好食
刪除呢間都好出名,而家多左競爭啦.
回覆刪除雖然依家多競爭，但以前都覺唔好食，點唔知點解唔出名
刪除明知難食都照去? 仲要好出名?
回覆刪除附近真係冇甜品舖...冇辦法唔去呢間啦，以前冇乜甜品舖時，佢真係幾出名，但以前都係唔好食
刪除很難想像在甜品店吃的蒸雞蛋糕竟然是硬? 可能這就是它出名之處.....haha
回覆刪除哈哈....佢最出名係桑記生茶，不過我都覺得唔好食既
刪除Haha打不死的小強形容的好啊
回覆刪除因為我都唔知用乜形容佢好....
刪除作者已經移除這則留言。
回覆刪除去源記只會吃桑寄生蓮子。這味始終是他們做得最好。
回覆刪除覺得麻麻地，朋友話旺角浩記的桑寄生茶比它更好
刪除白鱔排骨煲仔飯我好鍾意食o架！
回覆刪除其實我鐘意食飯多過餸:P
刪除你用咩相機？好奇怪，影食物靚，影其他就好普通。
回覆刪除haitang
olympus....應該係我技術唔好掛:p
刪除做乜咁難為自己, 唔好食都要去呀 XP
回覆刪除因為唔食甜品好似未完滿咁....
刪除硬到鎚仔到打不扁的蛋糕都係第一次見
回覆刪除隔夜蛋糕好食過佢
刪除