香蕉合桃蛋糕

聽日係媽媽生日啦，整個蛋糕俾佢先，佢最鍾意食簡簡單單的味道，所以整個香蕉合桃蛋糕。本來這個是磅蛋糕，但為表我心意，做了個心型模。

今次賣相都OK喎，出爐時勁香，希望味道及質感唔錯啦，不過最緊要係媽媽鍾意，這年來真係發生了好多好多事，最希望佢過得開開心心

 

悠閒的一天

搬左兩個月啦，第一次去Club House游水，原來樓下泳池真係幾正，好有Resort Feel，仲可以望到成個機場，只可借size細D。

尋日天氣麻麻，天色好陰

游完水後，就返屋企煮兩味

Olivian去Oliva

每次Lilian生日我都好容易就揀到去邊度食，因為我地大家的口味好相似，今次就揀了Oliva di Oliva

我地都好鍾意呢間餐廳，很有小店感覺、好舒服，情侶談心或三五知己的敘會好地方，而已老闆兼總廚都OK靚仔、又好人

 

頭盤是無花果bb菠菜火箭茶沙律、煎鵝肝

主菜是虎蝦蕃茄長通粉、牛肝菌蘆荀意大利飯

飯後甜品是我整的生日蛋糕，仲有好好味的Lemon Tart、酒味勁重又濕的Tiramisu及超流心的心太軟。

當食心太軟時，老細剛經過，佢話佢地的心太軟有別於一般的，不是水汪汪的流心，我切開後真的不錯，可惜只有一球雪糕太少了，老細立即送多一球給我們，真係超開心呢

當然要同壽星女影相張啦，唉!侍應哥哥的技術

 

唔似

又到老友Lillian生日，例牌行完街食飯慶祝。

我想整個蛋糕俾佢，但係行足成日街一定唔可以整雪的蛋糕，咁整咩好呢

最後又係搵到b女的Classic Raspberry Chocolate Gateau，這個焗蛋糕，就算行了成日街都唔怕溶啦。

這個蛋糕外表唔合格，因為唔夠醜，又無凹陷或龜裂，外表好「四正」，不過味道唔差喎，中間夠濕潤，朱古力又夠濃

希望壽星女鍾意啦

人齊開飯

每年差不多呢段時間，就會同8月、9月份生日的食友慶生，壽星有Cheap兄、家傑、Rita、Wylie、Yan(排名分英文字先後)。

本來打算去雞公煲，不過今次一班廿人的圍內食友，齊人又叠馬，所以轉地頭去了嶺南，麻煩了KC幫手訂位tim

食完飯，輪到5壽星切蛋糕時間啦

好核突

難得慶祝5壽星生日，整個蛋糕慶祝一下。

Susan話整咖啡雪糕蛋糕，咁我整個清清地的豆腐薑汁蛋糕。

食譜係跟“日嚐甜品”黎做，今次是照足份量整的，都唔知點解不停出水，Mousse又唔夠硬，總知個賣相超核突

好彩整多個豆漿雪糕補數...哎呀!唔得影tim

用上癮

呢一、兩年好恨有個LC煲，太貴唔捨得買，只是買了一個焗盆擺了，直至擁有第一個藍色grill pan後，覺得人生總要買一個LC煲，最後去了Sogo買左25cm青綠色的 Oval French Oven

早前Oliver做promo，有一個我超鍾意的深綠色，不能只得18cm，考慮了好耐，又經Susan & 雪怡的「阻止」下，決定放棄。

不過第二日又走去Sogo買了黃色大碗 & 紫色心心焗兜，而且老友們又買了不少LC的Accessories俾我，好心開

唔知幾時開倉呢?到時再掃貨

又一老友生日快樂

繼雪怡、Connie後，今次輪到Joan來我新屋HW + 慶祝生日，仲有Kendy同BoBo一齊。

又係我大顯『新手』的事時，搵左佢地做我白老鼠...

甜品時間

到壽星女切蛋糕啦

要同玄玄影番張相先，似唔似一家三口呀?

Chocolate & Raspberry Mousse Cake

老友Joan生日整咩蛋糕好呢?最頭痛係佢對食無乜要求，又無野特別鍾意食...而德豬鍾意食黑森林我又唔識整，點呢?

搵到b女的Choco & Raspberry Mousse Cake好吸引就決定整呢個

老公幫手起模時衰左，燒得過火搞到Mousse溶左，好核突丫

 

用白朱古力好辛苦才寫上"Happy Birthday to Joan"，唔係好對稱tim

SOSO生日快樂

下半年超多人生日，我在所識的朋友當中已有9個人在這個月份生日，還有幾位是同月同日，真係好容易混淆的。

今次飯局主角SOSO就係與Yan同月同日的，不過大家性格相差好遠呢，壽星女揀了灣仔囍宴，還親自打電話去訂位，真係唔話得

 

一行6人食了8款主菜小食，最難得係她們陪我食了7款甜品，真係超滿足

芝士西蘭花煙三文魚意粉

現在住了離島，如果放工即閃，返到屋企差不多七點，為求快手，已不再兩送一湯了，簡簡單單是煮個意粉、沙律或湯麵之類，既容易又省時。

見有pack煙三文魚就黎過期，食埋剩餘物資，就整了芝士西蘭花煙三文魚意粉。

材料：一棵西蘭花、煙三文魚及意粉

白汁料：芝士、淡忌廉、牛油、芥辣、麵粉、鮮奶、白酒(我又係求其份量)

煮法 :先將白汁煮好後(留起一碗備用)，再下意粉煮一會後，將白汁意粉倒落焗兜，再舖上煙三文魚，然後將已烚了半熟的西蘭花伴碟，將先前留起的白汁倒在面頭，再灑碎芝士同少少辣椒粉，放入焗爐上格，用220度焗5至10分鐘或個面有少少燶就OK。

回味

上次係鏞記見有人食免治牛肉飯，看似很美味，還記得小時候，我麻麻成日整俾我食的，到依家我仲記得它的味道，真是無人能給的。

是日心血來潮好想食，索性自家製。每次煮野食，我都不按食譜，求其作擺，亂作一團，所以好多時出了失敗之作..

心想只有牛肉，沒有菜不太健康，再加棵椰菜；家裡沒有電飯煲，將飯改了長通粉，就製作了椰菜免治牛肉長通粉了…

材料：免治牛肉、青豆、椰菜、長通粉

我先炒熟椰菜，再落牛肉，待牛肉出了肉汁後，加青豆，我怕不夠美味，再加了茄汁…

不需廿分鐘就食得啦

一年一度

又是一年一度的飯局，又係識左十幾年的朋友。朋友不是識得耐感情就會好，與他們出來都係風花雪月一番，其實我每次都無想出席，尤其是今年，因為搬遠左，返到屋企好辛苦呢….

一眾人等到係中環返工，以為地點係中環，之後散水都方便D，點知有人揀了留圍雅敘。算啦!個度都唔錯，最後仲有人請，我都無謂嫌三嫌四

冷盤：鹽水鴨、燻蛋、涼拌三絲、蝦滷乳鴿

主菜：乾燒蝦球、乾煸四季豆、鮮魚

點心麵食有：上海炒年糕、蘿蔔絲酥餅、家常薄餅

甜品我點了超愛的煎八寶飯，煎得很脆口，我只嫌豆沙不夠多。

四個人食了11樣野，真是飽死

為了消耗以上的卡路里，我最後由灣仔行到去香港站才搭MTR，急步行了廿分鐘，真係行得幾快喎…