Wooloomooloo

難得劉總過灣仔開會，而我又想試下Wooloomooloo，今餐就決定呢度啦

餐廳位於31樓，可遠望灣仔及銅鑼灣全景，比起圓方及尖咀店正好多

坐低後第一時間睇甜品，選擇都算多，於是只叫了一個Set Lunch，再點三個甜品

落完單後，先送了熱辣辣的麵包，外脆內軟好好食

頭盤是泰式帶子蝦柚子沙律，酸酸辣辣幾醒胃

主菜要了Rib Eye，要了medium但肉質頗為韌

終於上甜品啦，檸檬批、拿破侖及心太軟

劉總嫌檸檬枇太酸，但我鍾意，最後我負責清了

拿破侖一般啦，劉總最後食淨了好多，我真係有點不拾得，其實我好想食埋架

最後的心太軟，賣相真麻麻，相信起模衰左，勝在朱古力夠濃，又夠流心

食到飽飽，又是好滿足的一餐