大廚私房菜

首次拜訪Herbert家，玩完一輪遊戲後，當然少不了美味甜品啦

食完上場後，出發去科學園

目標係只有開張兩星期的朗廚坊

地方好大、好寬敞

偌大玻璃窗對住吐露海

專登安排了一張十人大檯俾我地

叨KK的光，我地唔係食一般Menu上的菜餚啦

為我地而設的私房菜，大廚Ron還親手寫了一張菜單

自家製的兩款麵包

還有食到唔停得口的芝士條

先黎三前菜，帶子沙律、三文魚他他、還有滋味的田雞腿

風乾蕃茄凱撒沙律

法國洋蔥湯，雖然超多芝士，但味道還不及Pickled Pelican

KK大極推介的牛肋骨，又稱三枝骨

牛味極濃、肉質羶嫩、入口不膩，連配碟的菠菜也吸引了牛肉的精髓

我連骨頭都唔放過

鮮鮑雙色大蝦

我欣賞炸大蝦頭，除了豐富的蝦膏外，脆到連殼都食埋

每人一份，真係嫌少呢

香茅燒雞，大廚Ron話係西貢走地雞，肉質真係幾嫩喎

香草牛油大龍脷，起肉炸成魚柳，之後魚身再炸到脆口

超大煲的濃湯青口扁意粉，大家肚皮超full，都要試一試

我最欣賞是自家製的扁意粉

到了甜品胃出場，他的甜品都是自家製

我食了超多的合桃批，香脆甜蜜

味道不太濃烈的芝士餅

麵包布甸我就不太欣賞，要點香甜的cream才較為好食

最後還有一個大蘋果批，牛油皮超香、鬆化，蘋果肉甜美而不膩

原來我地食到打烊了，真係打搞&麻煩晒大廚Ron