對我來講將軍澳是一個好遙遠的地方，我印象中好似第三次來
所以呢度開左兩間酒店都唔知，今次係去Crown
大堂幾Grand喎
地點係去佢二樓中菜廳紫粵軒
裝潢優雅、地方闊落
其實今次目的是慶祝12月兩壽星Mandy及Janice
呢度薄脆好好食，本身已好香口，再點埋墊底的甜酸醬，真係食唔停口
又有Janice帶來Honey moon手信，好濃郁的朱古力曲奇，好好味
蜜汁叉燒-據說是兩部份，人有食到的是肉質較實的一邊，而我食的半肥瘦位置，也不見得突出，蜜味也唔夠香甜，與一般的燒味檔水準相差不大
香煎瀨尿蝦扒-是推介之一，是將蝦肉搞亂煎香，無異是係特別，但我覺得嘥左隻瀨尿蝦，而且索價$258，只係食到少少蝦肉
雙蔥爆龍蝦-鑊氣欠奉，這樣爆的龍蝦肉當然食不真其鮮味，而且呢D鑊氣菜式，還是去大排檔、平民小菜館較好
特色鹽香雞-這個雞還可以，但比起我第二日做冬去醉瓊樓食鹽焗雞，輪味道及雞肉就相差太遠
宮廷烤醬骨-全晚我最欣賞的一道菜，膏、肉層次分明，膏不肥膩，而肉就超鬆化
金沙蝦球-翻版黃金蝦，鹹香不夠，而蝦肉有蝦味之餘，亦不夠爽口，我相信我會整得好食過佢
上素釀竹笙-來個清清地的一個，但是清都冇味
龍蝦湯響米海鮮泡飯-又是推介的一個菜，但試過龍壐的泡飯後，就會覺得這個相差十萬百千里
Matthew食得好滋味喎
又到切蛋糕時間，祝兩位壽星永遠快樂、與另一伴甜甜蜜蜜
唔該晒CEO為我地訂左兩個蛋糕，我就較鐘意綠茶個果，而左邊的朱古力是很香濃，但唔多鐘意膠膠的質感
祝兩位靚太生日快樂
其實食到好飽，但慣性又會有下場
下場是京都抹茶屋 ，類似以前的麻布茶房，但我地當然主攻甜品啦
打開menu超吸引，樣樣都想食
要了三個軟雪糕、新地及刨冰，又話主打綠茶，但綠茶味完全 ，與菓匠冇得比
綠茶卷，見到個顏色都驚，超假的綠色
這個綠茶芝士蛋糕較為像樣的一個
原來今次又冇好下場
你好似好鍾意綠茶喎
回覆刪除[版主回覆01/07/2013 21:28:39]我真係幾鐘意綠茶架
雖然我對海鮮麻麻，不過我都鐘意清蒸多D，夠原汁原味
中菜D餸睇果樣好似唔錯，不過你平價麻麻!
回覆刪除價錢應該都唔平
最怕貴得來唔好食
[版主回覆01/07/2013 21:32:54]可能係酒店中菜廳，所以對佢有期望啦...
價錢中等都可接受既...
嘩 食飽飯仲食埋甜品 勁呀 !!!!
回覆刪除[版主回覆01/07/2013 21:35:02]係勁飽丫....
原來將軍澳都開左酒店呀, 真係唔講都唔知呢
回覆刪除[版主回覆01/08/2013 07:09:26]唔係朋友講我都唔短呢，將軍澳對我來講實在幾遠下
呢處應該有兩間酒店相連..我覺得甜品賣相麻麻
回覆刪除[版主回覆01/08/2013 07:08:18]icic...
[EE回覆01/07/2013 22:34:32]我住在西貢,所以將軍澳對我來講不算遠
[版主回覆01/07/2013 21:37:09]兩間酒店係相連架，妳係附近住呢?
酒店中菜一般麻麻！個場就唔錯。
回覆刪除食完咁多仲可以再下一場，利害！
[版主回覆01/08/2013 07:11:29]出名酒店D中菜咪ok囉，其他就好似酒樓一般水準
連續食兩餐所以勁勁飽
香煎瀨尿蝦扒-258 好貴, 張相影出黎冇內涵.....
回覆刪除同menu d 相好似差好遠, 好似食人造色素咁
[版主回覆01/08/2013 07:13:15]個隻瀨尿蝦真係唔值啦
第二場甜品真係嘥了我quota
我以前住係將軍澳架，不過我都吾知有酒店，哈哈！呢野食都mamaday,都係吾好係將軍澳食野啦
回覆刪除[版主回覆01/08/2013 12:56:12]有3、4年咁耐啦...香港物價真係超高，生活艱難
[Mrs. Wu回覆01/08/2013 10:58:03]對上一次係09年lu....不過聽人講而家香港野好貴, 買野都買唔落手
[版主回覆01/08/2013 07:14:50]原來妳住將軍澳㗎？妳有幾耐冇返過嚟呀？
係咪o係地鐵附近架?
回覆刪除[版主回覆01/08/2013 07:15:49]係丫，地鐵一出有個好大型新商場，隔離就係兩間新酒店
始終覺得茶就是茶，還是用來飲最好。
回覆刪除好想試個泡飯。
[版主回覆01/08/2013 21:19:01]飲茶同茶製品我都鐘意
如果想食泡飯不如去龍壐
我印像中好像未去過將軍澳, 原來入面開左間crown 酒店
回覆刪除[版主回覆01/08/2013 21:26:19]如果唔係今次去食飯，我都唔知完來將軍澳有兩間酒店呢
將軍澳對我來講真係好遠
將軍澳好遠耶，我只係去西貢時路經過。呢間中菜廳最近好多推廣，個樣好似OK但原來唔好食，咁可以唔駛試。
回覆刪除[版主回覆01/08/2013 21:26:53]又唔係特別好食，唔駛特別老遠走去
醉瓊樓的鹽焗雞是十年如一日～沒有變，超好味！
回覆刪除[版主回覆01/08/2013 21:28:53]醉瓊樓D野真係唔錯，又平又抵食
我都很久沒有到將軍澳了 , 原來現在有間咁靚的酒店 , 但似乎食物好麻麻喎 , 都係雪糕吸引得多了 . 謝謝分享 !
回覆刪除[版主回覆01/09/2013 22:28:22]唔客氣
個間酒店真係幾靚，但食物就好一般
美食+靚裝修^^
回覆刪除[版主回覆01/09/2013 22:30:37]係將軍澳來講，算係好高級了
噢.....我原本想去食這酒店自助餐....現在唔去囉 !!
回覆刪除[版主回覆01/09/2013 22:30:53]或者自助餐OK呢
朱古力曲奇個包裝好靚呀
回覆刪除[版主回覆01/09/2013 22:31:38]朋友係新加坡買的，唔至包裝靚，仲好好食tim
每次都有上場又有下場, 真係好滿足呀~
回覆刪除[版主回覆01/09/2013 22:32:07]除左滿足外，仲滿肚腸肥tim
唔係你生日咩？以為係，想唱生日歌你聽添！
回覆刪除[版主回覆01/09/2013 22:33:23]7月先唱俾我聽啦
將軍澳我無印象去過添呀！
回覆刪除飯後吃埋甜品最完美了。
[版主回覆01/09/2013 22:34:12]原來冇乜人去過將軍澳，我仲以為我咁背tim
Oli:
回覆刪除~將軍奧有酒店架! 唔知貴唔貴啦!! 我成日到覺係香港住酒店好貴架.
~我覺間中菜廳啲食物份量唔係太大!!
~我反而鐘意京都抹茶屋, 我最鐘意到係綠茶!!
[版主回覆01/09/2013 22:35:46]唔知個間貴唔貴呢，不過佢好似幾grand咁，我估都唔平
酒店中菜多數都唔大份，佢想要妳叫多幾份ma
同妳一樣，超愛綠茶
我都聽朋友講 將軍澳有酒店 , 我想去試吓佢啲 buffet 睇吓好唔好味
回覆刪除[版主回覆01/10/2013 07:11:18]試完話我知丫
這間中菜好似吾係好掂噃
回覆刪除[版主回覆01/10/2013 21:37:19]一DD啦，個果宮廷烤醬骨就唔錯
淨睇相d小菜顏色配搭好似唔錯, 係黃金蝦睇都知唔得. 估唔到咁差喎!
回覆刪除[版主回覆01/13/2013 14:33:10]其實唔係話得好差，但係以酒店水準來講，唔得囉