2月16日年初七
劉總吹雞人日大飲茶，當然第一個報名，而且對我來講實在太近
舊年8月試過萬豪中菜廳的晚飯，今次就試下佢D點心
是日天清氣爽，望出窗外好舒服
諾諾、悅悅都有黎，佢地好可愛架
中午的點心種類不少，每款也吸引
先介紹傳統的點心
蝦餃、燒賣入口有好實在的感覺，一籠5粒係咪好少見，因為我地有9個大人，所以另一籠有4粒，大家都有得食唔駛爭
鴛鴦腸粉有點失望，因為腸粉皮唔夠晶瑩滑溜
山竹牛肉是今餐最差的一個，牛肉"拿"得太犀利了
原個蒸的馬拉糕-口感鬆軟、綿密
流沙奶皇飽-都唔流既
叉燒餐包-不太熱，饀料唔夠多，沒有一種香味
鹵水豬腳仔-味道不太濃烈，彈性不足，似乎骨膠原不夠
煎鍋貼
煎腐皮卷
蘿蔔絲酥餅-大啖一咬都不覺有蘿蔔絲存在
以下三款是較為特別的點心
鵝肝芋頭角外型尤與一隻天鵝般吸引，香口豐腴不油膩
黑椒牛柳酥-酥皮很有牛油香，咬下去有濃烈黑椒的惹味
這令人喜愛的小蜜蜂
其實是鳳梨酥，香酥可口，令人意猶未盡
甜品有椰汁紅豆糕
有劉總帶掣，今餐是超級抵的一餐
D點心好正呀
回覆刪除[版主回覆02/23/2013 00:49:34]一半半啦，不過實在好抵
呢點心好吸引呀 !!
回覆刪除[版主回覆02/23/2013 13:51:23]D點心一半半吸引啦，不過實在好抵食
個叉燒餐包一睇就覺得唔掂, 不過個芋角就好吸引
回覆刪除[版主回覆02/23/2013 13:57:45]妳自家製的包包好過佢十倍有多啦
芋角賣相吸引，味道都唔錯，不過食晒一個都幾飽下
都係人多飲茶開心 o的!
回覆刪除可以, 品嚐到多款唔同點心呀!
[版主回覆02/23/2013 13:58:44]係丫，人多好可試過多D野
如果三兩丁友，叫幾籠己飽晒
趣致脆味好正的小蜜蜂想食埋佢呀!
回覆刪除[版主回覆02/23/2013 14:04:37]我最鐘意食個隻小蜜蜂，真係好好食
嘩! 好掛住香港既點心, 真係想一啖食晒佢.
回覆刪除[版主回覆02/23/2013 14:04:05]我都好掛住德國既香腸、麵包
東涌？好遠呀
回覆刪除[版主回覆02/23/2013 14:11:05]我十零分鐘車程就到
小蜜蜂整得超可愛呀~~
回覆刪除[版主回覆02/23/2013 14:11:47]好睇又好食
流沙奶皇包，我前日食過，又係唔流架
回覆刪除[版主回覆02/23/2013 14:12:55]好時都好矛盾，太流又驚太多油好肥，唔流又好似冇咁好食
馬拉糕好想食
回覆刪除蜜蜂仔好可愛呀，吸引
[版主回覆02/23/2013 17:50:51]小蜜蜂好好食架，一完食隻好想再食第二隻
d點心真係好精緻又抵食呀!! 最衰一早約左同事拜年啦~~
回覆刪除[Yan回覆02/23/2013 22:13:29]嗯, 等劉總再安排~~~
[版主回覆02/23/2013 17:51:06]下次啦，一定有機會的
我哋點的只是普通奶皇包, 不是流沙包喎!
回覆刪除[版主回覆02/23/2013 17:51:42]係?我同Janice都以為係流沙包tim
小蜜蜂好可愛！牛肉球咁白嘅？
回覆刪除[版主回覆02/23/2013 18:13:24]所以牛肉球一D都唔好食囉
這裡點心賣相好靚 , 鍋貼好有心機煎微金黃好靚 .
回覆刪除[版主回覆02/23/2013 18:15:45]鍋貼冇食唔知得唔得呢，不過賣相就唔錯
小蜜蜂好得意。
回覆刪除[版主回覆02/23/2013 18:16:23]仲好好食tim
小蜜蜂整得好可愛, 小朋友大朋友都啱.
回覆刪除[版主回覆02/23/2013 18:17:24]小蜜蜂又靚又好食
搵日攪多局呀!?
回覆刪除[版主回覆02/25/2013 07:06:46]哎呀，打錯tim
我想話＂如果冇劉總，就食唔到咁正的＂
[chi ching回覆02/24/2013 12:58:24]咁我下次唔來囉~
[版主回覆02/23/2013 18:17:50]咁要劉總先得啦，如果有劉總，就食唔到咁正的
特色點心好吸引呀!
回覆刪除[版主回覆02/23/2013 18:19:47]個D特色點心好好味，真係想食多次呢
個鵝肝芋頭角 & 小蜜蜂都好可愛呀.....引C人喇....
回覆刪除[版主回覆02/24/2013 11:30:24]係丫，初時都唔捨得食，但實在忍唔住，一啖咬左落去
小蜜蜂真係會另人興奮呀~~~
回覆刪除嗡嗡~~~嗡嗡~~~
[版主回覆02/24/2013 11:31:03]大家見到後立即大叫一聲...不過冇唱歌
呢排我吃滯咗，最尾嗰碗楊枝甘露望落好爽口，吸引呀！
回覆刪除[版主回覆02/24/2013 11:31:53]我都食滯丫，之後要食番清D先得
我不可以咁食法, 實暴肥
回覆刪除[版主回覆02/24/2013 11:32:09]我已暴肥左
A belated Kung Hei Fat Choy! Wishing u and your family Good Luck+Good Health+Great Joy and Prosperity!
回覆刪除WOw, delicious...
[版主回覆02/25/2013 07:09:19]多謝你
我都祝你身體健康、萬事勝意、心想事成
人多去飲茶樣樣食D, 可以試多幾款
回覆刪除[版主回覆02/25/2013 07:10:20]人少去飲茶真係乜冇癮，叫少少嘢已經飽晒
我比較喜歡芋頭角
回覆刪除[版主回覆02/25/2013 11:26:54]妳芋頭戒芋頭㗎？戒口要戒到幾時呀？
鵝肝芋頭角, 小蜜蜂, D點心好靚呀
回覆刪除[版主回覆02/26/2013 14:25:16]我最鐘意小蜜蜂，又靚又好食
下次來你道也想試呢間喎....
回覆刪除[版主回覆02/26/2013 14:26:03]好丫，搵定位等妳
Oli:
回覆刪除~你屋企附近有間過得去嘅茶樓, 你得閒都可以去下飲茶喎!!我最鐘意隻小蜜峰,好特別. 我覺香港依嘅年,係點心方面, 會下啲苦工. 會整到啲點心好別緻!! 我依邊啲chinese restaurant 嘅點心, 真係好大路架!! 不過,有茶飲, 都唔投訴太多啦!! 哈哈~
~平時劉總, 帶開你食貴野??今餐係最抵嘅一餐呀!!哈哈~~
[版主回覆02/27/2013 16:01:00]雖然都住近，但反而少去呢
可能妳地個邊D人單純、冇所謂，依家香港人太咀鵰，而且又多競爭，所以好多食肆都要諗計吸引客源
哈哈，係丫，劉總通常帶我地食貴嘢
出面天氣好好, 望出去好舒服
回覆刪除芋頭角同小蜜蜂造型好靚, 好想試下
[版主回覆02/27/2013 16:02:38]個度落地大玻璃，如果坐窗口位，個view幾正㗎
小蜜蜂真是好睇又好食㗎