開心姊妹夜

2月26日(星期三)


與八婆谷一班姊妹+大家另一伴飯聚

又因Entertainer關係，揀了適合人多細眾的Fat Angelo's

自從香港開了多間美式餐廳後，有好多年都冇來過，主要原因是唔好食，但聽聞近期水準改善左，又即管試下

用過好幾次Entertainer都可以同一時間在同一餐廳用兩三張Coupon，原來在肥天使每次只可用一張Entertainer Coupon，在我地不斷「遊說」下，經理又好好人，最後可以用兩張Coupon，即是叫四個主菜，有兩個免費。而且不是以計最低價的，而是免第二高價錢的主菜。例如：A主菜$400、B主菜$300、C主菜$200，是免價值$300的B主菜

以前覺得肥天使餐飽又脆又熱好好食....呢個唔脆唔熱唔好食，不過有兩桶麵包都俾我地清左一桶，點解???因為牛油關係囉，大家的另一半為食牛油所以才食麵包


奉送了兩碟沙律


酥炸魷魚


水牛雞翼...umum我信想我會整得好食過佢 


唔夠熱的芝士焗西蘭花


大家都鐘意的炸薯條，又熱又脆，肥大肉厚


蔚藍食得津津有味呢


以我地怕蝕底性格，當然4款主菜差唔多價錢，所以意粉及意大利飯也要大size

Carbonara上枱時真係有點驚人，大家都未食過咁大碟的Carbonara


以$388有三大件的烤羊架實在超值，而且肉質夠嫩滑，香草醬釀入了羊架內，入口唔會啖啖肉般肥膩


相對這個Baby Rib同樣是$388，好似冇羊架咁抵


大家都好擔心牛膝意大利飯好似Carbonara，幸好份量只是一般，大家當鬆一口氣時，原來好戲在後頭，因為我地要大size，餐廳幫我地預先分開兩碟...可借呢個飯係唔好食，味道很淡，第二碟還好，第一碟太濕了，而牛膝又乾又鞋 > <


其實都好盡力了，最後只食剩意大利飯


大大份的甜品我最鐘意，就算幾飽也要食

有5球的瘋狂雪糕新地...好開心丫，我地5個女生(加埋蔚藍)好容易就清掉啦


特濃朱古力蛋糕配焦糖醬...特濃?我唔覺朱古力味好突出


雖然這餐唔太好食，不過價錢抵，而且大家嘻嘻哈哈，又過了一個開心的夜晚