炊公館前身是Sorriso
環境幾乎與Sorriso一樣
只是要求坐窗口位置就沒有最低消費
賣的是中西合壁菜式，但又不是Fusion菜
第一道奉上是燻蛋，看其賣相已扣了分數
幾乎全熟，毫無溏心可言，亦沒有茶燻香，席上有位好姊妹做得比它好
烤珍寶肋排伴鮮嫩蔬菜
比一般的美式餐廳做得好，骨肉分離、肉嫩多汁
冬菜粉絲九肚魚湯味道淡淡的，全靠冬菜來吊味
份量只得幾件的菠蘿咕嚕肉，不甜酸、不脆口
生菜鯪魚球生菜煲
清新健康的鮮淮山腐竹浸翡翠苗
西班牙墨魚汁海鮮撈麵端上枱時陣陣超鯹味，但食落又很鮮香，麵身又彈牙，唯一缺點是食到滿口烏咀
甜品不大吸引，但也叫了幾款試試
生薑茶湯丸薑味勁濃，甜味相對亦重，而湯丸皮夠薄，但饀不多
香芒雪糕楊枝甘露
士多啤梨忌廉pancake
食物縱然一般，但與一班姊妹渡過歡樂時間，大家也笑到流眼水的一晚
D食物真係好怪呀..... @@
回覆刪除妳有冇去過呀?
刪除我覺得賣相唔錯喎!
回覆刪除個景同賣相唔錯，不過味道麻麻地
刪除我都係經常笑到淚流滿面嗰種人..haha..好開心喎年年都食咁多餐生日飯, 証明你人緣好好^^
回覆刪除妳唔講我都估到成日“以淚示人”啦，哈哈....
刪除umum....人綠都OK架，hehehe.....
你年年都係咁嘅樣
回覆刪除根本無老過
妳真識講笑啦:p
刪除嘩....D菜式, 賣相, 好似好求其.
回覆刪除真係一般 !
唔會有回頭囉
刪除咁中西合璧又幾騎呢wor...... 不過同朋友一齊過，點都開心既。
回覆刪除其實幾怕唔中唔西既野，好彩開心搭夠
刪除還是感情/氣氛比較重要
回覆刪除又中又西有點古怪~~~嘿嘿
幾怕唔中唔西既野，又唔係靚靚fusion菜，硬係唔知點咁
刪除學妳話齋感情/氣氛搭夠
我又係成日俾人話我笑到出眼水嗰種人。;P
回覆刪除一路睇都覺得怪，但又講唔出係咩咁怪，明明食物賣相都好正路，可能係我接受新事物能力低啦。咁妳欣賞佢嘅中餐定西餐多D呀？
我係好易笑到bill眼水的人黎架，好多人成日話我做乜笑到喊
刪除umum....我其實唔係好欣賞佢囉，無論中定西，佢D甜品就更架啦
我都覺得出面個景靚過d餸
回覆刪除好彩安排左個窗口位，有個靚景搭夠
刪除btw香港夜景真係數一數二
食物味道都係其次, 最緊要同斑姐妹食得開心 ^^
回覆刪除係架，我地每次都傾唔停呢
刪除只得幾件的菠蘿咕嚕肉要幾錢架?
回覆刪除唔記得lu，隔咗咁耐，而且呢餐唔駛我俾錢:p
刪除哈哈隻蛋又真係醜怪D嘅
回覆刪除妳一定會整得靚過佢、好食過佢
刪除