欣圖軒

10月1日(星期二)

近年的國慶日，媽媽也會約埋舅父一家飲茶慶祝

 

今年揀了欣圖軒，爸爸、老公竟然記得這裡曾翻身過，原來他真是剛剛才翻身重開業呢

雖然在地下，但也要求了窗口位，感覺份外開揚光猛

我的表兒甥森森已兩歲人仔了


餐具高雅得來不會俗氣

甜蜜香脆的琥珀合桃，十幾人只有一碟，令到個個也忍口

例必要的蜜汁豚肉叉燒，色澤鮮艷又帶焦香、肉質肥瘦適中、甘香鬆化，真是滋味無窮

晶瑩剔透的蝦餃，皮薄饀爽

我最喜歡的蟹皇燒賣，粒粒鮮美飽滿


香芋火鴨雪山包是大家一致推介，酥皮外層黃金香甜，包身鬆軟，饀料是香酥的鴨肉，三者配合得宜，令人回味 

鮮蝦蟹肉春卷，炸得熱辣脆口，絕無半點油膩感

葡汁蘿蔔乾絲酥咬落鬆化無比，但葡汁略為重口味一些

紫棷菜鳳凰餃-紫色的賣相，已吸引不少女性客人歡心，以雞肉作饀，更為之健康

  

雞湯腐皮卷-我最欣賞是腐皮，豆味香濃很突出

蘋果黑菌石榴球-將黑松露混入點心中，增添貴氣

以上點心太精彩，令到這平平無奇的叉燒飽滯銷

高抄來個點心大合照  

 
吃飽點心，再來個干炒和牛河，河粉炒得細滑、不油

荷葉飯，飄來陣陣荷香撲鼻，香味同時也滲入飯身裡，又粒粒爽口分明

其實有好多款甜品也很吸引，但個個也食不下，最後以奶皇麻棗作完結，咬落脆皮香口，失敗在於奶皇，不香不甜

食飽後快快趕入元朗，接下場