約了一班好友去麥記，當然不是食漢堡飽、開生日會....
晚飯地點是大角咀的麥記膳房
這煲是預訂的天下第一湯，什麼是天下第一湯呢?
原來是用大量的豬骨、豬展、冬菇煲出來的足料老火湯
難怪飲落香濃、順喉
貴妃雞也要預訂，莫看大大隻，火喉煮到剛熟、其肉質如美人妃子般嫩滑無比，最難得是食到久違了的雞味
菠蘿生炒骨顏色紅紅綠綠，已吸引食慾，同時傳出陣陣酸味，也令人口水流。排骨件件脆口，還加上卜卜脆的油炸鬼，雙重香脆感覺
比利時蝦好像與比利時沒有關係，莞茜、芹菜及洋蔥這幾種香菜，再加點胡椒，所有精華已溶入彈牙的蝦肉裡
這個香煎雜肉餅，大小朋友也愛，黃金又帶點焦燶，外層香脆、內裡的肉汁仍可緊緊鎖上，我主觀認為再混點馬蹄、冬菇之類，更豐富口感
瑤柱火腿鹽水菜心，條條嫩綠菜心吸盡上湯的鹹鮮香
這個真正的生炒糯米飯，粒粒乾爽，炒到不油不膩，還灑了不少鹹脆花生，令這個米生色不少，我已狠狠的幹掉兩大碗
送了飯後甜品
紅豆、綠豆、西米一次過食到三款甜品
8 大1細看似吃了種類不多，其實每碟份量不少，起碼集齊6人或以上才可去食。下次又要集齊人馬再試它其他菜式
好似幾得喎! 至like老火湯同糯米飯啊~~~
回覆刪除呢間野好得，好想去多次，不過要人多先好，因為佢D份量好大碟
刪除好似私房菜,有雞味實在難得一見
回覆刪除是可以自已點菜的私房菜，除了雞外其他野都有準
刪除哈哈，原來同麥當當無關.
回覆刪除大家都係叫麥記:p
刪除前天才路過，原來臥虎藏龍
回覆刪除難怪，一來佢唔太起眼、二來個附近有好多野食，唔知的話都唔會揀佢，我都係朋友介紹先知
刪除呢餐好似幾掂下，不過無價錢睇又真係有D怪！
回覆刪除生炒糯米飯我麻麻，不過老公就勁啱，但佢食親呢款都好容易食滯。^^"
呢間野真係幾點架，我仲想去食多次tim
刪除我同妳老公岩喎，我又勁like，不過唔好食得多，好容易唔消化
omg!!!天下第一湯係我既天下第一毒藥><好多冬菇!!hahaha...
回覆刪除呢間真係好足料, 連送既糖水睇d紅豆就知
所以煲湯最貴呢....
刪除呢間好多都落足料，算是物有所值
我地成班朋友無人試過真麥記生日會, 諗緊有無大人生日會呢~
回覆刪除妳帶頭搞囉，哈哈~~
刪除生炒骨加油炸鬼和生炒糯米飯, 最吸引, 看來好得!
回覆刪除食左幾樣都好得，好想再食多次!
刪除有雞味嘅雞 諗起都流口水
回覆刪除依家食雞，真難食到有雞味呢
刪除