好運印尼

8月16日(星期五)

好日唔去觀塘，去開有條癮，今次係Joyce吹雞，去試好運印尼菜館

有七、八十年代懷舊feel，原來獲選本年度米芝連一星食肆之一，真係失覺晒

大家叫椰汁冰、珍多冰之際，見到有上海冰印尼菜點解有上海冰

經過兩位上海同鄉慫恿下，大胃終於犧牲小我....原來似一個普通刨冰的甜品

加多加多是我最喜愛印尼菜之一，它材料不算豐富，主角的醬汁也不算突出，有少許失望

酸辣蛋也是我的選擇，蛋是我至愛之外，這個汁辣中帶甜，相當醒胃，用來撈飯真是一流

除雞外，掃了其餘三樣豬、牛、羊，味道不俗，只欠不夠熱 我覺得沙爹汁才是串燒靈魂，肉質才是其次，這個羊肉燒得不乾很嫩，羶味不重

串燒牛、豬，牛的味道勁似牛肉乾，但肉質不乾；而豬是三類中較差的一個

炆牛脷-炆得不過透徹入味，而牛脷亦不夠腍身，配菜的薯仔也欠入味

煎板登魚-魚炸得更為甘香脆口，連魚骨也炸得通透，不點醬汁也很惹味


類似越南扎肉的五香雞，質地唔識形容，不是扎肉彈牙爽口，味道又有點油益味，但大家勁讚，口味真係各有不同

鐘意椰汁的朋友一定鐘意這個椰汁辣醬雞，超濃烈的椰香，但不是我杯茶

雞蛋、花生、魚乾、肉鬆等舖滿面的黃薑飯，其香料滲入飯粒之中，入口時滿口香氣，而且飯粒分明特別香口

我真是蠢，先食濃味黃薑飯，才食這個印尼炒飯頓覺味道大減

印尼與泰國同樣是重口味的菜式濃味，但我終於對泰國情有獨中，我還是喜歡泰國的辣多一點