一個大好的星期六，相約好姊妹們食個lunch
見到食友話中環Habitu有weekend brunch，分兩個時段11:00至1:45、2:00至4:00，我地就揀第二輪brunch變了late lunch
全個menu都可任點任食all u can eat還包一杯檸檬特飲或橙汁，如要咖啡或茶，可加多$20
我的檸檬特飲酸酸的先來醒一醒胃，姊妹怕酸要了現成來貨的橙汁
湯及沙律，前者有兩款可供選擇，後者有三款
龍蝦湯味道ok，不排除是罐頭貨式，不過係超市買的龍蝦湯比其他罐頭湯貴，算是落重本
麵包類也有5、6款之多
反叮的Scone & Muffin，反叮後質感淋淋的，點解佢唔用焗爐烘熱呢，熱熱脆脆的外層會好食好多...Scone隔離半溶的cream仲得人驚
最期待的蛋類，也是任選配搭
我當然首選最愛的Benedict
我太好彩了....蛋黃不夠流心，而姊妹們的就像血流如注
香腸三文魚奄烈
各款意粉及各種醬汁，可按自己喜好任意配搭
煙三文魚刁草
拿破崙寬條麵
它的醬汁好明顯是現成貨，不過上枱是夠熱辣，而意粉的質感也很咬牙，絕不馬虎
甜品只要了焦糖香蕉布甸
最後生果併盤作飯後果
加埋一每人$150，食物至於好突出，以這個價錢食得飽飽(飽到我連晚餐都冇食)，也是傾計的好地方，所以也值得再來
咁o既價錢唔錯喎。
回覆刪除其實係抵食架，我仲一餐當兩餐tim :p
刪除呢個價錢好抵喎... 就算食得唔多, 當食個lunch, 可以坐咁耐都OK啦!
回覆刪除其實係抵食架，不過平日冇，只係星期六日先有呢
刪除咁嘅價錢算ok啦，就算全用現成貨。
回覆刪除ok啦，唔貴算抵食架
刪除作者已經移除這則留言。
回覆刪除Oli妳好阿Q精神呢!龍蝦湯比其他罐頭湯貴就接受咗個罐頭湯值得學習^0^
回覆刪除哈哈，多謝讚賞:p
刪除好抵呀~~食飽飽一定去濕平啦^^
回覆刪除哈哈，妳點知架?
刪除$150任點任食算係咁啦.
回覆刪除咁又係丫，算係好抵架啦
刪除我好心急，一定會揀第一輪嚟食 ;)
回覆刪除食咁小甜品嘅，留肚去下場?
因為要就朋友，所以食第二場當tea囉
刪除因為甜品唔好食，所以費時嘥qutoa
Oli:
回覆刪除~有得all you can eat brunch, 又幾好, 你早排咁渴求食 Egg Benedict, 你可以食返夠本!!
妳好好記醒喎，記得我好想食benedict，不過我呢個麻麻地咋
刪除好多時聚會真是不在乎食咩，大家七嘴八舌，支支乍乍一番都好開心，可能這就是中國人喜歡的熱鬧吧。
回覆刪除求其是成班女仔，be li ba la好鬼開心呢
刪除有時掛住講，都唔記得食左D乜
呢個價錢 OK 喎, 不過唔夠時間傾偈 XP
回覆刪除如果一大班人真係唔多夠時間架
刪除我一睇你個標題仲以爲有人結婚，姊妹團食個晏添。
回覆刪除呢個價錢好掂喎。
我D姊妹基本上已結晒婚lu，不過有兩三個仲未有，我都希望快D飲到佢地個餐
刪除雖然水準好一般，但$150任食都抵既
好抵食wo，個Benedict 又幾靚
回覆刪除可借我食個果benedict麻麻地，另外朋友食個兩果又唔錯喎
刪除好抵呀, 食2個egg benedicts已經回本有突啦!!
回覆刪除係架，而且佢D意粉都唔錯，可惜D甜品就唔得囉
刪除