早一星期前橫掃佳佳甜品後，同行的Maggie說旺角浩記水準還高一班，令到我蠢蠢欲動
原來這間就是浩記，以前讀書在這附近成日經過，已經有佢存在。這個年代來說，它已經是老誌號店了
廿、三十款的中式糖水
如果不只想食糖水，這裡還有粢飯、粉果、燒賣等鹹點心
我估計是自己舖，在旺角租金高企下，竟然有這親民的價錢
每次食糖水，我都不外乎紅/綠豆沙，今次選擇了紅豆沙，粒粒大紅豆，也煲到起沙，可飽腹之餘也有綿密口感，最驚喜是有陣陣果皮甘香香氣
Maggie推介的合桃露，啖啖香濃、口感滑潤，熱呼呼的來一碗，立即暖胃
桂花芝麻湯丸，糖水加了桂花後，帶著幽幽的清香，令到霸氣的薑水立即溫柔了許多。不過我還是喜愛濃烈勁薑的辛辣
粒粒渾圓湯丸皮厚度適中，咬下軟糯不黐牙；芝麻饀也算澎湃，鳥黑香濃
今次只吃了三款，有機會又想與他們掃一次
哈哈! 一睇題目，連我都估到妳食紅豆沙，真長情! :P
回覆刪除同妳一樣，我都鍾意勁薑嘅糖水，諗起都想食呀!
我個人比較悶ma :p
刪除超薑夠辣至正！
不過坐得辛苦D囉
回覆刪除雖然比佳佳細，如果好似我地上次6條友座該ok嘅
刪除好正喎!!
回覆刪除正丫，Maggie冇介紹錯
刪除中式糖水店, 已經買少見少~
回覆刪除依家多數連鎖或fusion型式，舊式糖水舖真係好難搵
刪除等我都去試吓佢嘅中式糖水............聞說早上嘅粢飯都掂~~~~
回覆刪除我見到有唔少人伐粢飯，應該都唔差
刪除我都係喜歡中式糖水。
回覆刪除我都鐘意，不過係甜品我都鐘意:p
刪除又是紅豆沙,下次試下其他啦))))
回覆刪除我專一ma，wahaha
刪除我鐘意合桃露，因為難整兼唔會整
回覆刪除我都鐘意，但唔係間間好食，最怕好似糊仔杰杰的
刪除中式甜品, 我會食合核露、芝麻糊呢d, 因為自己唔試整 hehe
回覆刪除妳整野咁叻，點會唔識整喎
刪除嘩....妳連食糖水都要辣....
回覆刪除勁呀.... !
薑辣同麻辣ma，hehe...
刪除Oli:
回覆刪除~你係旺角附近讀書?我以前細個成日蒲旺角, 因為近嗎, 我係香港居住時, 我屋企附近有小巴坐去旺角, 好方便. 所以, 時常係旺角出現!!
~老字號, 依家好難keep. 真係自己鋪, 先做到
~啲中式甜品好足料及幼細, 都估你會食紅豆沙.....知你喜歡食. 哈哈~~
我係旺角讀書架，而且屋企都有小巴搭去旺角架
刪除我都估佢地自己舖，如果唔係點捱得住
哈哈，原來咁多人知我鐘意食紅豆沙架:p
芝麻湯丸，芝麻糊， 芝麻雪糕，食齊佢，哈哈！
回覆刪除寫得好吸引！
刪除妳係芝麻粉絲?
刪除我又想食呀
回覆刪除