媽媽好

1月11日(星期日)


約了幾位團友來個BBQ茶敘，當我去到朗平時，才收到通知有人病倒要取消

在徬惶之際，醒起住附近的媽媽，立即call佢去出來食飯

其實有點心內疚，好多時當媽媽作後備，但佢都一點唔介意，每次見到我都好開心tim

今次她帶我來嘉湖閣，她搬了後還是第一次來食飯

自選家庭套餐，星期六、日$438，平日仲抵，只是$388

是日老火湯

鮑片鵝掌煲-鮑片鵝掌烄得極稔又入味，只係芡汁太多了

老豆極力推介的滑蛋炒蝦仁，是炒得不錯，蛋夠滑、蝦夠爽，但味道就鹹了些，不過我同老豆講，我會炒得好過佢

我例必叫的生炒骨，甜酸味夠中，但排骨有陣油溢味，是否用千年油來咋?

啫啫芥蘭煲已去掉老硬的部份，淨下來的是爽嫩的根莖，翠綠的綠葉

另加了一個糯米飯，雖然是蒸不是生炒，不會預期是飯粒爽身咬口，但出來的效果又不會太稔，還帶了軟糯口感

飯後奉送紅豆沙，大大粒香甜又起沙，水準高於很多糖水舖

嘉湖閣的食評不是這篇blog的重點，其實是想寫我媽媽，我保證世上佢係最錫我的人

我以前對她又驚又怕，在我細個時她管教很嚴，我的學生時代就只有返學與放學，到了出來做事，就稍為放寬了一點，但仍好像灰姑娘準時回家

當結左婚後，就大大改變，我像放了監一樣，不過由那刻開始，才知道媽媽對我最好。她每每都會做我的back up，使我無後顧之憂.....世上只有媽媽好