每年農曆新年都非常忙碌，大年初一一早去完奶奶食飯後，就即刻去舅父家拜年
舅父必定會準備好多零食來招乎，呢度只是其中一部份咋
今年多了一名家庭成員，佢係我表姨甥Rainbow，超可愛我好鐘意佢架，我地似唔似樣呢:p
\
夠鐘出發去食飯，一早訂了逸東軒
見到財神，當然拉住佢來個大合照啦，咁羊年就財源滾滾啦，哈哈
年初二中午去奶奶家食開年飯，有魚有肉好豐富
夜晚就返娘家食飯
飯後仲有甜品，雪糕加蝴蝶酥...好滿足!
初三就同一班貓友們團拜，去老友屋企前大家飲個茶食個包
之後就上老友家繼續食食食......
咁開心更係唔好俾佢停，夜晚就去臥龍莊食開年飯
大家萬事勝意、身體健康，飲杯!!
臥龍莊係我食過咁多間川菜中，仍然保持水準、高質素的一間
飯後當然唔少得甜品啦，有好多間舖頭仲未開市，難得明記有開，但要迫迫坐街邊外，各款糖水仲要加兩蚊呢
八個人擠在一張細細的四人枱好溫馨呢
年初四最後一日假期，「飯聚」Group友團拜，又係慣例一大埋零食。還有Maggie自家製的蘿蔔糕，因為太好食，掛住食唔記得影。而且她好有心，專登整左10底糕送我們呢
係Yan屋企玩得太興奮，忘了影大合照，立即係樓下才補張
附近有好多小店食肆，可惜還未開市，最後食潮州野，我地14人要坐街邊，不過是晚落雨搞到有點狼狽
呢幾日契B、細B都逗左唔少利是，佢地叫我捐俾浪浪小朋友，真係乖仔啦
新年快樂!! 好開心呢! 每日都咁多好節目，而且香港過年氣氛真係濃好多。離開香港後，我都未試過返嚟過年lu!
回覆刪除好勁呀! 整10底蘿蔔糕，好有心呢!!
哎呀! 太忙唔記得封利是俾兩B添~~~
回覆刪除我都係呀妻契B細B有拖冇欠呀haha~
刪除Dolphin：祝妳同Mr.Dolphin萬事勝意、身體健康!
刪除下年新年妳返黎啦，一大班人過好開心架
Yan & Maggie：唔駛啦，親家兩欠啦!
真係好開心熱鬧呀
回覆刪除個幾日真係好開心，不過仲攰過返工呢
刪除祝你一家身體健康! 萬事如意! 日日有食神!
回覆刪除我都祝妳一家三口龍馬精神、心想事成、豐衣足食^^
刪除契B拎住兩封利是好得意呀！祝契B兩兄弟和氣健康！
回覆刪除我都祝妳身體健康、環遊世界、去多D旅行^^
刪除好多節目呀妳
回覆刪除好充實的假期，仲攰過返工
刪除祝你萬事如意,身體健康,笑口常開食極都唔肥
回覆刪除大家咁話^^
刪除Oli:
回覆刪除~我覺你表姨甥Rainbow, 真係同你有點似樣!!
~好鐘意你舅父屋企, 我記得他每年新年都有酒and cheese. 好新潮!!
~新年, 真係日日都食, 太開心啦!!
~你餐潮洲菜, ....樣樣都好味!! 我好耐無食潮洲菜. 我最喜歡食潮洲菜啲凍魚
~祝你心想事成, 身體健康, 想咩有咩!!
祝妳同Brian萬事勝意、龍馬精神^^
刪除係我妹話我地似，但我唔覺得似呢，Rainbow精靈D
妳真係好記醒啦，我舅父最鐘意有人同佢飲酒，所以一定會準備好多野食來送酒
個幾日假期真係好充實架，不過攰過返工呢
妳個度有冇潮州菜館架
你地真係好有食力呀！
回覆刪除呢個假期肥左好多呢><
刪除恭喜發財，祝你一家大小身體健康，事事如意！！
回覆刪除你真係好忙，一日趕兩場，仲有咁多嘢食，正！！
契B、細B好乖，捐利是錢俾流浪小朋友，抵錫
魚魚祝妳財源廣進、龍馬精神心想事成^^
刪除呢幾日假期又充實又肥左><
我都系過年日日食食食，唔得，真系要諗下辦法先得
回覆刪除好驚丫，覺得身上長緊肉出嚟
刪除我明點解你話攰過反工啦
回覆刪除每日幾乎港九新界都去均，馬不停蹄:p
刪除