2015年2月27日 星期五

中伏在桃里

218(星期三)


年三十晚與屋企人食團年飯,近年香港市道回復?早一個月前訂有好多心儀的中菜館都已訂滿

最後退而求其次的桃里,即日航時代的桃李


話說經過翻新裝修,好歹也是一間星級酒店的中菜廳,可解用了白色光管,令環境氣氛截然不同,感覺與一般酒樓無異


開了一壺鐵觀音,淡而無味

招牌菜的桂花蜜黑豚肉叉燒,桂花蜜來得輕盈不著跡,如不仔細咀嚼就很難品嚐出來;黑豚肉肥瘦分佈平均,入口軟滑鬆化;這碟豚肉叉燒絕不可與什麼公館32、國金軒等相比,但最後也安歌一碟,因為翻看餐牌沒有比它更吸引了

鎮江香醋骨?醋香不知跑到那裡去,肉質亦不夠鮮嫩,吃不到雪味算是萬幸了。早一日去名不經傳的「北京老家」的香醋骨比它做得更出色

這是不是我點的腿蓉百花釀西蘭花,主觀上我已沒有好感,果然大家也異口同聲說不行

由於爸爸不嗜辣,XO醬韓式粉絲蝦球只是低B班的辣度,對我來講像蚊滋咬下也不痛,有點浪費這道菜,如加點辣度應該頗出色

金銀蒜茸東星班小棠菜,食下只有重重的蒜茸,吃不出東星的鮮味來,又可能根本這條魚不新鮮,用蒜茸來掩飾

錦繡炒飯配料非常之多,但我覺得炒飯的配料是其次,就算一碟蛋白炒飯也可以好好食,最主要是否炒得乾身爽口,可惜它連基本功夫也做不到

豬油叉燒撈麵下了豬油後,令麵身又香又滑又爽,幸好最後一碟挽回桃里一點面子

經過以上一役後,對它的甜品沒寄厚望,故也沒有擔嚐試。竟然在馬年最後一餐遇到滑鐵盧,希望羊年餐餐食好、食極唔肥、食得健康、食得是福!

20 則留言:

  1. 西蘭花上面嗰"堆"腿蓉令我諗起中學時期嘅芙蓉蛋碟頭飯呀! XD 好在我唔食西蘭花,一定唔會食呢款!

    爸爸唔食辣,咁媽媽同妹妹呢?

    回覆刪除
    回覆
    1. 妳唔食西蘭花架?我鐘意食,不過佢咁整就唔好食
      我老豆少少辣都唔得,我媽同妹都唔太得,所以同佢地唔可以揀辣野食

      刪除
  2. 估唔到咁渣喎, 個炒飯真係睇到都覺唔掂....
    放心啦, 妳羊年心願的食極唔肥, 一定會實現!!

    回覆刪除
    回覆
    1. 大家咁話,我地食極都咁瘦,哈哈!

      刪除
  3. 須然食物不夠好但一家一齊齊整整過年已足夠啦

    回覆刪除
    回覆
    1. 咁又係,一家人食飯真係好難得!

      刪除
  4. 你已經係食極唔肥啦!應該留返quota比飲水都肥既人呢!!haha...
    你呢條金舌頭,對食物好有要求!heehee

    回覆刪除
    回覆
    1. 年紀越大越來越冇quota啦,希望我地食乜都咁瘦啦,哈哈
      咩呀,呢間真係唔好食ma :p

      刪除
  5. 對我來講,你就已經食極唔肥啦!我肥到嚇親自己喇。

    回覆刪除
    回覆
    1. 哎呀,我唔算好肥,但唔瘦囉,平時要節制自己架
      妳肥?妳係妳blog post張相黎睇下:p

      刪除
  6. 個炒飯一睇就知吾掂,我最鍾意羊年餐餐食好、食極唔肥、食得健康、食得是福,最幣我食少少都肥呢>_<

    回覆刪除
  7. 這店名....是否應改做..."逃離" 岩些 !!
    哈哈

    回覆刪除
  8. 羊年餐餐食好、食極唔肥、食得健康、食得是福....... 你一定會願望成真嘅

    回覆刪除
  9. 祝你食極都唔肥(其實你己經係啦)!

    回覆刪除
  10. Oli:
    ~會唔會農曆新年, 大廚放假, 啲食物好似唔太理想!!
    ~羊年, 祝你夢想成真.

    回覆刪除
    回覆
    1. 唔會掛,大時大節香港服務業都好少俾人放假
      多謝妳,大家咁話^^

      刪除