提早慶祝

12月10日(星期三)


姊妹們大家都是大忙人，所以提早了兩星期慶祝聖誕

有人提議Pizza Express，哎呀，食過幾廿百次，好悶丫

世事變幻無常，最後轉了食中菜「城中小閣」

剛開業不久，原來與Apple Green是同一集團，“城中”是集團第一間中菜館

新開張關係，裝修很乾淨，燈光也很光猛，但感覺似飯堂，勝在影相一流

未人齊，先叫三碟小食打底醫肚

陳醋雲耳-混內陳醋的雲耳，爽中帶果香，醒精開胃

以沙律醬和青瓜肉拌螺肉，是一道清新的前菜

皮蛋子薑一看賣相已知不行，皮蛋看似又乾又實、酸薑又乾又唔夠味，雖然兩者都來貨，但可否入較靚的貨色

有三款燉湯，要一早預訂，要了姬菘茸炖響螺，材料十足，飲落鮮甜滋陰不燥

蜜汁叉燒很愛焦燶的邊位，入口蜜味又帶燒香，而且肉質又軟稔

秘制海山骨是推介之一，外表金黃酥化，入口不乾不油，啖啖鹹香鮮味

侍應哥哥建議將陳醋與瑤柱賽磅蟹撈後才吃，口感也算滑溜

胡椒海蝦煲是我極力推介，粉絲變了這道菜的靈魂，索盡胡椒的辛香，極為惹味；大蝦反成配角，但又不失鮮味彈牙

食得太多濃味菜色，來個清清的鮮腐竹白菜

雖然是簡單的上湯浸芥蘭，但極奇碧綠爽脆，姊妹們讚不絕口

飄香荷葉飯莫看外型細細，原來份量不少。粒粒分明夠爽身，飯粒帶荷香，我連吃兩碗就知是不可錯過

食飽飯重要時刻來臨，就是交換禮物時，堆滿成枱禮物點少得來個合照

最後食個紅豆沙作結尾。這個紅豆沙入口很綿，亦很有陳皮果香，但感覺欠缺很濃烈的紅豆香，有點而失色