11月15日(星期六)
昨日仲係18、19度，第二日立即升番27、28度，真係揀正好日去行山呢
好多年冇去過梅窩，心血來潮去「回味」一番
我地當然唔係搭船啦，巴士由東涌去梅窩只係3X分鐘左右，不過沿著山路彎彎曲曲，搭我到差D嘔
落車第一件事就去搵間茶記醫肚
以為下午茶餐份量馬虎，竟然有兩塊厚厚的餐肉
是日陽光普照，真是郊遊的好日子
準備出發...目的地是愉景灣，會途經神樂院、稔樹灣
已做足心理準備，因為要行113X級樓梯
我地由碼頭個邊行上黎，睇落好遠，其實好快就上到半山啦
但係仲有好多樓梯等住我，繼續努力!
上到山頂可遠望坪洲，隱約還可以望到九龍
完成大半行程，好快就到神樂院、愉景灣
到了神樂院
以前神樂院有牛場，有自家製的十字牌鮮奶，不過依家已搬上了深圳生產
神樂院四周環境清幽寧靜
偷偷地入了教堂內，好彩冇人發覺
見到愉景灣，終點在望啦
原來稔樹灣個邊有唔少農地
仲見到一隻黐人的貓貓
行左兩個鐘，終於到愉景灣了
行到手軟腳軟，要去搵食啦
我都有成1X年無去過梅窩啦!以前家人有間屋響度個個月都會家族旅行,而家想去離島行下, 我老公都好似攞佢命咁樣..haha..而家梅窩完全同我印象唔同晒!
回覆刪除得閒去下啦，妳屋企去都好方便，唔一定行山，去散下步都好C舒架
刪除梅窩俾我讀書時都唔同晒啦，以前我覺得好荒蕪，人都唔多個，依家雖然好多人遊客，但唔會好似長洲、南丫島人逼人
你都好行得喎
回覆刪除都ok既，其實年紀開始大，冇以前咁行得啦
刪除Oli好行得呀~勁
回覆刪除好耐冇行，冇以前咁行得啦
刪除去神樂院冇買曲奇嗎?
回覆刪除冇丫，都唔見有得買，我記得以前黎有曲奇買架
刪除可以咁樣勁行, 抵妳咁fit架!!
回覆刪除因為懶其實俾以前行少左啦...其實我唔fit架，我覺得妳仲fit啦
刪除呢段路風景不錯喎。條樓梯築得很整齊，夠濶，夠安全，但不及泥地行得舒服。
回覆刪除呢段路其實唔算難行架，而且風景又靚，不過當日又曬又熱咋，所以有少少辛苦
刪除行咁多路，好堅呀！我行一半可能暈左....
回覆刪除其實呢條路算短，算小學程度，如果跟我老公行個D山，我會C tim:p
刪除睇到"好多樓梯等住我"嘅時候我笑咗出嚟呀! XD
回覆刪除我以前都唔易暈車浪架，不過依家坐親D周圍兜、轉彎嘅巴士，都好易暈。
哈哈，咁係丫ma，其實個一刻見到有咁多樓梯真係有D驚架
刪除咁妳依家冇暈車浪啦?
有呀，老公成日笑住話不如下次襯未暈就先掛個膠袋喺我兩隻耳仔到，方便我萬一要嘔喎！>_<
刪除哈哈，佢費事妳整污穢佢架車:p
刪除俾我就一定唔會咁行，所以您哋好勁
回覆刪除呢條路算易架啦，如果跟我老公行個D，會行到C tim ar
刪除兩個鐘唔算耐,不過要走過千級樓梯.....唉,我識飛就好喇~~~哈哈
回覆刪除我覺得妳好行得架喎，應該難唔到妳喎
刪除好好天喎.
回覆刪除仲好熱tim ar
刪除千多級樓梯, 聽到已經想暈 @@
回覆刪除不過你由梅窩去愉景灣都只係兩粒鐘, 又唔算好遠喎, 我仲諗住要行半日架 XP
其實路程唔遠，都算輕can，難度唔高㗎
刪除比我見倒咁多級樓梯未行已經腳軟喇！
回覆刪除又行又食, 夠健康.
回覆刪除梅窩, 我都好耐冇去過了