好耐冇post兩B近況，有Blog友叫我post多D佢地D相喎
其實聖誕、新年個排兩隻仔都病晒
先係契B在Boxing Day個晚又痾又嘔，第二日立即帶佢去睇醫生，醫生話佢感冒未清，加上早一晚屋企多人，會令到佢有壓力而引發
到12月28號細B開始痾嘔，十成十被傳染咗，痾嘔次數還比契B嚴重，當晚俾左契B D葯佢頂住先，第二日帶佢睇Dr. Jaime
其實細B都算乖仔，佢平時同我地一齊瞓，個晚唔肯上床，我抱左佢幾次上床，但點都要跳番落黎....個晚嘔左幾次呢，可能佢唔想整污糟張床？
個幾日真係俾兩隻仔折騰了...食左兩、三日已沒有痾嘔，但還要keep住食兩個星期療程的葯
患病初期細B冇胃口、唔多食野，真係擔心C人
但肥仔仍然好有食力，好多時仲食埋細B個份
所以肥仔冇瘦過，睇下仲咁大隻、咁肥
細B就瘦左少少啦，都好既...醫生都想你減下肥
雙B新一年要乖乖、唔做百厭貓，更加要"體質又fit"，千其唔好再做病貓啊! :)
回覆刪除多謝海豚兒EE，承妳貴言希望新一年身體健康啦
刪除最後一張好可愛呀!
回覆刪除冇事就好喇, 新一年真係要健健康康, 唔好再令媽媽擔心啦~~
hehe...多謝Yan EE
刪除M & C都一樣要建建康康丫!
細B咁快要減肥喇? 幾多磅呀?
回覆刪除哈碌上星期都斷斷續續肚痾呀...(可能因為我俾左塊肥牛佢加餸...肥得滯)
希望大家既貓貓都健健康康啦!
上次body check有4.9kg，醫生話佢中度肥胖，要減肥啦
刪除吓?俾哈碌食肥牛???佢肯食呀?
佢係好番晒未?
佢平時好鍾意食雞牛罐罐架, 所以咪諗住俾塊肥牛撈落d烚雞等佢食囉, 佢鍾意食架...不過可能真係肥得滯啦, 疴左幾次而家好返晒喇!
刪除好彩冇事咋，下次俾雞肉算啦
刪除好番就好喇~
回覆刪除新一年一定健健康康
多謝劉總哥哥，你都要健健康康丫!
刪除兩個 b 真係超級可愛呀 <3 <3
回覆刪除細 b 都唔肥, 點解要減肥呢 XP
但係佢地成日打交，好百厭呢
刪除上次body check，細B有4.9kg，醫生話佢有中型肥胖要減肥丫
好返晒就好啦!好中意最後張相!好得意!眼神好一致!
回覆刪除希望佢地健健康康就好啦!
刪除個張相好難影，佢地成日郁，影左好多張先有一張得啦
好番晒就得喇唔係擔心C你哋啊媽嚕
回覆刪除係啦，依家體會到養兒100歲 長憂99啦
刪除天氣冷，大人毛小孩都要注意保暖﹗
回覆刪除係!知道^^
刪除2隻都好番晒就好了..........你就唔洗咁擔心
回覆刪除多謝jj姐姐!
刪除最緊要佢地健健康康，咁就好啦
最緊要康服了, 睇相覺得契b瘦咗, 細b有你地照顧, 好快肥番
回覆刪除多謝妳!
刪除妳屋企三b都要健健康康丫!
其實契b冇乜點瘦過><
細B好識性，嘔就唔肯上床，叻仔呀
回覆刪除佢真係好有性架，平時叫佢，佢會識應我地架
刪除啊....聽人講, 貓有病時會自己走開, 唔會躲在自己窩中....
回覆刪除看完醫生, 祝牠們快d番....妳不要擔心呀 !
哈哈...其實我都有聽人講過
刪除不過我將佢人性化咁睇囉:p
多謝你，有心啦:)
i like the last photo
回覆刪除無事就安樂...
多謝妳^^
刪除契B可愛D
回覆刪除哈哈，係?
刪除有D人未必鐘意黑貓呢
細B真生性，病左都識為你地著想，抵錫 >3<
回覆刪除不過佢有時幾曳呢
刪除希望貓地以後都健健康康，唔係阿娘又心痛，阿爹啲肉就赤(見到個荷包時)
回覆刪除大家咁話，希望貓地永遠健健康康
刪除我地都要健康，咁才可以照顧佢地
Oli:
回覆刪除~細B好乖, 牠可能知道自己唔舒服, 即刻離開張床, 唔想整到你張床呀!!
~小動物病, 都好無助, 希望牠們新一年健健康康
多謝Vicky姐姐!
刪除妳同Brian都要身體健康^^
契B個頭好圓碌碌,連病都咁有食力
回覆刪除原來人多都會有壓力
因為契B為食囉:p
刪除其實貓雖然好似好易養，但如果人多、轉換環境就會唔適應架
最尾果張好可愛呀~~新一年希望貓地都健康快樂!!
回覆刪除多謝牛牛媽，牛牛阿美都要健健康康丫!
刪除最尾張相最like..兩個都好得意！
回覆刪除多謝^_^
刪除佢哋都唔算好肥 唔使減啦！
回覆刪除醫生話肥，減下好D喎=_=
刪除今日打敗仗, 見到佢地好可愛~
回覆刪除