2009年11月14日 星期六

有找

Sogo 16周年大減價,當中包括LC的粉紅限量版,雖然我唔太鍾意粉紅色,但都想擁有一個。
星期六下晝去到只有一個最細size,用來煮公仔麵就差唔多,沽清我想買的22cm或24cm,另外有一個$1,100鮮橙色Risotto Pot,多番考慮後,決定放棄唔買,最後索取將買煲錢去食餐好


先前FB睇過食友去Thai & Grill,他們的口碑不錯,就決定食好D補償一下我心理



全晚包括我地只有2檯客,他們走後,我地簡直包場。

其實我最想食這裡的甜品,所以主菜只了4款,冬陰功-夠香又夠辣、紅咖哩鴨-紅咖哩很惹味,送飯一流,看看鴨皮我懷疑係燒鴨、蒜蓉炒西蘭花蝦仁-只是$65真是超抵、泰式炒河-只幼身的金邊粉,點解係香港食唔到泰國的闊身河粉



甜品同樣食了四個,Chill chocolate tart配芒果木瓜雪糕-朱古力撻食唔到辣味,不過味道極濃,而芒果木瓜雪糕亦很清新;芒果糯米飯-芒果超甜,不過糯米稍諗唔夠軟;Thai tea 雪糕-好好味一個人清晒、椰子雪糕-超勁椰味,唔鍾意,但老公超愛,佢話難得可以食晒兩球雪糕



HSBC有折埋單$740,一個煲價錢有找

2009年11月10日 星期二

Wooloomooloo

難得劉總過灣仔開會,而我又想試下Wooloomooloo,今餐就決定呢度啦

餐廳位於31樓,可遠望灣仔及銅鑼灣全景,比起圓方及尖咀店正好多



坐低後第一時間睇甜品,選擇都算多,於是只叫了一個Set Lunch,再點三個甜品

落完單後,先送了熱辣辣的麵包,外脆內軟好好食

頭盤是泰式帶子蝦柚子沙律,酸酸辣辣幾醒胃

主菜要了Rib Eye,要了medium但肉質頗為韌



終於上甜品啦,檸檬批、拿破侖及心太軟

劉總嫌檸檬枇太酸,但我鍾意,最後我負責清了

拿破侖一般啦,劉總最後食淨了好多,我真係有點不拾得,其實我好想食埋架

最後的心太軟,賣相真麻麻,相信起模衰左,勝在朱古力夠濃,又夠流心



食到飽飽,又是好滿足的一餐

 

 

 

2009年11月9日 星期一

Blue Cheese Penne

星期一晚整左好easy的藍芝士雞肉長通粉

Blue Cheese味道很濃烈,不是人人都鍾意,不過老公就超愛

因為味道極濃,所以配淡淡的雞肉較適合

材料:洋蔥、雞肉、淡忌廉/鮮奶、藍芝士及長通粉

做法:炒香洋蔥,再落雞肉炒熟後,加入淡忌廉/鮮奶及藍芝士,將芝士煮溶後,加入長通粉炒勻

上碟時曬點蕃茜,搞掂!



2009年11月8日 星期日

宿命

有時屋企人、朋友生日或有什麼慶祝,我都會整個餅,就算唔太好食,但起碼都見得下人

不過每次整俾圍內食友,幾乎次次都衰

舊年四星的藍莓撻



今年又賀四星的豆腐慕絲

今次打算做個桂花慕絲俾KC & Selina。

經過上次整左個鹹味桂花蛋糕後,今次已專程去二記買樽純桂花糖...

當起火槍模時可能大過熱度過高,搞成



經過一個鐘頭的路程去到Miss屋企後,個蛋糕簡直慘不入目

唔相「死樣」暴光,唯有謝絕大家影相

豪華巴西BBQ

圍內的一年一之BBQ,今次又去坪洲Miss屋企

未BBQ之前,成個肚已裝滿晒雪糕、薯片、朱古力已經飽晒



Miss親手醃製的羊扒、豬頸扒、牛仔骨、牛扒及雞翼,真係超好味呢,就算幾飽都要食

仲有英式腸、德國腸同小紅腸、雜菜沙律、海鮮....超豐富



今次真係打搞晒Miss,還要唔該Rosy丫

BBQ前

星期日又去Miss屋企bbq,我地幾個先去幫下手(查實入去先開餐)

Miss介紹坪洲新開的泰菜--溫馨小廚,是泰國人主理,又平又好食,

真係無介紹錯





 

2009年11月7日 星期六

蓮香居

媽媽對蓮香居的焗盅茶讚不絕口,吸引我非光顧不可。

聽媽媽講,二樓是出點心的地方,於是向目標進發,星期六的下午是旺場,但因酒樓位佔兩層,較容易有位。

水仙真係幾香;而普洱很回甘,沒有一點苦澀。



叫了幾款點心,水準不錯,無論食物、環境及服務比起歷史悠久的蓮居樓好得多



 

p.s.現在唔寫食評,食過有好多間的食肆都唔記得影相tim