2010年4月30日 星期五

慶祝上海世博

今日世博開幕典禮,所以去上海婆婆慶祝一下,哈哈其實這個是我行街的藉口

以前家住葵芳時,都好鍾意去,因為佢D野都幾好食


由落單至上菜只是5分鍾,仲快過等東涌線

麻辣粉皮一點不麻也不辣,不過粉皮有D似薯粉質地,我超like


婆婆粗炒即是上海粗炒,醬汁很濃稠,很夠地道港式的上海粗炒(因為上海無上海粗炒架)                                      


蔥油開洋拌麵-大大粒的開洋我仲似為係鮮蝦仔;拌麵比較濕,唔夠乾身,香蔥味不夠



黑醋排骨幾乎是每次必叫,不過水準時好時懷,好彩今次唔錯起碼排骨沒有雪味


食完飯再行街,仲趕得切返屋企睇世博開幕禮...唉,好想去上海丫,度下仲有冇假同媽媽返上海先

2010年4月26日 星期一

無緣

原來逢星期一休息的,已經係第二次啦,仍然食唔到,真係無緣呢,最後轉戰吉列



唔等劉總啦,食住Yan帶來的朱古力,有少少鹹又有少少焦甜味,好好味丫


劉總仲未到,侍應叔叔介紹我地買一送一的飲品,有6、7款選擇,似乎薄荷梳打及荔枝梳打較受我地歡迎


劉仲黎到啦,我地揀定下有咩食好先,原來選擇不多,最後決定叫一個二人前套餐、滑蛋吉列豬扒飯及咖哩豬扒飯


二人前套餐好豐富,如果只有兩個人,應該食唔晒呢


再黎滑蛋豬扒飯 & 咖哩豬扒飯


堆滿成檯都係


雖然套餐送一個甜品,但係一個點夠我地食,再另加多兩個新地

和風新地 &士多啤梨布甸新地,雪糕又細,類似啫喱同埋小丸子又唔煙韌,質感怪怪的,唔多好食,不過都俾Yan清晒


套餐的甜品原本是綠茶雪糕熱香餅,無綠茶唯有轉芝麻,芝麻配熱香餅有點格格不入,而餅是凍凍的又唔夠軟熟,幾難食下


打算下場去中海城的Pacific Coffee食新出的幾款甜品,去到已經打烊,唯有再去番海港成的HD

大家考慮食咩size,最後決定食最抵1 pint的綠茶+ Belgian Chocolate


再約了第三次,希望真係食到泰啦

2010年4月25日 星期日

蕃茄焗豬扒意粉

睇到blogger T&P茄汁焗豬扒飯,我又心思思想整

不過屋企無米,唯有用意粉代替

準備材料:豬扒、蕃茄、洋蔥、意粉、罐頭蕃茄、蕃膏,仲有少少西蘭花作伴碟


首先煎香D豬扒


將豬扒切件,放在已煮熟的意粉上備用


再預備蕃茄汁,先炒香D洋蔥


再加蕃茄        


炒到D蕃茄半熟後再落罐頭蕃茄及茄膏,另外再加了Basil碎及蕃茜碎,想佢香D


煮熟汁醬後淋在意粉上,再加了幾片卡夫芝士,拎去焗爐焗了一陣


焗燶左少少,不過我鍾意


開飯,食得啦




2010年4月24日 星期六

即興飯局

星期六俾老C Lillian飛,即興約了雪怡&Susan出來行街兼食飯;可借Eamon病了,作為好女友的Susan當然要照顧佢啦

最後只有我同雪怡去血併,今次我很忍得手呢,而雪怡就“滿載而歸”

行了幾個鐘後,8點去食飯,原來巴蜀烤全魚很旺場,等左好耐,等到大佬cheap過來食early bird宵夜了(幸好cheap兄趕到,我不用做大燈泡),最後超過30分鐘才可入座

主打烤魚外,仲有米線、小食等,其他選擇不算太多

香辣烤小邊魚(大辣)-烤過的魚皮很香口,魚肉也不錯,不過好多骨,真多謝cheap兄幫我地揀走D骨;再加了$18有大豆芽、芹菜、秀珍菇等,反而這些配料很入味,越食越剌激


蒜泥白肉-薄薄一片肉包住薄薄的青瓜,兩者夾住一齊食,多了份清新口感


虎皮辣-完全唔辣


口水雞-醬汁只是一般的麻醬、花生醬,雞肉勁之鞋口


羊肉串味道一般般啦


一輪刺激後,行多幾步去降溫綿綿冰

新出的幻彩綿綿冰,是哈瓜+西瓜,唉...藥水味勁重


黑白綿綿冰-芝麻味勁香,有滲出淡淡的豆腐味;大家都話芝麻好食,之後再encore芝麻冰                                              


最後Wylie也到,難得她肚屙也專程趕來呢,她叫了瑞士雞翼烏冬+清心丸綠豆爽(唔記得影tim)

2010年4月23日 星期五

超值Buffet

媽媽試過YCMA Buffet超值又抵食,又帶大隊請我地去;不過我心諗,唔係化YCMA都有好野

原來YMCA已轉名叫城景國際,食buffet餐廳叫城景閣


第一時間睇下有咩甜品,嘩!有唔少款式同種類


差唔多食完才記得影


食完甜品才去食冷盤、熱盤,水準一D都唔差


尤其是Carbonara出乎以料之外,意粉很夠al dente,入口充滿忌廉蛋汁香


媽媽剪了coupon,折後每位$238;相比起早排食過的East,我覺得呢間是值得推介


p.s.點解D相post左上yahoo blog,變左得核突架