2009年11月28日 星期六

Pop Bites

星期六又出城去soho搵食,之前已做定功課鎖定了Pop Bites,因食友說她出品的蛋糕水準不錯

室內環境都幾舒服



老公又叫他至愛Hoegaarden,我只要杯暖水算了

因為主打蛋糕,所以只叫兩款主菜:Penne Carbonara & Baby Rib

原本將Penne改了Linguine,可惜侍應姐姐落錯單,無辦法啦,好彩味道唔錯,忌廉蛋汁很濕潤,而Penne也很al dente

Baby Rib除了有豬仔骨外,紅菜頭菜絲沙律、炸薯角及蕃茄青瓜片,賣外吸引



由於是晚餐時間,蛋糕款式已所剩無幾



三款中我至欣賞是Lime Cheesecake,她的青檸的青香中和了芝士的濃度,入口很清新,一點也不溜

其次Opera,很有綠茶的甘香,質地也很實在

反而我較有期望的Chocolate Mousse,個人覺得上層的Mousse與下層的蛋糕有點格格不入



2009年11月27日 星期五

Happy Wedding

雪怡&家傑這對金童玉女經過十幾年的愛情長跑後,終於雙雙步入註冊處了,真係恭喜恭喜

記得2004年5月OR在泰豐屢首次聚會雪怡坐我隔兩個位,初時覺得呢個女仔幾靚,不過寸寸地又好似幾惡

後來與雪怡SusanWylie娜姐YanMissSelina陳小姐DavidCheap兄KC大家都成為圍內食友,一直都有keep in touch至現在

其實當初與Susan最老友(Wylie唔計因為識左佢N年),反而與雪怡就不太熟,雖然與幾個圍內姊妹成日email,但終於覺得與她唔夾有點格格不入

但直至去年經過某件事,她無私的分享了經歷後,我就視她為好好的摰友,現在每日全靠與她 & Susan email傾計來調劑返工的苦悶生活

呢個蛋糕係Susan整俾雪怡架,真係超靚



大婚當日在酒店的擺設很有心細呢



擺左我地D相,一共三張,超開心



係咪好cute 呢,我地有份俾意見架



好開心這個好朋友終於踏入人生另一個階段,心情很雜複既開心又有點不捨得,不過我相信馬生會好好對佢的

最後再一次恭祝馬生馬太永遠幸褔快樂



2009年11月21日 星期六

無奈

好多人都成日問我,唔鍾意行山點解要行呀?哎!有時都想陪下"人"ma

雖然佢未必一定要我陪

今次因為答應左姑姐,所以又聯同老公班同事由屯門行去白泥睇日落,去到白泥超多人專程來影日落,好靚咩日日都有日出日落架啦

之後落番去元朗蛇王如食蛇宴,哎!又唔係我杯茶,仲要成三舊水一位,我寧願去食碗魚蛋粉

先黎一大窩蛇羹,我食左一啖咁多啦



之後有什麼蛇乜蛇物,真係無啖好食



終於我有野食啦,松子魚及糯米飯唔錯,我食左唔少呢



最後仲有蛇酒&十全大保湯,飲完唔知會唔會流鼻血呢?



 

個個都抱住個肚話好飽,我都只係7成飽咋

好彩一早問定Yan元朗有什麼甜品店(除了B仔外),佢推介了有益,我食了綠豆沙湯丸(唔記得影相tim),但不及佳佳來得軟糯,後來再細問之下,我去的是新舖,原來舊舖較出品好呢,下次有機會再試下

2009年11月20日 星期五

食辣取暖

星期五仍然持續寒冷,除了打邊爐、煲仔食之外,食辣野暖身亦是一個不錯的方法。人少少就試下佐敦的重慶燒,不是去總店,是去新開白加士街那一間。



要了5款串燒,其實好一般,主要是靠孜然粉來吊味



老公就最開心,因為有佢至愛大杯裝的Hoegaarden;

麻辣窩唔掂,似雜錦炒埋一碟;皮蛋不及雲貴川水準;

而麻辣薯粉不錯,煙韌彈牙,只是底不夠麻辣,一碗唔夠喉,之後再encore



食完辣野去了佳佳食糖水(忘記影相),我又照舊食綠豆沙,不過今次再加了湯丸,這裡的湯丸超好食,皮薄軟熟,芝麻饀如流沙,鍾意湯丸的一定要試

2009年11月15日 星期日

球類同樂日

一個月前已約定食友在Club House打波,羽毛球、Snooker、乒乓球、Tennis(可惜落雨book左都打唔到)、壁球,幾乎book晒club house所有球類運動

我這個毫無運動細胞的人,寧願做煮飯婆都唔想執波,整一餐家常便飯給大家

頭盤有拍青瓜、豉油鴨舌、蜜糖芥辣蘑菇沙律





主菜日式醬燒骨、香草燒鯖魚、宮保蝦仁、清酒煮蜆、豉油雞、松子仁菠菜、Carbonara,仲有Sunny帶來好好味的印尼咖哩




芒果乳酪雪芭、雲呢拿麥提沙gelato、阿華田雪糕、咖啡乳酪Mosses Cake、

綠茶紅豆布丁、Creme Brulee及Bread Pudding



今次是入伙4個月以來,最多人的一次House Warming呢,包括超可愛的kaka



一共有14人,真係多謝大家賞面呢

2009年11月14日 星期六

有找

Sogo 16周年大減價,當中包括LC的粉紅限量版,雖然我唔太鍾意粉紅色,但都想擁有一個。
星期六下晝去到只有一個最細size,用來煮公仔麵就差唔多,沽清我想買的22cm或24cm,另外有一個$1,100鮮橙色Risotto Pot,多番考慮後,決定放棄唔買,最後索取將買煲錢去食餐好


先前FB睇過食友去Thai & Grill,他們的口碑不錯,就決定食好D補償一下我心理



全晚包括我地只有2檯客,他們走後,我地簡直包場。

其實我最想食這裡的甜品,所以主菜只了4款,冬陰功-夠香又夠辣、紅咖哩鴨-紅咖哩很惹味,送飯一流,看看鴨皮我懷疑係燒鴨、蒜蓉炒西蘭花蝦仁-只是$65真是超抵、泰式炒河-只幼身的金邊粉,點解係香港食唔到泰國的闊身河粉



甜品同樣食了四個,Chill chocolate tart配芒果木瓜雪糕-朱古力撻食唔到辣味,不過味道極濃,而芒果木瓜雪糕亦很清新;芒果糯米飯-芒果超甜,不過糯米稍諗唔夠軟;Thai tea 雪糕-好好味一個人清晒、椰子雪糕-超勁椰味,唔鍾意,但老公超愛,佢話難得可以食晒兩球雪糕



HSBC有折埋單$740,一個煲價錢有找