2009年12月31日 星期四

09年最後一甜

食完韓烤後要食番甜食來滋潤一下

知道大坑有不少甜品舖,求其搵一間試下,就揀了甜品大少

未食試她的甜品,已有好感,因為舖內的顏色是我喜愛的綠

她的甜品款式也不少,每款也幾吸引

芒果黑糯米飯-芒果很清甜,黑糯米很有口感,好好食

心太軟尚算流心,但朱古力不夠濃度,入口似是牛奶朱古力



食飽飽後搭車入屯門迎接2010年

始終尖咀好

因為被奉名十點幾去屯門倒數,時間又不三不四,唯有在CWB遊遊蕩蕩

在漫無目的下去了世貿搵食,揀了幾家也不合心意,發現有間韓菜名家,又無需等位又沒有除夕的特別貴價套餐,又是我喜歡菜式之一



要留肚食甜品,只點了牛肋骨、牛脷及石頭飯

可能心理上關係,味道始終不及尖咀的金巴利街的韓國店



除夕日

臨近年尾,已十分有Holiday mood,索性在09年最後一日自己放自己半天假

原本想去勝香園,實在太多人,幸好我已有兩手準備,於是沿鴨巴甸街上

個條斜路行到我CC下,終於行到傳聞中最好味的BO-LO’GNE Café & Bar

由於Lunch Time,稍等一會才有位

在等的過程中已鎖定Honey ice-cream及Egg Sandwich

Honey ice-cream是丹麥麵包上雪糕及淋上蜜糖,三者十分匹配

Egg Sandwich就有點失望,其實蛋沙律是十分滋味,但配以甜甜的丹麥麵包就有點格格不入

其實我已8、9成飽,但老公話好似未食過野落肚,再叫一客Carbonara,在沒有期望下,帶了一點驚喜



2009年12月24日 星期四

平安夜午餐

Catherine提議食餐好來慶祝平安夜,大家投票後選了紅客棧,聽個名以為是中菜,原來是食西餐廳。

頭盤:是三文魚、Parma Ham、田螺,每款細細份,幾精緻

蒜蓉包之後就是甘荀忌廉湯,甘荀被重重的忌廉蓋過



主菜:有鮮蝦意大利飯,同事的評語不錯

而其他5個人(包括我)也要黑豚豬扒,肉質不嫩滑,與「真」的黑豚肉還差好大距離

甜品要另加$30,是日是什麼聖誕蛋糕,同事們不敢冒險只叫三客試試

其實是chocolate mousse cake中間加了乾果、綿花糖之類...好彩只叫了三客...真係有D難食呢

餐後奉送的曲奇反而好香味道不錯呢





2009年12月23日 星期三

做冬

中國人話冬大過年,所以媽媽都幾重視做冬一家人食飯

至從在夜上海一個人幹掉一個煎八寶飯後,心思思又想再下一城,而細妹又想食,決定做冬再食一次

當日做節關係,幾乎全場滿座



冷盤的烤夫很入味

主菜有紅燒元蹄-肉質超鬆軟又惹味、石鍋雞-特別之餘雞肉嫩滑、蟹粉蝦仁炒粉皮-味道唔夠鮮、百葉棠菜-普普通通之件

包點麵食是小籠包-皮薄濃湯、上海炒年糕-醬汁濃稠,年糕軟熟不硬

最後點少得煎八寶飯,點解今次個細咁左多



2009年12月20日 星期日

預祝聖誕

今日邀請了媽媽、細妹來預祝聖誕,因為屋企人食飯關係,所以菜式比較簡單



其實仲有三文魚頭湯 & 焗雜菜都忘記影

因為天氣凍(其實係懶就真)毫無心情整甜品,只在Patisserie Yamakawa揀了五件餅算把

栗子Mont-Blanc蛋糕-栗子蓉不甜香滑,夾雜粒粒栗子增加了口感

栗子卷蛋-細滑的忌廉夾在鬆軟的海綿蛋糕內

抹茶布甸-超甘濃的抹茶香

抹茶紅豆慕絲蛋糕-味道較清淡,不及抹茶布甸甘醇,紅豆味也不重

朱古力熱情果慕絲-熱情果不夠突出,朱古力亦不算很濃烈

我始終懷念Tony出品

食完凍餅後,大家覺得有點寒意,最後即整左個鮮奶燉蛋,質感超滑,很美味呢(呵呵...自己讚自己)



2009年12月19日 星期六

OK面

今次未做工課就去Soho搵食,由士丹頓街、伊利近街、卑利街兜兜轉轉後,最終去了Bourbon



有別與一般餐廳,不是給麵包而是Muffin,奉上來時已傳出陣陣香氣,面頭脆脆的,可惜"內心"一點也沒味,再塗上香草牛油後,味道真是截然不同



一來不肚餓,二來想叫三個甜品,於是只叫一個Baby Ribs算了

骨肉分離、肉質超稔,水準一般,不過相比DC Cafe算是超班



未食完Ribs時,我已心急叫定Chocolate Fudge,朱古力味唔濃,質地又有點實,真係唔多得

再叫多個Blackberry Cobbler,等左好耐好耐......終於有得食啦

上面是冰凍雪糕,下面是熱熱的黑莓鬆餅,有種冰火交交融感覺,難怪是singature甜品



由於兩個甜品也等了需時,已沒有耐性食第三個甜品了

睇番食評後,原來KC是俾喊面的,幸好我的經歷都不算是喊面,就俾OK面啦

2009年12月15日 星期二

飯堂

Shiro是我與老友的飯堂,每隔兩三個星期就去食一次lunch

老友每次都必食的燒牛肉定食,而我就愛她的壽司,而且最鍾意她的卷物,大大件又新鮮,都只是$30,我食兩三碟已飽肚。

每次都食壽司,今次又試下手卷

又大又熱又脆的軟殼蟹,又只係買$30



其實食過她的壽司後,就好難返轉頭食元氣、板長、千兩.....

上次食過一客三款的芝麻、綠茶及雲拿呢,大大球又好味

今次忍唔住食了心太軟,雖然是用Souffle杯盛載,沒有那澎湃的朱古力流出,但一"筆"落之後,蛋糕內亦有不少朱古力醬,味道亦很香濃,我一個人食晒,真係好滿足呢





還有點不夠喉,最終又同好友每人一杯紅豆雪糕



呢排又無做運動,真係肥C丫

2009年12月12日 星期六

敗完家,食又差

今次分類應該加埋"Oli好敗家" 呢

這半年忙於買樓、裝修、搬屋、Gathering,終於可以同好友行街食飯,我們不外乎行CWB,之後去soho搵食。

今次出了少少血,買了四件樽領衫、一條褲、一條鍊、兩個KT Cushion

原來SOHO開了好多新餐廳,今次揀了Craftsteak,有不少老外幫襯;環境不錯,還有一個Open Kitchen,可看見有一大肥佬廚師努力下廚



先來的餐包,與花園餐廳的無異;好友的洋蔥湯,表頭的芝士法包極之香口,而湯底也是香濃美味

頭盤的鵝肝醬,口感略硬,不夠細滑

主菜是16oz的T-Bone,非常厚身,我相信有2吋厚,雖然是Medium Rare,但肉質毫不嫩滑

Side dish是香草蒜茸蘑菇,咸了一點味道還可以



甜品真是極為失望,Apple Crumble的雪糕真是細得可憐;

朱古力新地原來有酒的,雪糕已被酒浸到溶晒



是晚實在好差呢,大家相約星期二去Shiro食餐好的,來補償一下