2010年6月2日 星期三

即興晚飯

打算放工返屋企煮下野食,點知臨放工俾個C人老細叫左我去問野,遲左走真激C;剛岩媽媽叫我係青衣交收紅豆沙,就索性係青衣搵食

叫媽媽去阿拉廚房搵定位,原來weekend都咁多人,至從裝修後都未黎過


麻醬雞絲粉皮索價$48有點貴,不過辣辣地幾好味,粉皮粗身食落有口感



黑醋排骨又係每次必叫的



藥膳豆腐鍋是媽媽點的,湯底好清,似乎真係無加味精



上海炒年糕竟然與炒粗同價,好多時炒年糕會貴過炒粗的



蔥油排骨拌麵味道較啖,但麵的質地不錯



我地食滿$250,用匯豐找數可送一客小籠包



有我最鍾意食的八寶飯點可不叫,它是用黑糯米做的,感覺較健康



今餐唔駛錢,岩我我的慳錢大計

2010年5月29日 星期六

血併 VS 慳錢

約埋兩個好姊妹去shopping,作比賽前最後衝刺


行到有點肚餓,去了New York Fries歇一歇



中size"the work"+熱9 +芝士醬,真係食到停唔到口



食完後再血併,大家當日好剋制,可能之前已經留血不止


到了晚飯時間,我地呢班辣鬼,首選當然係川菜,最後揀了名川薈



水煮桂花魚-夠麻又夠辣,大家都很喜歡


相對之下,毛血旺無咁刺激,不過雪怡就好like佢d豬(雞)紅



干煸鱔片賣相mama,不過味道一流



魚腐皇帝菜-大家都鍾意它的魚腐



陳皮牛肉好惹味


麻辣薯粉很爽滑,不過湯底唔夠熱



家傑想食擔擔麵不過沽清無貸,唯有改食米線,據他報稱唔太掂


最後還送了杞子桂花糕作甜品


一邊一食,一邊談論我地的6月份慳錢大計,所制定的規例好苛刻呢


之後Wylie也加入,她好有心,專程攞D日本 &韓國手信俾我地


所以轉地頭,去佐敦的糖不府繼續下場


叫了石番、好立克 & 咖啡,嘩!好立克超正


繼續研究我地的大計

大家要加油丫!

2010年5月28日 星期五

丁丁丁

最近一次去魚一丁已是4、5年前事,今次是因為黑糖雪糕所吸引而再去的

至從係LCX搬了去彌敦道,好似都已有好幾年。由窗外望出去,彌敦道超多人


老公飲做特價$20的asahi,我又唔蝕抵叫番杯綠茶紅豆冰


一共有5款的函館刺身,都幾新鮮,尤其甜蝦,蝦頭好鬼鮮味


我必定叫的拉麵沙律


蟹肉煎蛋卷,我覺得無一遊做得咁好食


比想像中大的吉烈薯餅,加埋超多醬的菜絲沙律,真係上溜加溜


好期待的黑糖雪糕黎啦,唉...原來係雲呢拿雪糕加上黑糖醬,真係有D失望...墊底的全是珍珠,係珍珠奶茶的珍珠,份量比一杯珍珠奶茶還要多


焦糖咖啡糯米糍雪糕,經過話糯米糍是由日本空運過黎,不過我就覺得麻麻,糯米皮好鬼厚,而下面是一球雲呢拿雪糕


好彩大福餅仍然好好食




2010年5月23日 星期日

私房菜加神秘小派對

今次又去會長千呎豪宅煮飯仔,兼為會長搞個神秘小派對,可借最後「揚揚地」


食完生日蛋糕後,開始開工了

大家都好落力幫手做pizza,睇下馬生馬太就知道咩叫夫婦同心


第一個pizza出爐啦,好好味丫


雪怡又開始整第二個pizza,為了想整薄批皮,所以今次整左個長型pizza


Susan第一次整非洲雞,雖然係第一次,但Susan一出永無失手


Susan第二味的泰式豬頸肉,又爽又juicy,醬汁再辣D就仲正


Lilian媽咪的手打煎魚餅,好香口


小通與男友合力泡製的咖哩鱔,惹味非常,食到唔停口


Sally預先整了一袋二兩的食物,有鹵豬橫脷(我至like)、酸辣翠玉瓜、麻辣牛根、油雞飯、蓮藕炆豬尾(唔記得影),每樣都很有水準


今次我又整燒肉,唔知點解無咁脆


咖哩牛腩又唔太夠味,真失敗


到了甜品啦,Yan好有心,雖然來了唔夠一粒鐘,都專登整了個brownie過黎


Victor自家製的紅豆糕,超多豆我鍾意,原來佢係南丫島擺過檔的,真係pro


雪怡仲整士多啤梨黑酸奶凍,超香滑


Bass媽媽的芋頭西米露


其實仲有好多甜品,好似Cheap兄的香茅雪糕、Susan的薑味雪糕、朱古力、薯片都無影到,當日真係飽到行唔到呢

2010年5月19日 星期三

甜辣大混戰

早前食過Tony Wong好回味,今次索性來個甜辣大混戰,除了食甜品外,還有昌發加入戰團,兩者都係我至like


多謝Yan預早幾日專程去Tony為我地訂了廿件餅

10個嗜甜人士驚廿件也不夠,再係Ceres買多7件




首先來個「頭盤」大合照





未開餐,一班甜人與「主角」合照




我也懶得逐件影,急不及待立即開餐



有人唔食甜,去"隊"啤





原來用了13分40秒就掃晒


食飽飽「頭菜」後,才開始慢慢叫主菜

其實食了十多碟,但我都係費時逐碟去影


原來樣樣都係鹹多過甜,連最後叫的芒果糯米飯都係鹹鹹地



食左十幾碟泰菜,每人都係$7x,仲平過食甜品呢