中午鬆一鬆

又一次飯敘，朋友提議Zummer

老細識好多明星喎，郭富城、宣萱、佘斯曼、王馨平....

 

因為沒有預先訂位，所以我12點已去到，樓下是HH酒吧區


樓上才是用餐的地方

我早到關係，一個枱客也沒有，但再晏一點差不多9成滿座

 
環境簡潔、白色綠色的佈置令人舒暢，是lunch time放鬆休息的好地方

雖然位置於24樓，大大的玻璃窗很光猛，但望出去只有曾是最高大廈合和中心


及其他的石屎森林

 

是日Set Lunch，主菜有4款選擇

 

頭盤要了泰式蝦沙律，第一啖入口時，竟然有一種回到泰國的感覺，我實在太想「鄉下」了

主菜一：黃金比目魚柳，好特別的賣相，原來外層是鹹蛋黃包住厚肉的鱸魚，真是中西合壁，由於蛋黃味道太搶，突出不到香甜的紅菜頭汁


主菜二：蟹膏蜆肉扁意粉，可能先食魚的關係，味覺已俾魚肉霸佔了，所以覺得這個味道淡了少少

Set lunch加$25的甜品唔多吸引，我地散叫要兩個甜品

士多啤梨拿破崙，薄薄的酥皮好輕易就切開兩份，中間的吉士尚算香甜，但我寧願選擇厚厚的酥皮，多於香甜的吉士醬


Chocolate Brownie配以yogurt雪芭，Brownie雖然做到外脆內軟，中間還有合桃，可算是有口感，但朱古力味太依稀，有點到喉唔到肺感覺；而個雪芭很是堅硬，好用力也切不開


最後嘆埋杯餐飲，又要開工lu

食肉獸

我以前話過我想食晒soho區的餐廳，不過真係好難，因為不停轉餐廳，執完又開新的 今年都冇黎過soho食飯啦，原來唔止weekend，就算星期二晚上都好旺

 
又係原班人馬，不過今次加多了新成員Yvnnoe

今次係Herbert提議的El Gaucho，是一間阿根廷餐廳

店內漆黑一片，所以影出來的相都黑媽媽的，Tone 出來的質素都好差

麵包真是平平無奇

 

Welcome food是每人也有一小串的牛柳，我覺得以頭頭尾尾的下欄，但很有肉味

其實有點奇怪，呢個係主打阿根廷牛扒，來的人都會食牛，佢小食還是送牛，真係當人係食肉獸

先來頭盤

燒阿根廷牛肉腸啖啖肉香


黑媽媽的環境下，我仲以為係叉燒，入口一陣肝味，而質地似一件煮得熟透的豬潤，Herbert話係牛胸線

統傳牛肉/雞肉餃子，味道與印度的咖哩餃子有9成相似，只是size放大了
 

來了4道主菜

厚切西冷扒，影到好似一舊黑炭，雖然己是Medium，但好明顯過了火位，可能大廚怕肉身大厚，於是燒熟一點

 
燒羊架，如果我唔係食骨的位置，都唔知自己係食緊羊，因為沒有突出的味道

焗無骨雞淋上洋蔥忌廉汁，其實未食已知結果，因為一般西餐食雞都會好抱有期望雞肉滑溜、有雞味，全靠是洋蔥忌廉汁

串燒牛柳是4個主菜中最好的
 

四碟主菜各配以薯片、薯條、薯蓉、焗薯，真是超滯膩

有Herbert在場，甜品點都要試兩三款

Caramel Custard with Milk Jam，那兩條milk jam，還有布甸咁多氣孔，賣相已夠嚇人，果然係難食至極

 

Apple Pancake Flambé配雪糕 

Pancake已被酒精浸到濕濕立立，我最怕食淋淋的東西 

而雪糕啖啖是冰，這都不是問題，問題在於味道有陣雪味，似是雪得太耐所致

珊珊來遲的Don Pedro，只是將雪糕倒入威士忌裡加灑上合桃碎，咁就盛為了$98

呢度的甜品實在太差，大家都唔夠喉，於是再去Roll離補不足

 

除了Floyo、Roll之外，仲出了動物型的馬卡龍，我個好姊妹Susan整得靚過佢百倍

芝士餅、綠茶雪芳、兩件細Roll、櫻花豬馬卡龍...還有Floyo
 

我地真係黐線架....唔得啦，我個胃真係要斗斗，而且留番D錢買家糧俾契B

改頭換「麵」

唔好以為我成日食貴野，其實我平時多數都係踎街邊、去茶記，不過冇乜特別，我才冇寫出來之ma

舊舖的麵麵店係白加士街，當時也幫親過，時隔了咁多年，再來幫親，但已面目全非

因為持著小儀之名，當然升格十倍，除了轉了地址，店舖也重新包裝，完全改頭換「麵」

牆上掛了店方推介

就連價錢也升格十倍呢....保留原有的風味，也有加入了新原素

一客只有7、8件的酸齋，盛為$14，不甜也不酸，味道毫不突出

咖啡紅豆冰，老公一飲就飲得出是普通即沖咖啡

紅豆唔夠大粒、又唔起沙；店方用了特別的匙，但係好難"筆"呢

瑞士雞翼唔夠甜、又唔入味

我的牛胯、豬脷粉絲，呢兩個餸都ok 啦

老公的紅腸、牛丸、沙葛餃粉絲，而湯底是薑酒湯，酒味只是淡淡的，但幾夠薑

兩個人就食$90啦，我睇番以前食評，兩個人只係$5X，仲大大碗tim，真係物價滕貴



相信好多客都係冒名而來，不過會失望而回....包括我