2012年8月14日 星期二

牛魔王

8月9日(星期四)
8、9、10月開始是還債月,超多朋友 / 家人生日

首先慶祝奄尖老友Joan,明知佢有要求,所以叫佢提議

佢個牛魔王話想食日式燒烤,咁我就搵左燒肉牛藏俾佢

 
餐廳裝修不錯,有不少卡位,令人坐得舒服,可惜唔準影相


類似肉鬆的餐前小食,好惹味,眨下眼已經將它消滅


叫左碟極上和牛併盤,可以一次過試不同部位的牛,
有一口牛、牛脷、肉眼、西冷、牛柳,雪花紋理的分佈清晰,味道可想而知


我最鐘意食一口牛,咬落軟綿嫩滑juicy,肉味香濃


其次是牛柳,是牛最嫩滑部份,雖然油脂比例較少,但仍保持豐腴多汁


不用點燒肉、青檸、黑椒更原汁原味


蕃茄牛肋骨烏冬,湯底香甜但不算濃烈,可能就是這樣,牛肋骨味道更為突出,鬆化入味

初時只叫兩種野,已經好溜,我以為唔夠食,好彩老友一早阻止


兩個人叫了四杯雪糕,我已KO三球,最愛是紅豆,豆腐較為冰感一點K,而綠茶就奶味過重,茶味不濃


有機會想再來試下佢的壽司、刺身、鍋物




2012年8月12日 星期日

去漁村食川菜


8月5日(星期日)

以前呢度是一條漁村,經過發展後仍保留著漁村風味。如果跟本地團來玩,一定在這裡食團餐,因為這條村有好幾間海鮮菜館





由我屋企行過來都要15至20分鐘,平時我都好少來,今次因為攞了兩間單車去洗(呢度都有間單車舖),見到有間新開的正記川粵菜館,當然不放過


所有檯椅也是仿酸枝傢俱

是一般傳統的川菜菜式

泰醬金沙骨,油泡過的金沙骨,淋上泰國辣雞醬,好味是來自甜辣的醬汁,而金沙骨肉質不錯,不會炸得乾乾實實


立即炸起辣子雞,很熱辣香口;雖然有不少花椒粒,但沒有磨碎,所以花椒的麻香不夠突出來,而且味道較為鹹了一些,不過總比尚川宮好


 

 

水煮魚,可選大魚及桂魚,如果桂魚要加多$20。這個大魚也不錯,肉質滑而嫩;沒有滿滿的袍椒,湯底也不夠紅紅,已知不夠辣,麻度亦不夠,我相信是要照顧本地人之故


涼泮薯粉-酸酸辣辣很開胃,薯粉雖滑,但不夠煙韌,真是沒有一間比得上雲桂川
加埋啤酒汽水,埋單都係$250,幾抵食,味道算是ok,一定有機會翻兜


2012年8月10日 星期五

中西T

8月4日(星期六)
另一邊朋友改期,我就有機會與這一邊朋友來個Afternoon Tea

地點都幾易搵,是在上環一幢商廈的5樓

門口貼上不同類型的綠茶、咖啡等飲品


一個好中式的名字「川善茶居」,由於坐位一不多,在沒有訂位情況下,我們只有一個鐘頭時間


店裡裝潢中西合壁,一邊是古色古香


另一邊是英式風格(影得唔好,睇唔到)


這小店主打是綠茶及素食


但也有各款蛋糕


另有三文治等鹹點


等食時,無無聊聊的拎出自己的相機,原來我地5個人都係用canon機,一齊晒冷先



草草及Joyce的Motcha Genmaicha Marone& Motcha Soul


Yvonne的熱Motcha Soul



我的Matcha Snow White是雪糕加上綠茶,一個很簡單但又令人喜愛的配搭



三款cupcake:檸檬
、Earl Grey及普洱,與一般的cupcake冇異,frosting也是離不開的甜。檸檬icing令我想起嘉頓的檸檬夾心餅,因為味道一模一樣的;伯爵茶味不重;而普洱味道擬似是朱古力。撇除味道,三款的蛋糕底質感是鬆軟,口感其實不錯的



藍莓蛋糕及香蕉蛋糕用上豆腐來做,沒有牛油及蛋,質感較為濕潤;而藍莓就不及香蕉突出,始終香蕉味道較為搶



Green loaf是大家都欣賞,它的綠茶做到濃而不苦(我覺得這個很難掌握的),也有牛油的香味,兩者香味也很平衡



珊珊來遲的Vegan Apple Cake,對於肉桂好敏感的我,我就會覺得肉桂味大於綠茶

初時以為不夠飽,再有下場,原來5個人分7件蛋糕,都幾滯肚的





2012年8月8日 星期三

蒂蒂香

8月3日(星期五)

蒂蒂香
一個好特別的名字,話說係汕頭已有百多年歷史


近期也來港分一杯羹,他著名是手打魚丸、魚麵...


連蔡San同少年食神都捧場




環境以橙色為主,是增進食慾顏色之一
 魚丸手打魚麵



大大粒的魚丸,咬落彈牙飽滿,啖啖魚鮮味


魚麵雖彈牙,口感像是切了條的魚片,不算太特別,但盛為$45


潮醬手打麵-十分煙韌爽口,特製的醬汁香濃帶甜,很惹味


煎墨魚卵-外層略煎、香口、入口很軟滑,感覺有點似日本煎年糕


兩個人食了三種野,又唔係好飽,埋單要$105,價位很高唔平呢

2012年8月1日 星期三

身體健康

要急急post左呢篇blog先

契B個家姐/細妹Lulu患上腹膜炎,老友當然好傷心,我聽到呢個消息亦都不開心

 一直以為貓貓最少都有10年以上的壽命,只知是貓愛滋才是不至之症


唔知貓貓的腹膜炎是什麼,以為好似人咁,睇醫生食藥會好番


在貓貓世界中腹膜炎是絶症之一,原來是一種會至死的傳染病毒


有多種因素引起的,可透過口腔
、呼吸道分泌物或排泄物感染,又或者由母親懷孕時已在母體內感染


沒有醫治方法,也沒有有效的預防疫苗


LuLu你要堅強D丫


契B就算你幾百厭幾曳都唔緊要,最緊要你健健康康