拿破里薄餅

 4月22日(星期一)
Motorino是來至NY的過江龍薄餅店，曾被譽為NY“最佳薄餅店” (但住NY的blog友Mrs. Wu講完全唔知佢係NY最佳薄餅店喎)

 

這裡是專造南意拿破里傳統薄餅，知道拿破里薄餅有著很嚴格的要求，所以對它特別有期待

原本約定大家係happy friday來happy一下，但客人太多食唔到，今次再接再勵，以為Blue Monday會冇乜人，原來好多人都冒名而來
冇得訂位之下又要有8成人才入得，所以 on way不停俾CEO催催催，最後都要等了一會才能入坐


這裡當然薄餅是主打，但也有少量的頭盤、甜品

話說這個是那不勒斯磚爐，是用來烘製傳統的拿破里薄餅

一班廚師好努力搓薄餅

蕃茄醬肉丸-肉太好鬆軟，配了鮮味蕃茄醬

 

八爪魚薯仔沙律-爽口的八爪魚，配以薯仔、芹菜、沙律油，味道相當清新

招牌Brussels Sprout Pizza，材料有椰菜、煙肉、蒜頭、Pecorino芝士，而餅底頗香

 

我鐘情的Marghertia，蕃茄、蘿勒及水牛芝士，亦是薄餅界最具代表性，但如果選這個為代表...真係失禮


Soppressata Piccante Pizza有辣肉腸、指天椒夠晒刺激，四個之中我較為欣賞佢

Colatura Di Alici是將餅焗起後，才加上蕃茄、洋蔥、水牛芝士等，這類材料水份比較重，做來沙律比較好，如將舖上餅面，令到薄餅很濕，濕透的麵包那會好食

Tiramisu沒有咖啡香

Chocolate mousses cake以大家食慣濃味的朱古力來講，這個蛋糕絕不能滿足大家

 

其實拿破里薄餅特色是，周邊焦黑微脆、餅身煙韌較為濕潤，但大家都食唔慣，始於喜歡較為脆身的薄餅 而且環境好噪、坐得唔太舒服，又限客人時間
Motorino甜品太少，我轉戰IFC i-scream

廿幾款gelato真係想食晒佢，最後叫了終極的8款

紅豆、忌廉曲奇、朱古力、荔枝、yogurt、caramel、rum raisin、early grey好滿足呢

契B BB

 

呢相係契B 4月個大時影的，我放了FB Profile已一段時間，近期突然間多左人like

幾日前又咁岩俾我影到相類似的，話咁快佢依家己1歲零1個月了

呢期佢瘋狂地愛上laser筆，簡直玩到傻

好多人問我點解咁少post你D相，其實你咁黑真係好難影架

心軒

4月21日(星期日)



今次為慶祝4月壽星Yvonne生日，CEO選擇了珀麗酒店的心軒

地方不大，幸好樓底高沒有焗束感

人齊可以叫菜



海苔香酥金菇菜-炸好了的金菇再灑上海苔，超簡單的前菜，自己整應該不難

 

蟹醋脆鱔-非一般的脆鱔，脆中帶腍，帶點陳醋的香濃



一扎粗粗的稻草，其實是招牌菜稻草牛西施

 

剪開後是一件炆到腍滑嫩、入口融化，食落還有陣陣草的清新

 

百味紅袍雞，我覺得是一隻普通炸子雞

蝦子窩塔豆腐-經炸過的豆腐算滑，但食不出內藏蝦子的鮮味

 

蟲草花扣柚子，配搭很新穎，補腦補腎爽口的蟲草花，與甘味腍腍的柚皮
蝦乾唐生菜煲

 

玉露骨香龍脷球因為沒有例半，索性叫兩份。將龍脷起肉，魚骨再炸；魚肉有點實，炸過的魚骨不夠酥脆，且有點油益味


鮑魚雞粒籠仔蒸飯-面頭的配料味道算OK，但食唔出有鮑魚；原以為蒸飯吸引了精華很入味，誰知與白飯沒有分別，而且飯身濕腍，唔鐘意這種口感



潮式糖醋雙麵皇，點解不是脆的？

訂了一籠壽包為壽星女慶祝，唉...包皮軟熟程度已一般，咬落還有D韌，似是番蒸又番蒸


例必動作，影張大合照


除了壽包外，沒有叫任何甜品，因為一點也不吸引，好在有Janice遠道帶來的朱古力作為飯後甜品


埋單有7折，12人不用二千蚊，但是大家都說不會有下次

季季紅

4月19日(星期五)


季季紅原只是屯門藍地的圍村風味菜，出名後港九好多地方都有佢地分店

其實季季紅一直是我onlist之一，因為是佢出名的乳豬，今次多得CEO推薦及PR邀請，出席沙田分店季季紅的試食晚宴 

 

環境裝修有點...我以為去了深圳的酒樓食肆 

是晚菜單，我都要估估下才知將會食什麼菜色 

季季紅招牌是「蝦禾米乳香豬」，今次又大玩gimmick

咁岩真係其中有Blogger是4月壽星...生日快樂

主角出場啦...將蝦米混合粘米炒香，再塞滿原隻乳豬用線縫好，然後燒香，就變為了「蝦禾米乳香豬」

大家急不及待舉機，謀殺不少「菲林」


經理細心的將乳豬剪開，切成小件

 

唔好睇佢細細隻，都可以剪開多件

乳豬果然脆皮、滿口甘香；而飯是用粘米關係，沒有糯米般黏糯，較為硬身，仲有點“三及底”口感，但吸引晒D油份，仍有種滯膩感覺

豬肺頂蝴蝶腩燉菜膽湯，奶白色的豬骨湯，很夠火喉

不愛湯水的我，還是其湯渣較吸引

南非冰玉鮑魚-食不出有什麼鮮味，只係咬緊一件有彈性的物體

 

大桂皇兩味之一 鬆子桂皇球，點解我食到一陣豬腳薑醋的味道而桂魚肉又不夠酥酥脆脆

大桂皇兩味之二古法炆兩腩，賣相不吸引，只少嚐一件，

蟹肉扒麥菜芯很有創意，蟹肉一般配西蘭花、油麥菜配豆豉，但這一個新配搭沒有給人驚喜

芝士焗爽蠔我真係O晒咀，焗?點解一點焦燶也沒有?蠔又超鯹，而所謂芝士毫無芝士香

砂鍋頭抽雞算是正常的一味，但就沒有頭抽的濃郁香味

最後到甜品了，大大件的宮廷桂花糕 

馬拉千層糕雖夠鬆軟，但就沒有芳香甜味 

三款甜品中以紅豆沙最好