又有食客

學Wylie話齋，我呢兩個月真是“食客三千”，其實煮不是一個問題，最大問題係要煮D乜野，雖然每次都是唔同“食客”，但想搞搞新意思，不想重複。

今次人少少，整D簡單的...平時我很少讚自己，不過今次的咕嚕肉真係不錯，可能我將排骨炸左兩次，真是有酒樓水準

因為應人要求，所以今次破例整多次黃金蝦，今次比上次好10倍，蛋黃味十分香濃

不過肉醬意粉就麻麻

食到飽飽，但飯後甜品又點少得呢

哎呀!又唔記得影大合照tim

3姑3日

識左成廿年的老友Wylie生日，俾左6、7間餐佢揀，估唔到佢揀左食東南亞菜Spice。

OR標籤是泰國菜、星馬菜、印度菜，但打開Menu是印度菜較多，連侍應們大多是印巴藉人士；餐廳實在太缺乏人手，服務只俾2分，不過菜款味道不差架

飯後甜品是Wylie親手自製的朱古力雪糕，雖然溶左少少，不過好好味，可借每人分得好少，唔多夠喉

哎呀!臨走時忙記大合照tim

 

生日快樂

今年媽媽生日，細妹提議去Tiffin食甜品buffet。

以前要8點才開始，依家6:30已有得食啦，不過款式少左好多。

我食左兩碟已開始投降，以前連食5、6碟仍然面不改容，真係年紀大啦，學Cheap兄話齋“長江後浪推前浪”，真係唔可以同後生仔女比

今年又給了媽媽驚喜，趁她行開時，立即拎個蛋糕出來，兼請現在樂隊奏生日歌，我希望她身體健康之餘，也希望她活得開心。

香蕉合桃蛋糕

聽日係媽媽生日啦，整個蛋糕俾佢先，佢最鍾意食簡簡單單的味道，所以整個香蕉合桃蛋糕。本來這個是磅蛋糕，但為表我心意，做了個心型模。

今次賣相都OK喎，出爐時勁香，希望味道及質感唔錯啦，不過最緊要係媽媽鍾意，這年來真係發生了好多好多事，最希望佢過得開開心心

 

悠閒的一天

搬左兩個月啦，第一次去Club House游水，原來樓下泳池真係幾正，好有Resort Feel，仲可以望到成個機場，只可借size細D。

尋日天氣麻麻，天色好陰

游完水後，就返屋企煮兩味

Olivian去Oliva

每次Lilian生日我都好容易就揀到去邊度食，因為我地大家的口味好相似，今次就揀了Oliva di Oliva

我地都好鍾意呢間餐廳，很有小店感覺、好舒服，情侶談心或三五知己的敘會好地方，而已老闆兼總廚都OK靚仔、又好人

 

頭盤是無花果bb菠菜火箭茶沙律、煎鵝肝

主菜是虎蝦蕃茄長通粉、牛肝菌蘆荀意大利飯

飯後甜品是我整的生日蛋糕，仲有好好味的Lemon Tart、酒味勁重又濕的Tiramisu及超流心的心太軟。

當食心太軟時，老細剛經過，佢話佢地的心太軟有別於一般的，不是水汪汪的流心，我切開後真的不錯，可惜只有一球雪糕太少了，老細立即送多一球給我們，真係超開心呢

當然要同壽星女影相張啦，唉!侍應哥哥的技術

 

唔似

又到老友Lillian生日，例牌行完街食飯慶祝。

我想整個蛋糕俾佢，但係行足成日街一定唔可以整雪的蛋糕，咁整咩好呢

最後又係搵到b女的Classic Raspberry Chocolate Gateau，這個焗蛋糕，就算行了成日街都唔怕溶啦。

這個蛋糕外表唔合格，因為唔夠醜，又無凹陷或龜裂，外表好「四正」，不過味道唔差喎，中間夠濕潤，朱古力又夠濃

希望壽星女鍾意啦