無主角的飯局

是次本來是慶祝娜姐生日，最後被她老人家"玩"，最後變了一個沒有主角的飯局

十分多謝K兄 & Lilian預早去力奇攞位

齊人開飯，成檯都係野食

我覺得至正就係大大鮑魚，桶蠔亦好大隻

原來魚腸同雞雜好受歡迎

雖然大家都食又飽又熱，要食下雪糕來降溫

HD新出的Blueberry Chessescake又幾好味喎

另類選擇

星期日一早老公就約了朋友行山，我就寧願訓多幾個鐘好過

夜晚才join佢地食飯，東涌實在沒有好選擇，海鮮&齋食過無數次，食印度菜亦是一個另類選擇

絕少食印度菜的我，打開餐牌，都唔知揀乜好，最後叫阿差老闆推介

叫了一大堆，有好幾樣都唔記得影tim，都幾ok好味啦

其實印度菜的香料太濃，搶晒原有材料的味道，所以我覺得樣樣味道都差唔多

Pacific Grill

今次揀了soho的Pacific Grill

點完菜後，Waiter哥哥送上又熱又脆的麵包，好好味

老公飲了兩杯紅酒

主菜係

Penne Arabbiata是Carbonara之外最鍾意的pasta之一，這裡做得很al dente，入口很有嚼勁；辣味蕃茄醬與basil，兩者配合得天衣無縫

另一是Beef Burger，這一個open burger有幾吋厚，一定無法整個放入口，side dish也十分大堆頭，炸薯角、洋蔥、雜菌及芝士.....好飽....食唔晒

本來想叫Chocolate pudding & Pavlova，後者當日沒有，就只叫一款甜品算了

雖然不是心太軟，只是一個朱古力蛋糕配雪糕，朱古力味很濃味道唔錯，最開心時有兩球雪糕呢(因為係我要求呢)

百個抵

近來見到有人拎YSL的tote bag，雖然是款式簡單，但我鍾意

同Gloria傾開，原來是買日本雜誌附送的。

雖然雜誌索價$200，但係$200買一個YSL袋真是一個百低丫

唔知乖女有無興趣呢

潮拜

上星期五食唔到浪漫館橫浜，一直心心不息，今次叫老公早D去攞位

由於上次等位期間已熟讀其menu，所以很快已有目標

定食包括蕃茄沙律及味噌湯

主菜黎啦，滑蛋豬扒飯，賣相只是一般。其蛋汁實在太少啦，豬扒是厚切，肉質未至又實又硬，但不是特別滑，又缺乏肉香

另外的咖哩豬扒飯，外層的吉列吃起來很鬆脆，可惜同樣缺乏肉味；咖哩汁亦不夠香，夢見屋的咖哩比它還好；珍珠米飯還不夠軟熟，有點失望

吉列是其主打，不過甜品也吸引我

咖啡奶昔味道不太濃，似一杯smoothie多一點

綠茶蜜糖乳酪雪糕是軟雪糕、綠茶雪糕、白玉、紅豆、蜜糖蛋糕及酸乳酪組成，除了紅豆不是小倉紅豆外，其餘的我食不停口

埋單$4XX，我覺得一點貴，不值得浪費時間等位來食

有機會試下K11的梅林，比較那一間吉烈豬扒做得出色

呢間最好

與幾個老死食飯，選擇旺角風月堂，晚飯時間超多人，過了7點已開始等位。

我對她的鹹食一般，所以由她們發板

三文魚卷、芝士焗青口、芝士焗西蘭花、三文魚雜菌墨魚汁麵、牛肉石頭飯及海鮮
pizza

輪到我發板的甜品
紅豆窩夫配綠茶雪糕、綠茶芭菲、和風窩夫及蘋果批配雪糕

幾個C9又傾又講，咁又過左一個晚上

P.S.幾間風月堂中，大家都認為呢間水準較好

金銘牛腩會

身為金銘牛腩會一份子，油麻地分店一定要試一試

始終較新，環境好過屯門總店

老公要了普通的牛腩河

我好貪心的要了痴根腩加牛膀撈粗，痴根腩很特別的名堂，試試是乜東東

指定要痴根腩要另加$4，不過是絕對值的，因為充滿口感，好似食了好多骨膠原落肚

牛膀是我所愛，雖做得入味，但切得太細薄，且欠缺粉嫩
 

似乎屯門總店較好一點