被人飛

年初六

原本Lillian她們上來拜年，不過佢地嫌天氣太凍，最後大家再約到3月6日...要等好
耐呢...

開工大吉

年初四


開工大吉約了Gloria食中午開年飯，地點又係我地飯堂

我地今次食得好豪呢，食左$5XX

影少左幾碟壽司tim

而且我仲食埋心太軟，另加多球半雪糕

呢個新年真係肥C丫

赤口無鬧咬

媽媽初一二去了旅行，打算赤口日同佢去欣圖軒食餐好的

我地張檯對於海濱長廊，環境一流


叉燒-單看色水不太討好，入口又幾鬆軟喎，但始終不及國金軒

燒賣-啖啖彈牙蝦肉，無多餘肥膏，又帶有冬菇

蟹肉咸煎堆-一咬已滲出蟹肉的鮮香，好美味

鰻魚蘿蔔絲酥餅-鰻魚加蘿蔔好似格格不入，但食起來上又好夾喎

叉燒包-好一般，如以這個價錢來衡量，可以說是水準之下

奶皇鳳梨芝麻棗-全靠菠蘿帶出香氣

等了45分鐘後，好期待的鵝肝牛肉餅煲仔飯終於出場-鵝肝不是肥美，但入口仍保
持甘香四溢，而牛肉餅出奇的香滑又嫩口，用來撈飯真是一流

臨走每人派了一封大利是，雖然只是一粒朱古力金幣，不以令到客人很窩心

開年

山長水遠去Mr & Mrs fish屋企拜年，以為可以試Mr. fish手勢，不過佢地有張
Ruby Tuesday 6折coupon，當然用得唔好嘥，而且我又想食她的jumbo甜品

Jumbo crab cake-完全唔掂，毫無鮮味

Ribs-幾唔錯，肉質唔乾幾嫩口

Lasagna-雖然好好味，但係食一細件已超溜，而且我要留肚食甜品

Blondie

Strawberry & ice-cream-估唔到幾大，不過酥皮唔多鬆化

Brownie Sundae

6折後真係好抵，每人唔駛$140

大年初一

每年大初一都會同舅父一家食飯過新年，今年亦如是，表弟訂了八月花，因為大時大節關係，我地要食第二輪，8點幾才可入座

碗碟都是我鍾意的綠色

大家都讚不絕口是燒脆皮BB豬，連豬頭也可鯨吞的

其餘都ok

飯後想去HD，但係又要等位又太飽，最終放棄，唯有留待星期日食雪糕火鍋

睇在王祖藍份上

國金軒的甜品不太吸引，轉去王祖籃有股份心飴


牆上掛有劉德華的墨寶

3心2意-有好多款選擇，每款$13，每次可以選三款，真是岩晒我這3心2意的人
新加坡蛋白馬令、黑糖木槺布甸及蘋果千層酥

心太軟-水準只是一般，不過早一日食過甜品革命的心太軟，就覺得這個算是不錯

因為3心2意的蘋果千層酥幾好食，所以encore，今次配埋雪糕就更加好食

其實與坊間的甜品舖無異，只不過是王祖藍的名義，才會特別光顧

一家團年

每次過節食飯，媽媽都話要食好D，今次仲要食豪D，我就提前3個星期訂IFC國金
軒，竟然爆滿，今年香港真係好景，唯有退而其次，訂Mria 內面的國金軒

雖是廣東菜，但他的北京填鴨做得好過北京樓，燒得好有光澤，沒有太多肥膏

特別的是包皮也有三款，除了原味外，仲有菠菜及蒜蓉；而兩食是將“殼”斬件，再淋上鹵水汁，真是原汁原味

叉燒-肉質軟嫩、蜜汁豐富、色澤鮮明；桂花燒鱔球-淡淡的桂花香，肥美爽脆

蟹子龍蝦球-蝦肉是霉的，$480真係一點也不值；生根鵝掌煲-無食唔知味道如何

子薑生炒骨-做得幾脆口，不過一舊子薑也搵唔到；竹笙菜遠-很清淡

鮑汁鱆魚雞粒炒飯-飯粒較稔身，但勝在充足鮑汁的惹味

雖是今次去唔到IFC國金軒，不過媽媽已答應我，7月份請我去食餐勁的