Nice to meet U

12月10日 (星期一)

今日第一次見blog友貓小玲，有點興奮
原來大家都是同一區返工，相約lunch地點係LGB，係圓方就食過，呢間就係第一次

甜品好吸引


坐窗口位，望到A&F後門


Set lunch有湯有沙律、main couse，又唔貴喎


原來自己落order俾錢後，侍應哥哥才送來的


湯是雜菌湯，味道ok、菇菇也很多


沙律是南瓜雜菜沙律


我主菜係芝士火腿牛角包配薯條...好高卡丫



小玲佢煎龍利魚，似乎不錯


小玲還加$20的cappuccino，拉花技術唔錯喎


再一次多謝 & 唔該小玲
希望遲D可以探下哈碌啦

一連兩場

12月8日

12月開始漫漫聖誕氣氛，又係相約好友Gloria出黎買禮物的時候
今次收穫不多，所以提早少少食飯
Le Salon是Hysan Place在OR排首位，有40多個笑面，而且我一早想來拜訪


環境黑媽媽，好有「氣氛」，好友話似agnes b或french window，但我覺得佢扮high class


安排左窗口位，不過四週都係高樓大廈，冇野好睇

la carte選擇不多，而set dinner價錢唔算貴，3道菜$398、4道菜$498，而且又幾岩食，決定叫set

麵包有兩款，非常普通貨式，是吃完一啖，唔會再想食第二啖


welcome food是帕馬火腿伴無花果，少少一片的火腿真是好難食出什麼油香出來


第一道我揀了法式洋蔥湯，落單是已要求多芝士，唉...一上枱極為失望，不過味道尚算ok


好友選北海道帶子伴龍蝦汁泡沫，我試少少，覺得帶子過熟，火喉未控制的均勻


到主菜，我當然揀我鐘意的羊扒，侍應哥哥建議這個lamb rack以medium rare較好，果然夠晒生，岩晒我。而且肉質嫩滑，又帶點點羶香，唔錯唔錯


另一主菜是cod fish with seafood minestrone，初初聽到minestrone，以為將魚浸在雜菜湯裡，原來所為minestrone好似汁一般的，而鱈魚我覺得唔夠肥美，應該肥美一點才好食


我地兩個都要法式西多士配雲尼拿雪糕，是一個絕配的組合


附送餐茶及pite four應該是好飽的...



但見到隔離是Shiro，以往在PP時是我地飯堂，依家搬左來希慎，好掛住佢的紅豆雪糕，所以食到好飽到想入去懷勉一下


環境格局與以前一樣，我地笑說是枱枱凳凳都係用番以前D，買傢俬錢都可以慳番

雖然好多都一樣，但價錢就唔一樣，我地以為一定會比以前貴左，但出乎之外，價錢平左10%左右，可能就慳了裝修傢俬錢

本來我地入黎只係食雪糕，但好友又忍唔住，食左帶子沙律及火燄三文魚，佢話水準好似冇以前咁好，還是之前食得太飽已失去「味覺」



期待的雪糕黎啦，紅豆、綠茶是我必然的選擇


我地已打算下次再來食正餐，試真D味道

私竇海鮮餐

12月11日(星期二)

是日係補祝Miss & Susan生日的生日餐
今次好神秘唔講俾大家知係邊度開餐


一入門口就見到兩隻門口貓歡迎我地

行入去又見到兩隻貓貓，黑色個隻超迷你貓仔令我諗係契B小時候

再行入去見到一早到左的可愛蔚藍


更係影多D靚靚蔚藍


超肚餓，好彩有娜姐、David同陳小姐手信頂住肚


呢條係我地今晚食的大馬友


好重好大條架


人齊開餐，先黎清蒸花蟹


我雖然不好，但都試了少少，果然鮮甜肉滑，蟹膏還帶點鹹香
煎釀三寶，彈牙的蝦膠配以自家製的豉油，味道一絶

又是自家打製的魚蛋，全是用鮫魚來做，口感十足，山窿謝記真係要行埋一邊


蒜蓉蒸扇貝-細細粒容易食，墊底的粉絲是大家最愛

大家最期待的清蒸馬友黎啦

每人可份一大件魚扒，魚肉新甜又滑溜

我大愛的咕嚕肉，我話晒食過好多酒樓的咕嚕肉，這碟可以講話全港至強，甜酸適中，入口熱辣，還有可聽到清脆的卜卜聲，就算擺凍左也脆口


蒜蓉蒸大蝦


大過隻手掌，啖啖爽口彈牙蝦肉


普普通通的一碟臘味糯米飯，給大家很raw的感覺，現在很少機會食到，還加上特製的豉油，我更係唔會放過


這碟炒米粉亦很有家常的感覺


食飽同貓貓玩一陣，佢地真係好可愛


呢隻仲超嗲，黐住老公唔放呢


今餐真係要多謝Miss，有佢...我地先可以食到咁平咁正的海鮮餐