預祝母親節

5月5日(星期日)
爸媽又遠行，所以提早慶祝母親節，但遲遲才決定去尖咀食飯，所以好多餐廳都book唔到
頭痛緊去邊到食飯時，咁Q又剛收到L'Eclipse買3送1的email，岩晒我地一行8人

凍海鮮、生蠔、剌身等冷盤

 

中、西、日、印式...國際化的熱盤  好似好多甜品....

雪糕係HD，隔埋仲雪糕筒、5顏6色的糖果，好吸引D大、小朋友



刺身、龍蝦都唔錯

生蠔瘦削左DD

 

雖然甜品選揀不少，但不合我心水，只食了幾件算了

 

雪糕是HD，就食了6球...之後的兩球冇影到

除了自助的食物外，還有送4選2的主菜，及兩款味揀一的疏乎里

我的芝士虎蝦、燒羊扒，虎蝦尚算ok，而羊扒簡直係well done， 其至overcook 
另外兩款主菜係燕窩布甸及乳鴿，反而冇期待的乳鴿肉質幾嫩，而且豉油汁入晒味
 
其實食飽晒先來主菜，真是有點浪費，所以最後送的疏乎里，我都唔要唔想嘥

B仔與Z仔黎香港玩了兩個禮拜，臨走前同佢地影張合照留念

真正的勞動節

5月1日(星期三)
放假都要返工真係唔開心，一星期返足7日咁辛苦，我一定唔會委屈自己
 老公接放工後漫無目的係中環搵食，最後來到Hard Rock

記得Yan陀緊Matthew時同佢係度慶祝生日，話咁快步佢又陀緊妹妹啦

 


老公又點會放過Hoegaarden

 


Cobb Salad其實係club salad材料豐富乜都有

但我覺得dressing honey mustard才是主角，淋在沙律上，味道立即唔同

 


The Big Cheese我覺得個塊漢堡扒仲big

Medium rare程度，滲少少血水，充滿肉汁之餘，肉質又細嫩，side dish的薯條當然是食不停口 
Mac & Cheese我地都嫌唔夠芝士香，如果我煮時一定會落多D多D芝士 

最後再食埋有淋上熱熱朱古力醬在三球雪糕上的Hot Fudge Sundae，真是大滿足

 

Gooday

4月23日(星期二)

之前留意好多報紙、雜誌介紹Gooday Cafe

 世界真係細，原來店主是我同事的朋友

今次我帶同好友來食lunch

成個環境是以浪漫婚禮為主題，但覺得與傳謀介紹有點出入，我完全不為所動

12:15左右去到只剩餘bar枱，其實都唔錯，起碼window seat，不過是對住中環街市

 

擺滿了小飾物，應該吸引不少女生

是日餐單，似乎好豐富

 

薰衣草花茶-幸好味道不濃，沒有食hand cream感覺(唔記得影tim)


南瓜忌廉湯雖很滑，應該係忌廉多過原故，因為喝不出南瓜的甜味

 

這裡出名的薔薇洛神花包，包身頗為軟熟，也散發出淡淡花香，但聽同事講，這個馳名的麵包是來貨，不是自家出品



奉上一盆有頭盤、主菜、甜品，看似很精緻，份量不多我估男士們應該不夠

黑松露雞蛋算是有心思，   起蛋黃後，再吱上，每日做咁多隻，很花時間；焦糖燒菠蘿-外層焦糖，內裡酸甜很開胃：甜品已忘記了什麼，因為我對喱啫狀物體，有點抗拒

 

我主菜是蕃茄牛肋骨飯，很有鮮茄味，而肋骨很軟腍


好友是焗忌廉雞肉意粉



食物整體上ok，與一般樓上cafe
而學好友話齋，這裡適合中學時代充滿幻想的少女

全完感動唔到我這C9仔

Partime 導遊

4月28日(星期日)
表姐個仔專程來港搵大學，我更係要盡地主之餘招待他 一早帶他同佢鬼仔老友去金華嘆早餐，唔記得影相，臨尾係麵包櫃補番張飛 

再出發到HKU

兜了一大個圈，再行HKU行番落中環碼頭已超攰，大家都要飲杯野抖一抖

抖完後又繼續行程

終站來到北京道的小南國

 

係香港咁多分店中最grand的一間

 安排了window seat，仲可以遠望香港島 
前菜是辣花生同炸菜，先來醒一醒胃 

今餐雖媽媽請客，但例必由我來發版，真開心，因為可以暢快地叫 
花雕醉雞-沒有酒香、花雕味只輕輕帶過，換來略為重了一點的鹹味 

糖水蓮藕-有如蜜餞般的甜蜜，而蓮藕很淋身我不喜歡這口感，但淋身才會入味

上海醬鴨這道菜濃油赤醬岩晒我，醬汁色澤濃厚的，鴨肉入味又肉嫩

食了三款濃味前菜，再食這個翡翠百葉卷，覺得好清新

砂鍋雲吞雞

頭鮮甜醇厚，雲吞也飽滿非常


稻草肉肥而不膩、入口溶化，與荷葉餅同食，更可深嚐濃汁的美味

八寶鴨-我著眼在於內裡的糯米，軟糯入味；鴨肉被糯米吸盡日月精華，令肉質又實又鞋

安格斯牛柳粒炒明蝦球-我只食一粒牛柳，口感結實又咬口

賣相吸引松子黃魚，甜酸醒胃之餘，不嗆喉；而大黃魚炸得通透脆口，而魚肉也不會乾淨淨

薺菜炒年糕做得不錯，軟熟煙韌


小籠包聽說也很好

 

我好欣賞這個灌湯生煎包，咬落去時滿滿的湯汁爆出來，味道的鮮味


蔥油芝麻餅又是熱烘烘的，可惜缺乏香蔥及芝麻的香口

食到飽一飽，連甜品也食不下，於是欣賞維港夜景變了大家的飯後甜