本來想整咖哩牛脷，不過去街市搵了好多檔都冇，唯有整牛腩，買了三十蚊，先將佢出下水才切件
我用楊協成咖哩，呢隻咖哩由細食到大，記得麻麻同老豆成日用佢整咖哩雞
除了牛腩外，仲有洋蔥、薯仔、茄蕃及椰菜花作配菜
先將洋蔥爆香，再落薯仔、牛腩煮一陣
再落咖哩醬，我驚C唔夠辣，起勢咁落乾辣椒碎，真係幾辣下，正
可能太多料關係，煮煮下發覺唔夠咖哩醬，拿拿林落街買多一罐
炆了個零鐘後應該食得掛
再配埋意粉一齊食，都幾好味丫，不過D牛腩仲未稔
咖哩聽講幾濕熱，所以賣了清補涼湯包去下濕
我另外再加了雪耳，好好味丫，呵呵
太大兜咖哩食唔晒，要留返第二日配烏冬食，原來隔左一夜，味道仲正
沒有留言:
張貼留言