Happy Friday

11月2日(星期五)

劉總想試下龍圖閣，星期五又組美食團

雖然在尖沙咀，但位於一個不起眼的商廈，唔講真係唔知有間酒樓
原來有咁多雜誌訪問，唔知係咪鱔局，真係要食過先知

樓底好矮，裝修唔夠新，似乎是上一手留底，再翻身一下


半隻蒜香雞-皮脆肉嫩，除了灑上蒜蓉外，還有炸過的蒜蓉，蒜香味十足


馬友煎肉餅-加了鹹魚又點會唔惹味，梅香味濃烈；而且豬肉混了蝦膠，更加豐富口感


咕嚕肉-略為酸了少少，我當然可接受，但唔夠脆之餘，漿粉又多，我就接受唔到囉


好多謝Herbert為我D辣人叫左個西蘭花花枝片


熱辣脆口又乾身的椒鹽九肚魚，做得好出色


金沙黃金蝦-有蛋黃外，仲有好重口味的蝦膏，雖然好食，但蝦膏的濃味已蓋過所有


生炒糯米飯是我最愛，不過除了糯米外，還加了粘米，所以較為爽身，少了一份軟糯感覺


有Herbert係度，點會缺少下場的甜品

新開的甜牙牙


打開menu每款都好吸引，之後才知係糖苑兄弟，頓時大打折扣


流心芒果粒粒布丁-一個普遍的芒果布甸，我食唔出何來流心

火焰朱古力木糠布甸-大家都讚賞這個，其實是一個orea木槺布甸，又是一點都不難做，只是用火焰作為賣點


綠茶紅豆是公認絕配，但為何要加多幾塊芝麻脆脆的第三者出來搞破壞


一藍子雪糕球與糖苑同樣有這款甜品，也是同樣難食


三色蕉焗杏仁片-點解叫做三色蕉，因為有焦糖蕉蕉、脆蕉蕉同香蕉蕉...其實呢個甜品大件夾抵食，因為有好多件又大又厚的窩夫


有幾款心太軟，我地要左最Classic的

都唔流心，而且仲有陣苦味

又是抱住肚腩的一晚....