2010年1月1日 星期五

Happy New Year

都市日報介紹Steik World Meats,於是一早訂定位,打算食2010第一餐晚餐



先黎頭盤的Foie Gras,雖不算肥美,但入口即溶,也沒有多餘的根

再來個Garden Salad來清一清腸胃



店名主打Steak,咁主菜當然要食牛扒啦

Menu上有各式各款的牛扒,索性點了Tasting Plate,可以一次過試三款品種

其中以澳洲和牛最滑最嫩,不需大力咀嚼也可吞下



最後又點少得我的主菜甜品呢,正常選擇甜品之際,經理走過吹水,傾傾下佢好豪爽的請我地食甜品,我當然貪心的,不客氣的說聲多謝啦

她的甜品不吸主菜,幸好是免費的



2009年12月31日 星期四

09年最後一甜

食完韓烤後要食番甜食來滋潤一下

知道大坑有不少甜品舖,求其搵一間試下,就揀了甜品大少

未食試她的甜品,已有好感,因為舖內的顏色是我喜愛的綠

她的甜品款式也不少,每款也幾吸引

芒果黑糯米飯-芒果很清甜,黑糯米很有口感,好好食

心太軟尚算流心,但朱古力不夠濃度,入口似是牛奶朱古力



食飽飽後搭車入屯門迎接2010年

始終尖咀好

因為被奉名十點幾去屯門倒數,時間又不三不四,唯有在CWB遊遊蕩蕩

在漫無目的下去了世貿搵食,揀了幾家也不合心意,發現有間韓菜名家,又無需等位又沒有除夕的特別貴價套餐,又是我喜歡菜式之一



要留肚食甜品,只點了牛肋骨、牛脷及石頭飯

可能心理上關係,味道始終不及尖咀的金巴利街的韓國店



除夕日

臨近年尾,已十分有Holiday mood,索性在09年最後一日自己放自己半天假

原本想去勝香園,實在太多人,幸好我已有兩手準備,於是沿鴨巴甸街上

個條斜路行到我CC下,終於行到傳聞中最好味的BO-LO’GNE Café & Bar

由於Lunch Time,稍等一會才有位

在等的過程中已鎖定Honey ice-cream及Egg Sandwich

Honey ice-cream是丹麥麵包上雪糕及淋上蜜糖,三者十分匹配

Egg Sandwich就有點失望,其實蛋沙律是十分滋味,但配以甜甜的丹麥麵包就有點格格不入

其實我已8、9成飽,但老公話好似未食過野落肚,再叫一客Carbonara,在沒有期望下,帶了一點驚喜



2009年12月24日 星期四

平安夜午餐

Catherine提議食餐好來慶祝平安夜,大家投票後選了紅客棧,聽個名以為是中菜,原來是食西餐廳。

頭盤:是三文魚、Parma Ham、田螺,每款細細份,幾精緻

蒜蓉包之後就是甘荀忌廉湯,甘荀被重重的忌廉蓋過



主菜:有鮮蝦意大利飯,同事的評語不錯

而其他5個人(包括我)也要黑豚豬扒,肉質不嫩滑,與「真」的黑豚肉還差好大距離

甜品要另加$30,是日是什麼聖誕蛋糕,同事們不敢冒險只叫三客試試

其實是chocolate mousse cake中間加了乾果、綿花糖之類...好彩只叫了三客...真係有D難食呢

餐後奉送的曲奇反而好香味道不錯呢





2009年12月23日 星期三

做冬

中國人話冬大過年,所以媽媽都幾重視做冬一家人食飯

至從在夜上海一個人幹掉一個煎八寶飯後,心思思又想再下一城,而細妹又想食,決定做冬再食一次

當日做節關係,幾乎全場滿座



冷盤的烤夫很入味

主菜有紅燒元蹄-肉質超鬆軟又惹味、石鍋雞-特別之餘雞肉嫩滑、蟹粉蝦仁炒粉皮-味道唔夠鮮、百葉棠菜-普普通通之件

包點麵食是小籠包-皮薄濃湯、上海炒年糕-醬汁濃稠,年糕軟熟不硬

最後點少得煎八寶飯,點解今次個細咁左多



2009年12月20日 星期日

預祝聖誕

今日邀請了媽媽、細妹來預祝聖誕,因為屋企人食飯關係,所以菜式比較簡單



其實仲有三文魚頭湯 & 焗雜菜都忘記影

因為天氣凍(其實係懶就真)毫無心情整甜品,只在Patisserie Yamakawa揀了五件餅算把

栗子Mont-Blanc蛋糕-栗子蓉不甜香滑,夾雜粒粒栗子增加了口感

栗子卷蛋-細滑的忌廉夾在鬆軟的海綿蛋糕內

抹茶布甸-超甘濃的抹茶香

抹茶紅豆慕絲蛋糕-味道較清淡,不及抹茶布甸甘醇,紅豆味也不重

朱古力熱情果慕絲-熱情果不夠突出,朱古力亦不算很濃烈

我始終懷念Tony出品

食完凍餅後,大家覺得有點寒意,最後即整左個鮮奶燉蛋,質感超滑,很美味呢(呵呵...自己讚自己)