2010年5月9日 星期日

Happy媽媽Day

為免母親節無位食飯,我已早了兩個禮拜,BOOK了7、8間餐廳、酒樓

結果細妹揀了囍宴.......我已食過N次呢



子薑皮蛋-子薑好稔,皮蛋又唔係溏心


口水雞-雖然不是正宗,勝在夠特別,似是雞絲粉皮,墊底又有了皮蛋(唔知點解好
食過子薑皮蛋的)


陳皮骨-同事每次都會叫的,個個都讚,唯獨屋企人覺得味道怪怪


稹江骨-我就覺得麻麻地,糖醋唔夠濃,不過細妹好鍾意



大肚婆炒飯-飯粒爽口又分明,鹹魚粒經炸過,帶點焦香之餘又脆口,媽媽好like,所以再叫多個炒飯


黃金蝦炒飯-蛋黃不夠,「黃金比例」不合格



擔擔麵-因他們唔係好食得辣,只是叫少辣,對我來講真係無癮,好彩麵身算唔錯



黎到大家興奮的甜品時間,可借無我地鍾意的金莎雪糕



相思紅豆-是細妹的,我已話明只是一杯普通的紅豆冰,不過佢係都要叫



黑糖雪糕-我本身都幾鍾意黑糖,呢個質地好黏,似是土耳其雪糕


桂花酒讓荔枝雪糕-我好鍾意荔枝雪糕,味道很清香,而且與桂花好鬼死夾


豆腐雪糕糯米飯-一凍一熱好特別,糯米飯煙煙韌韌,好鬼正



焦糖香蕉糯米雪糕-原來同上面果個差唔多,只是多了燒過的香蕉,同淋了焦糖



其實對我來講個個星期都係母親節,我個個星期都同媽媽出街食飯架啦,想孝順佢的話,平日都會做,唔駛等一年才得一日孝順佢(呢一兩年我特別孝順佢呢,哈哈)

什麼母親節、父親節真係多鬼餘,但唔慶祝又唔得...

2010年5月2日 星期日

咖哩牛腩

每次經過翠華聞到陣陣咖哩香好鬼正,決定自己整一次

本來想整咖哩牛脷,不過去街市搵了好多檔都冇,唯有整牛腩,買了三十蚊,先將佢出下水才切件


我用楊協成咖哩,呢隻咖哩由細食到大,記得麻麻同老豆成日用佢整咖哩雞


除了牛腩外,仲有洋蔥、薯仔、茄蕃及椰菜花作配菜


先將洋蔥爆香,再落薯仔、牛腩煮一陣


再落咖哩醬,我驚C唔夠辣,起勢咁落乾辣椒碎,真係幾辣下,正


可能太多料關係,煮煮下發覺唔夠咖哩醬,拿拿林落街買多一罐

炆了個零鐘後應該食得掛


再配埋意粉一齊食,都幾好味丫,不過D牛腩仲未稔


咖哩聽講幾濕熱,所以賣了清補涼湯包去下濕


我另外再加了雪耳,好好味丫,呵呵


太大兜咖哩食唔晒,要留返第二日配烏冬食,原來隔左一夜,味道仲正


2010年5月1日 星期六

勞動節是日好勞動

老公要返大陸飲,就搵我後備情人....我媽媽陪我

Shopping勞動完,又要搵D好野食,不過我已有心水就係Osteria。行完好累,未夠6點已去到,不過侍應姐姐好好人,俾我地坐住先


沒有麵包籃,只有已一早擺放了grissini,超硬唔好食


之後侍應姐姐再奉上一籃麵包俾我地揀,我就揀了蕃茄包,味道一般


有Chocolate promo,我好想叫鵝肝配朱古力汁,不過媽媽驚食唔晒,知我眼寬肚窄,唔俾我叫(因為之前已叫了兩個主菜,而且仲要留肚食甜品)


主菜黑松露Risotto &羊扒,侍應姐姐知我地是share的,上枱是已為我地分開兩份


幾片超薄的black truffle己是靈魂所在,未入口己飄來陣陣芳香;意大利飯嚼勁十足,是一道有水準的意大利飯


中間的應該是羊扒的配菜,初時以為釀蘑菇,但有皮的又以為是薯仔,不過入口又唔似,最後我估係雅支竹


羊扒是medium,呈深粉紅色,有少量肉汁流出,肉質鮮嫩無比


食完主菜,輪到飯後甜品,選擇不少


首選當然是心太軟,雖然不至很黑的朱古力,但味道也很香濃,也很流心


另外Gelato也是我至愛,一客三球$60好抵呢,一共有15款選擇令我心太心細,最後揀了芒果、焦糖及earl grey

點解有一球係白色味道似檸檬,原來落錯單,侍應哥哥超好人,再補多一球芒果給我,當然唔駛加錢啦,超開心

四款味道之中,我最鍾意是earl grey,甘醇馥香,令人極之回味


餐廳環境較為casual,一點不似酒店餐廳,不過其出品很是出色