老公生日快樂

2月6日(星期三)

今日係老公生日，當然要同佢慶祝啦
不過慶祝前，先去探下紅爆FB的忌廉哥

去到見唔到忌廉哥，只見到忌廉嫂


我以為忌廉嫂好肥美，原來size同契B差唔多咋
萬生話忌廉哥訓緊覺，就只好走人去食飯

今次慶祝地點係連續摘了幾年星的香宮

話說去年經過翻新後，古色古香、金碧輝煌


連D餐具也很氣派

先來個玫瑰花茶welcome drink
之後welcome food是梅子醃蘿蔔
小食是海苔腰果，叫人怎停得口


香梨牛肋骨這個只在套餐上的菜式，侍應哥哥好好人，問準師傅後可額外做俾我
骨肉分離好輕易就可切開，香甜肉淋


點可唔叫這個招牌稻草骨，五花腩被稻草扎住，經過慢火烤煮，脂肪幾乎與嫩肉溶為一身，草香也滲入肉內，配鎮江醋，酸甜開胃

焗釀響螺-表面是香酥的麵包糠


裡面葡汁又香又濃，真是香味四溢


食了幾樣重口味菜式，來個清清地健康鮮蘆筍淮山炒藕片，三種材料也很清新爽口


香噴噴生炒糯米飯，飯粒很分明，如果再硬身一點更架好，略為油了一點，還有點點燶焦


有成廿多款甜品，真係好想試，但侍應哥哥提醒我地仲有蛋糕，勸我地遲D真係食得落先叫

一早預訂了綠茶紅豆慕絲蛋糕


祝老公生日快樂、身體健康，永遠鍚我同契B


最後再奉送美點雙暉，好豐富呢


原本沒有的合桃酥，但侍應哥哥知道我想食，就專登放多兩粒落去，真係好貼心呢


我以為係原粒合桃酥，原來入面係栗子蓉及有粒細合桃

食得飽飽，又去搵忌廉哥，但係又厘埋咗

「健康」上海菜

2月5日(星期二)

好友們預訂了霞飛會館為老公預祝生日
食過佢旗下的霞飛點心水準不錯，而Yan又試過菜也推介過，所以也有點期待架
話說早前曾請過國家級大師來大顯廚藝及設計了多款菜式
餐前小食醋漬水果，酸酸地好醒胃


榶醋排骨-曬了桂花上面，味道偏甜，排骨又乾又鞋
雞絲粉皮一般啦
干扁四季豆-一家上海館子做四川菜式，當然沒有本身的風味


一品全家福-Manu與真實是兩回事


清炒鱔糊包餅

要用蠟燭坐熱

有皮、蒜、青瓜

原來好似北京填鴨咁夾來一齊食...第一次食到咁啖既鱔糊

蓮荷紅炆蹄-肘子與荷葉、蓮子一齊燘，上枱時傳來陣陣香味


但食落又兩回事，雖然口感軟綿，但完全食唔到之前聞到香嘖嘖的味道


小籠包-雖然我冇食，但一見佢地夾就知皮很厚

全晚大家最欣賞是脆皮腰果湯丸


又脆又熱的煙韌糯米，咬下去是又香又甜的腰果茸
絶對不合格的煎八寶飯，數不出有什麼八寶，與煎淨糯米沒有分別，毫無甜品，唔怪得佢要附加糖箱

餸菜已黎晒，其實都不太飽，但大家對佢已沒用信心，寧願再下一場

不過未過場前，做左緊要事先


今次是第二次食快樂彩虹，都係食唔出有什麼味道...點解冇Chilam咁靚既....

...我意思係個蛋糕

蛇年新春系列：元宵貓友聚

好開心，終於等到元宵節啦，因為約左哈碌媽同包豆媽黎屋企
一早準備好火鍋材料招呼貴賓....契B又左住晒啦


你坐係到，我點洗菜呀

鬧完佢，又扮傻仔"乙水"番你，佢真係好鐘意扮傻仔架

 包豆爸媽、哈碌媽黎啦，佢地帶左好多野食同玩具送俾契B

(以下D契B相係哈碌碼影架，影得好靚)



契B玩得好開心又興奮

之後玩到索晒氣

 

我鐘意下面兩張，眼仔圓碌碌同得意

 

玩完...開飯lu，普通家常便飯，失禮晒


元宵節更係食湯圓應節啦

最後要多謝哈碌媽、包豆媽D禮物


希望下次再有機會一齊玩