蛇年新春系列：拜年+團拜

2月11日 年初二

好忙碌的一日，中午去奶奶家食開年飯
再去屯門探老公哥哥，又去Lilian屋企同佢個女Mimi拜年

Mimi好怕羞，佢今次終於肯出來見我啦，佢大個契B半年，但契B大隻過佢好多呢
之後再去沙田宜家掃貨，雖然周車勞動，但都趕得切返娘家食開年飯

2月12日 年初三

等好姊妹Joan來，所以成日留係屋企，契B又曳曳啦

Joan終於來，由於掛住傾計，只影左妹妹兩張相咋

之後就落樓下食飯

2月13日 年初四

假期最後一日，約埋一班「親友」來拜年
馬氏一家三口的利是封好cute ar，多謝雪怡俾左個紀念封給我

大家對蔚藍愛不惜手

之後再上我家，雖然食得飽飽，但都準備少少野來招呼客人

蔚藍真係好可愛，影左佢好多張相


難得大石與蔚藍合照


最後要多謝Cheap兄封左封大利是俾契b

蛇年新春系列：大年初一

2月10日大年初一

每年慣例一早去奶奶家食飯，之後返外家拜個年，再出發去舅父屋企
每次去舅父屋企，老公都好開心，因為又有得飲而且仲有好多野食，有D都唔記得影


差唔多時間出發去食飯，今年訂左君怡閣，好懷念佢隻乳豬



佢地仲未飲夠，去到酒樓仲要開多枝


雪菜生根豆腐-出乎意料之外，做得好入味


上湯浸豆苗


胡椒海蝦-香口美味，只是蝦肉有點霉


富貴蝦丸脆口又彈牙


雲腿蒸頭腩


燒汁煎焗牛肋骨-肉香味濃，入口軟淋又多汁


麵豉生菜


主角出場啦....金陵乳豬...細細隻真係唔忍心食佢


連pat pat 也塞滿糯米


經理手起刀落，話咁快就斬起了


唔好睇個豬頭咁細


斬斬埋埋都唔少野


炒過的糯米釀入乳豬裡，飯身充滿油香，而乳豬燒得色澤均勻，皮薄甘香鬆脆


最後奉送冇味的紅豆沙


我個表姨甥森森好可愛


當然唔會放過同佢合照機會啦

最後影番張大合照，祝大家身體健康、財源廣進

團年

2月9日(星期六)

是日大除夕，當然與屋企人食團年飯啦，地點係1881


呢對巨大門神bear bear，由聖誕擺到農曆年，真係好襟擺

大紅燈籠高高掛，好有氣氛呢

食過Hullett House好幾間西餐，今次就食佢中菜--隆濤院

餐廳分了幾個廂房，又是懷舊設計，好切合Hertiage主題

充滿古色古香的味道 

一上枱時已知唔點的蜜汁叉燒，又乾又鞋又唔入味

招牌菜炸子雞頗有水準，做到皮薄香脆、雞肉嫩滑
 

山渣咕嚕肉比我預期中出色，酸得來不嗆喉，梅頭肉炸得皮薄又脆口

金不換和牛粒兩者配合得很好，金不換散發其香氣，但沒有遮蓋和牛獨有的味道同質感

 

沙鍋班腩煲-唔好睇個樣杰撻撻咁，我試件豆腐很滑溜呢

上湯浸豆苗

生炒糯米飯炒得爽身，但乏缺臘腸臘肉的香味

雖然甜品有數十款，但唔吸引之餘，有好幾款已冇，較合心水只銪擂沙湯丸


食完出來已天黑

夜晚的Hullett House又另一番味道