芝士西蘭花煙三文魚意粉

現在住了離島，如果放工即閃，返到屋企差不多七點，為求快手，已不再兩送一湯了，簡簡單單是煮個意粉、沙律或湯麵之類，既容易又省時。

見有pack煙三文魚就黎過期，食埋剩餘物資，就整了芝士西蘭花煙三文魚意粉。

材料：一棵西蘭花、煙三文魚及意粉

白汁料：芝士、淡忌廉、牛油、芥辣、麵粉、鮮奶、白酒(我又係求其份量)

煮法 :先將白汁煮好後(留起一碗備用)，再下意粉煮一會後，將白汁意粉倒落焗兜，再舖上煙三文魚，然後將已烚了半熟的西蘭花伴碟，將先前留起的白汁倒在面頭，再灑碎芝士同少少辣椒粉，放入焗爐上格，用220度焗5至10分鐘或個面有少少燶就OK。