橫掃三場甜品夜

本來約好與Yan & Joyce食完雲貴川後再去佳佳及HD，一晚跑三場。什知草草&Janice即興相約去Tony Wong自立門戶的新店Patisserie Tony Wong

兩位店員很nice及friendly，與我們打成一片，准許我們到處拍照外，還送我們小食糯米朱古力脆脆

草草預早留了7件cake，有我最愛的Chocolate truffle、質感細滑的Blueberry Cheesecake、香甜的Strawberry tart、甘香鬆脆的Napoleon、靚靚的Mango tart、茶味濃郁的Green tea opera、賣相靚極的Rose Chocoate cake

 

中間還加插了草草自製的可愛cookie，同樣好美味

 

其實5個人分7件，真係唔夠喉，最後再去甜之迷食個夠
Tony實在無懈可擊，甜之迷無可避免的在比下去

當中最難食是心太軟，是我在師妹後，食過第二次咸味心太軟，其餘的朱古力雪糕批、木糠豆腐布甸、朱古力流心湯丸、流心朱古力Souffle、甜品併盤(Blueberry Cheesecake、Creme brulee及炸雪糕)都是平庸之作

原本打算來個咸食，但最後亦受不住引誘，再攻陷皇室甜品

宇治金時、朱古力布甸、椰汁布甸涼粉、芒果沙冰及心太軟

食完後大家都盡興而歸

甜魔聖誕聚

臨近聖誕，慶節食物當中又點可以少得朱古力，又係大家至愛，所以又組團去Palm Court食Chocolate Buffet

未食到先興奮，大家一早去到，第一時間忙著為甜品們「影相留念」
可能很有預期，每次拎完甜品回來後，大家都好懷念Clipper Lounge食過的乜乜物物

我覺得只有cookie及macaroni是較為好一些，其餘的我沒有興趣encore
除了朱古力外，幸好還有3層高的咸食tea set來中和一下，似乎咸食比甜食還好

初時我以為捧腹而回，又飽又溜，連晚餐都不用食，最後我發覺好似無野落過肚
還是覺得Clipper Lounge最好，明年決定再下一城

我的意大利廚房

在Dan Ryan's與Le Cucina Italiana兩間選揀下，最終揀了後者

餐廳分21、22兩層，樓下是酒吧，樓上才是用餐品

主菜：

焗肉醬薯仔蛋：惹味的肉醬與乳香的芝士當然是非常好的搭擋，Gnocchi煙韌非常

雜菜長通粉：較為清爽的雜菜配以很夠al dente的Penne

焗羊扒：羊羶味不重，但肉質嫩滑

甜品：

味道似Creme Brulee的Panna Cotta

質地好實但好濃的Chocolate Mousse

咖啡道不重的Tirumisu

Pop Bites

星期六又出城去soho搵食，之前已做定功課鎖定了Pop Bites，因食友說她出品的蛋糕水準不錯

室內環境都幾舒服

老公又叫他至愛Hoegaarden，我只要杯暖水算了

因為主打蛋糕，所以只叫兩款主菜：Penne Carbonara & Baby Rib

原本將Penne改了Linguine，可惜侍應姐姐落錯單，無辦法啦，好彩味道唔錯，忌廉蛋汁很濕潤，而Penne也很al dente

而Baby Rib除了有豬仔骨外，紅菜頭菜絲沙律、炸薯角及蕃茄青瓜片，賣外吸引

由於是晚餐時間，蛋糕款式已所剩無幾

三款中我至欣賞是Lime Cheesecake，她的青檸的青香中和了芝士的濃度，入口很清新，一點也不溜；

其次Opera，很有綠茶的甘香，質地也很實在；

反而我較有期望的Chocolate Mousse，個人覺得上層的Mousse與下層的蛋糕有點格格不入

Happy Wedding

雪怡&家傑這對金童玉女經過十幾年的愛情長跑後，終於雙雙步入註冊處了，真係恭喜恭喜

記得2004年5月OR在泰豐屢首次聚會，雪怡坐我隔兩個位，初時覺得呢個女仔幾靚，不過寸寸地又好似幾惡

後來與雪怡、Susan、Wylie、娜姐、Yan、Miss、Selina、陳小姐、David、Cheap兄同KC大家都成為圍內食友，一直都有keep in touch至現在

其實當初與Susan最老友(Wylie唔計因為識左佢N年)，反而與雪怡就不太熟，雖然與幾個圍內姊妹成日email，但終於覺得與她唔夾有點格格不入

但直至去年經過某件事，她無私的分享了經歷後，我就視她為好好的摰友，現在每日全靠與她 & Susan email傾計來調劑返工的苦悶生活

呢個蛋糕係Susan整俾雪怡架，真係超靚

大婚當日在酒店的擺設很有心細呢

擺左我地D相，一共三張，超開心

係咪好cute 呢，我地有份俾意見架

好開心這個好朋友終於踏入人生另一個階段，心情很雜複既開心又有點不捨得，不過我相信馬生會好好對佢的

最後再一次恭祝馬生馬太永遠幸褔快樂

無奈

好多人都成日問我，唔鍾意行山點解要行呀?哎!有時都想陪下"人"ma

雖然佢未必一定要我陪

今次因為答應左姑姐，所以又聯同老公班同事由屯門行去白泥睇日落，去到白泥超多人專程來影日落，好靚咩日日都有日出日落架啦

之後落番去元朗蛇王如食蛇宴，哎!又唔係我杯茶，仲要成三舊水一位，我寧願去食碗魚蛋粉

先黎一大窩蛇羹，我食左一啖咁多啦

之後有什麼蛇乜蛇物，真係無啖好食

終於我有野食啦，松子魚及糯米飯唔錯，我食左唔少呢

最後仲有蛇酒&十全大保湯，飲完唔知會唔會流鼻血呢?

 

個個都抱住個肚話好飽，我都只係7成飽咋

好彩一早問定Yan元朗有什麼甜品店(除了B仔外)，佢推介了有益，我食了綠豆沙湯丸(唔記得影相tim)，但不及佳佳來得軟糯，後來再細問之下，我去的是新舖，原來舊舖較出品好呢，下次有機會再試下