2015年5月8日 星期五

老人家食老牌上海菜

34(星期三)


老豆是計舊曆生日,是日正月十四,祝老豆身體健康,真係修心養性啦

壽星公提議食上海菜,但近期已食過幾間京滬菜,又不想重複,剎那間記起滬江,原來在06年也在這與他慶祝


滬江是一家老牌上海菜館,記得十多廿年前食算是一間高級食府,現在輪為像369個類的平民菜館

五香燻魚煙煄味欠奉,淋上了燶燶的醬汁,仍可保持脆口

鴨舌其實是奢侈品,一碟只有十多粒的美味鴨舌,做得入味外,還帶點微辣,非常惹味

火腿玉樹可能是金華火腿影響,味道略鹹;「玉樹」的菜心,只留下嫩綠部份

醬排骨色澤很醬紅、酥化入骨、腴而不肥膩

招牌菜的豆腐餃子,每次來也是必叫的

薄薄的豆腐包住素菜,是全晚最清淡的一道菜

雪菜炒粉皮-一般的炒粉皮都會炒到零零碎碎,它是一大塊一大塊,質地又是QQ的,點上豆板醬非常好吃

麵條、配料有層光澤的油面,顏色又深,終於吃到舊式的上海粗炒,尋回兒時味道

砂鍋雲吞雞

湯底清甜,蔬菜比例多,而且雲吞是多菜少肉,十分健康


高力豆沙沒有糖箱灑上面,是另上沙糖按自己喜好作加減。外形不算賬卜卜,仍軟綿鬆鬆的,饀料的豆沙份量恰好

煎八寶飯只有糯米及紅豆兩寶,糯米飯幾乎多於1米厘厚,自然沒有薄薄的脆口,換來只有黐牙難咬開的糯米團


果然現在變了親民菜館,埋單只是$1050

26 則留言:

  1. 修心養性 ---> 笑咗! 我老豆無呢個需要,不過要收火! XD

    奶奶、老公、我都超鍾意食豆腐餃子架,就係貪佢清淸地! 我記得八寶飯係妳心水,可惜呢間麻麻地啦!

    補祝世伯生日快樂!!

    回覆刪除
    回覆
    1. 多謝妳^^
      我見我老豆呢兩年都冇乜火既,不過希望佢生生性性囉
      妳地都有食豆腐餃子呀?上海菜來講佢真係幾清架
      不過佢既8寶飯就真係唔得啦

      刪除
  2. 叫左咁多野都只係$1050, 真係好抵喎! 搵次都試下先~

    回覆刪除
    回覆
    1. 我地6個人都係$1050真係好抵架,D野都算唔算(除了8寶飯外)都可以值得一試
      不過就唔好嫌地方迫左少少

      刪除
  3. 補祝世伯 生日快樂 身體健康!

    回覆刪除
  4. 補祝世伯 生日快樂!!
    我好耐冇上海菜啦, 見到依餐幾抵食有d心動呀

    回覆刪除
  5. 我上次同朋友去食得大失水準

    回覆刪除
    回覆
    1. 真係有以前咁好食,不過以呢個價錢EP都算高

      刪除
  6. 其實你都好鐘意食上海菜,由其是8寶飯

    回覆刪除
    回覆
    1. 中菜中上海菜同川菜就最鐘意食,同朋友就會食川菜,同屋企人就會食上海菜
      8寶飯幾乎是必叫架

      刪除
  7. 我前年返港都有去食, 全場爆滿.
    當時, 我食嘅高力豆沙又是不見漲卜卜的, 失色了.
    其餘的食物和服務都可以.

    回覆刪除
    回覆
    1. 依家都好旺場,不過食物質素就冇以前咁好了
      服務就還可以啦,好多都係上左年紀做左好多D伙記

      刪除
  8. 諗起好耐都冇食上海菜喎!

    回覆刪除
    回覆
    1. 我久唔食架,因為中菜之中上海菜及川菜兩個都係我鐘意食

      刪除
  9. Oli
    ~都食咗唔少野, 真係幾抵食!!
    ~個豆腐餃子, 係功夫菜, 真係要有返咁上下先整到!!
    ~其實, 生日係邊度食都一樣, 生日個果人, 開心就得!! 祝你Daddy 身體健康, 事事順利!!

    回覆刪除
    回覆
    1. 多謝妳^^
      佢食物水準一般,但勝在價錢就好抵
      佢個豆腐餃算是keep到水準,每次來都做得唔錯

      刪除
  10. 補祝世伯收心養性,身體健康

    回覆刪除
  11. 豆腐餃子第一次見,好功夫

    回覆刪除
  12. 上海菜我都好愛的^^除了這間,還有邊間好推介呀??比你介紹到好想食呀!!

    回覆刪除
    回覆
    1. 我覺得夜上海、白玉蘭同鷺鷺都唔錯

      刪除
  13. 雖然遲咗, 但都祝世伯身體健康, 開開心心!!

    回覆刪除