2015年5月27日 星期三

Take it easy

朋友 我當你一秒朋友
朋友 我當你一世朋友
.......................畢竟 難得 有過最佳損友


朋友係我心目中係佔好重位置
媽媽曾經講過做朋友不用太深交,泛泛之交即可
人越大就發覺頗有道理

 
近期很喜歡這首歌......


何必論成敗
懶去再結算 彼此欠的債
就算溫馨歲月 得一枝火~柴
也算與你 相識於天涯
誰要計較 那點失~態

現在要學會take it easy,這樣會令自己開心D
 
 
 



28 則留言:

  1. are you ok?講真我而家去到呢個年紀, 朋友既野睇得好hea, 唔會太上心, 因為始終緣份既野不能強求, 家人先係最不離不棄。

    回覆刪除
    回覆
    1. 我ok ar,多謝關心^^
      我依家都學妳咁,盡量睇得hea d,有時做朋友真係靠緣份,大家可能緣盡啦
      妳講得啱家人先係最重要,他們會不離不棄,要好好珍惜

      刪除
  2. 突然咁感觸既? 我覺得只有小時候交既朋友先可以最長久...人大左, 就算識到好投契既朋友, 都有機會突然唔知咩原因而變質... 又或者喺我唔同階段都會遇到一D莫名其妙, 難以理解既人, 一時對你好好, 一時又同你反面一樣....所以都已經習慣左, 對住呢D人, 做唔成朋友咪當過路人囉...唔需要咁介懷呢~

    回覆刪除
    回覆
    1. 同意妳講,好多時都唔知咩原因而變質...又或者好難觸摸...
      妳早已習慣?妳成日遇到呢D人架?

      刪除
    2. 係啊....由讀書到出黎做野, 都遇過D咁既人...初初真係會好唔開心, 之後知道原來唔只我一個有呢個感覺(果個人/果D人對其他人都會神神化化, 時好時壞) 我就知道問題唔喺自己度, 唔會再為果D人而唔開心囉... 而事實而家工作上都遇到一個, 雖然大家好多時同枱食飯, 但冇乜必要都唔會交流, 佢同我講野就答, 唔會亦唔想主動同佢講野... (最奇怪係佢喺fb block左我, 但又冇unfriend我喎)

      刪除
    3. 遇到呢D我都會有唔開心,仲未學識到易放底囉
      妳個同事咁怪既?佢對其他人都係咁架?

      刪除
  3. 傾得埋的朋友真係好難搵......不過最緊要有事時, 隔離有一兩個人(唔係屋企人/同事)會義不容辭响你身邊支持你.....

    回覆刪除
    回覆
    1. 咁好彩我都有幾個傾得埋既老友,我有事佢地都會支持我

      刪除
  4. 通常受傷的原因
    係你當人兄弟
    人地當你契弟
    當人地出賣你或攞著數時
    你個心就嚴重重創
    我試得多
    而受傷最大因素
    就係你份人純真易信人
    我就係咁瀨嘢

    回覆刪除
    回覆
    1. touch wood暫時未有人出賣過我既...
      不過我有時覺得自已幾好人,好少say no,久而久之人地就覺得係必然的事咁

      刪除
  5. 道理大家都明白,不過要做到就需時間洗煉,加油啊!! 

    回覆刪除
    回覆
    1. 係!道理一直都知,但要做到就好難,唯有唔去諗就最好:p

      刪除
  6. 從小到大"朋友"對我都超重要,不過年紀越大我變得非常重質而更加不計較量。朋友對我的好,我會一直記住,如果有些人我是怎樣也無法把他的好蓋過他的壞,我會選擇保持距離, 留個"最佳位置"比大家。

    我覺得妳身邊依然有好多對妳好好嘅朋友,而且我覺得千嬅首歌都係同Wyman嘅破冰之作,好似寓意真正嘅朋友就算有過過節或者誤解,都可以經得起考驗,會有冰息前嫌嘅一天呢!

    回覆刪除
    回覆
    1. 留個"最佳位置">>>我都有留番幾個呢D位俾人,不過D人係咪反賤呢,當妳開始唔著緊個D人時,佢地反而著緊妳

      咁好彩身邊都度唔少好姊妹....都係既真正朋友大家有誤解都會冰息前嫌的一天,但個感覺以不像以前囉

      刪除
  7. 做朋友都要睇緣份, 唔啱傾嘅咪講少d, 或者風花說月就算, 唔好太上心

    回覆刪除
  8. 生活迫人,現實生活好難有真正朋友

    回覆刪除
    回覆
    1. 朋友都有既,睇下係咪朋友囉,普通朋友、吹水/風花雪月的朋友....:p

      刪除
  9. 唔好唔開心太耐啦, 點都支持妳架~~~ :)

    回覆刪除
  10. 好耐都沒有來, 妳好嗎? 雖然唔知乜事, 不過唔好唔開心呀!

    回覆刪除
    回覆
    1. HiHi好耐冇見啦!
      我OK架,想通左...冇唔開心
      多謝妳關心^^

      刪除
  11. 任何人都是獨立個體, 各有好壞特性.
    家人卻多了份血緣, 即使爭吵, 大家都天性驅使, 自然地包容對方. 試想: 如果他們不是家人, 是朋友, 沒有了這份天性, 大可能雙方為意見分岐而分手.
    對人對事我們可以依然投入, 只要不去期望、理會朋友對自己的評價(不論好壞). 一旦和朋友鬧不開心, 受到委屈, 沒期望, 就沒失望, 明白這只是平常事, 朋友執著不放, 自己放手吧.
    我身在外國, 也常遇到人際難題, 某人是甚囂張橫蠻, 我提醒自己不可以因為她使自己不開心, 我不能改變對方, 就由她吧, 當我明白囂張橫蠻就是她, 我的心結就放下了.
    Let's us make our life happy, take it easy! yeah!

    回覆刪除
    回覆
    1. 多謝分享!
      其實好多時都明白的,但做唔做到係一個問題,現在學習放鬆一點,等自已開心

      刪除
  12. my dear,其實最近我都係遇緊咁既事,可能係現在的同事堆裡好少會遇上朋友,以為遇到了卻比人當水魚般,感覺好難受,後來自行了段左關係,做返自己,輕鬆多了,縱使現在仍然天天上班見面,都會唔知點咁,但自我感覺好多了.有時候,緣份走了,就放手,現在也常對自己勸戒.我是個難放低的人,努力學習中,共勉之.xoxo

    回覆刪除
    回覆
    1. Thx Dear^^
      依家我都識得看開一點啦,咁樣舒服好多!
      妳都要加油:D

      刪除