是日一早去睇熊貓..... 其實我對熊貓興趣不大
由於早到關係，順便探探1600隻的熊貓
其實目標是隔離的Oolaa，搞了個小局brunch
每次經過，無論日與夜都是坐無虛席，令我好有衝動來個舒適的假日早午餐
Weekday有set lunch，Weekend就有brunch，十幾款選擇令人無所適從，因為想一次過食晒佢
Eggs benedict有四款饀了配搭選擇，我就揀最傳統的火腿
波蛋不夠流心，沒有金黃蛋汁湧出來，就像欠缺了靈魂似的；而荷蘭醬亦是Benedict關鍵之一，這個較為厚身一點，沒有creamy口感，味道稍為淡了一些
Joyce的Eggs benedict是要三文魚作饀
老公的Big Breakfast，薯仔、腸、蕃茄、太陽蛋、蘑菇、茄汁豆、多士，雖然大多是現成貨，但陣容虛冚，叫人多麼的興奮
劉總Creamy 4 egg omelette分量十分巨型，除了有4隻蛋外，還有Blue Cheese、煙肉 、蘑菇。忘記影omelette的橫切面，有著3吋厚度，又厚又大，心知劉總一定KO不了，最後當然大家有福同享啦。我覺得blue cheese太霸道了，搶走蛋香及煙肉的油香
JJ的Strawberry pancake再配以一球雲尼拿雪糕，雖然我愛甜，但還未接受一起身立即食雪糕，只試了少少的panake，不熱不鬆軟，麥記的熱香餅還比它好，突然懷念麥記得熱香餅哦!
我的Mocha朱古力味過重，咖啡香去了那裡?這都不緊要，還帶有苦澀味
Flat White它的「主人」說不錯
輕輕鬆鬆過了一個愉快的週日
借睇熊貓.....原來去食好野
回覆刪除麥記依家最多人食熱香餅和雪糕^^
哈哈，我對食野多於熊貓呢
刪除我好多時都食麥記雪糕，熱香餅都好耐冇食過了，依家麥記好似冇左煙肉蛋漢堡，我以前好鐘意食架
好想食麥記熱香餅呀
回覆刪除好耐冇食麥記熱香餅啦，我都好想食丫
刪除陣容虚冚的早餐，睇見都開心。
回覆刪除每次見到full breakfast都好開心，大大份，成日以為唔夠食，其實食晒會好飽
刪除順道睇下熊貓都幾好呀~
回覆刪除其實真係幾順道下，專登真係唔會走去睇囉，又人多....
刪除Creamy 4 egg omelette, 食完一份就會超標....
回覆刪除有埋芝士、煙肉，超晒成日標tim la
刪除賣相好吸引
回覆刪除賣相唔錯，食物就一般啦
刪除隻omelette大過塊面呀，超巨型!
回覆刪除店內好多洋人，唔講仲以為妳去咗旅行添! XD
個度近半山，多鬼佬住
刪除我都想快D去旅行丫....
honestly
回覆刪除i donno why they made this paper panda tour
保育囉....
刪除Eggs benedict....好似食 brunch 的指定食物...!!
回覆刪除不過又真係好吸引..!!
我好悶架，每次食brunch一定食benedict架:p
刪除個 omelette 好大份, 睇嚟要相撲手先「o趙」得哂
回覆刪除所以我地夾手夾口幫朋友啃左佢
刪除4 egg omelette 份量一定好勁ja..不過都爆曬標
回覆刪除加埋芝士、煙肉，唔爆先出奇:p
刪除我都好like brunch的食物, 講起又想食, 不過要等妹妹好返先有時間出去食啦....
回覆刪除下次一齊去食丫
刪除早餐有點heavy啊, 不過，香港咁熱，出一陣汗，脂肪都走左一半。我呢度，就要做運動消脂囉。
回覆刪除其實係早餐嚟㗎，我地去到都12點
刪除香港夏天熱到爆，真係唔想出街
今日同事先講起呢1600隻熊貓宜家tour到去邊..........又好似無晒影踪..........不知是否已圓結呢?
回覆刪除聽講俾人領養
刪除