長旅行前先同好姊妹慶生，姊妹揀定Sorriso，作為老友的我當然立即訂位
星期四的夜晚人客不多，記得早幾年前來過，都幾旺場
原來Window seat要收min change，但有偌大的玻璃窗，不用坐窗口位，也可以清晰望見維港景致
熱熱微脆的麵包，當然好吃
巴馬火腿配哈密瓜，火腿柔軟與哈蜜瓜香甜，是天下間的最佳情侣組合
這個Carbonara作麵包代替意粉
將慢煮雞蛋加parmesan cream，沾上黑麥包，食落又幾特別
先來個煙辣腸薄餅，如餅干薄的餅底，非常香脆
緊隨的Pesto薄餅就比較「清淡」，應該次序調轉較好
蘑菇意大利飯帶點苦味，應該用了次等的蘑菇，如果蘑菇唔靚或不新鮮，會有點苦澀味道
因為主角不是野人，吃不慣血淋淋的，所以這個西冷要7成熟，味道、肉質還可以，我相信Medium rare會更好
香脆粗大炸的薯條，是令人吃不停；始於接受不了松露蛋黃醬，大家還是守舊派，喜歡茄汁多一點
心太軟配紅毛丹雪葩，侍應哥哥解說自家製的紅毛肥雪葩與朱古力非常之夾，而我覺得...是各人口味不同
心太軟切開後，朱古力醬不是澎湃的湧出來，只細水長流出來，但味道亦很濃郁
薑汁梳乎厘配雲呢拿醬，雖然薑汁味不太重，但我亦不會淋上雲呢拿醬，風馬牛不相干的，如果這個是原味或朱古力，還可以接受
生日甜品是芒果拿破侖，聽不到清脆的"卜"一聲，勝在有不少香甜的芒果作饀
主角祝妳心想事成，妳作了什麼決定，都會支持妳的，鬼叫妳係我老友咩^^
甜品好吸引喎。
回覆刪除都OK啦，但不太好突出個隻
刪除巴馬火腿配哈密瓜，是天下間的最佳情侣組合，無錯！
回覆刪除真係天生一對呢
刪除我都係中意食呢種薄薄的pizza!
回覆刪除個飯睇落超正!!估唔到有苦味, 浪費晒!
最好好似餅乾咁脆的pizza就最好味
刪除個飯食好睇唔好食，真係俾佢呃左
無諗過松露可以配蛋黃醬 :) 個Carbonara配麵包可以嗎?
回覆刪除都OK既，不過都係配意粉襯D
刪除做到妳老友一定好幸福,一句作了什麼決定都會支持妳的真係心神領會
回覆刪除係架，做我朋友我會對佢好好架，包括妳都係，hehe
刪除Love you~
刪除(^.^)
刪除其實好多西式醬汁，我都接受唔到架
回覆刪除我估妳鐘意食中餐多呢
刪除係咪要換機啦?? :o
回覆刪除係囉，影得好鬼差...真係要換啦，我係泰國跌爛左部機，過幾日要去買過部
刪除窗口位要min charge, 咁門口位係咪有電視框(discount)先！
回覆刪除我都係野人組別架。
紅毛丹味sorbet...err no, thank you!
係喎，唔記得同經理講係咪有折tim，都係妳醒
刪除Yeah!大家都係野人組，咁星期四一齊食扒就正啦
個蘑菇飯苦苦哋 O_O, 我一定會佢換 XP
回覆刪除因為我地當時諗，再換都可能係咁，所以冇換到丫
刪除齋睇賣相樣樣都好得咁...好想食呀! 佢個view又真係幾靚既~
回覆刪除個view真係幾得，不過D食物水準就一般般啦
刪除如餐牌上有這個 巴馬火腿配哈密瓜，我也是入叫的.....簿簿的火腿, 食過真的齒甲留香...
回覆刪除係?大家好岩key喎:P
刪除Oli:
回覆刪除~香港真識做生意, 坐window seat 要extra charge
~你班好姐妹都係識食, 和你岩channel 嘅人. 大家意見一至, 先互相支持到. 講真, 有人肯支持, 成件事係差好遠
其實都唔係好多間要收錢，係呢間特別要另外收錢><
回覆刪除呢班姊妹識咗好耐了，其實有時都會有一些分岐，不過佢地有事一定會支持