幾年前的年三十晚在港島廳做節，無理由唔去其姊妹店九龍廳，索性叫媽媽請我賀壽
連logo與港島廳相同
貫徹港島廳的懷舊風格，不過這裡較為寬敞，偌大的餐室感覺較為舒服
光線從窗透射入來，也帶點生氣
小吃是漬木耳，酸酸的是最佳的餐前小食
香酥荔芋脆帶子炸得金黃亮澤
類似點心的蜂巢芋角，吃來酥化香軟，芋泥包住帶子，沒有淨芋泥的飽滯，也沒有芋角入面豬肉饀的油膩
香檳菠蘿脆鱔色澤未夠黃金，但淋上香檳做的醬汁後，令到脆鱔披了黃金外衣，同時令只是脆口的鱔更錦上添花
大澳海山骨一聽已知與大澳特產有關，排骨經蝦醬醃製後完全滲透肉裡，鹹香鮮味，既香口豐腴又不油膩
預訂的北京填鴨
師傅將鴨分成肉、皮及連皮帶肉三款，鴨皮薄脆口，油香滿溢；淨肉的部份則比較鞋口不嫩滑；而我較鐘意連皮帶肉的，有脆皮的感覺同時，鴨肉又吸走油份，不會乾巴巴
餅皮熱呼呼的，有熱氣湧上來，又不見有爐烤烘，原來籠下內藏熱包，可保持餅皮的熱度
填鴨醬汁較為稀身
頭抽牛肉炒河賣相色澤均勻，每條河粉平均沾滿了醬油的鮮味；牛肉質地腍滑，沒有被鬆肉粉醃到失去肉味，最重要是沒有多餘油份，但又不失鑊氣
香味四溢的鹹魚雞粒炒飯，粒粒皆分明
想繼續甜品，只得中式糕品、甜湯，經理話已不再做西餐甜品，遲些會推出一些京滬式甜點
最後叫細妹請食HD
多謝晒我親愛的屋企人
再祝多次生日快樂先!!
回覆刪除片皮鴨我都係鍾意皮同肉一齊食先夠滿足! 比我中式甜品都會叫少少，如果唔係，個心硬係覺得呢餐好似未完成咁，會囉囉攣架!(簡單嚟講，即係強迫症發作) XD
多謝妳^^
刪除中式甜品除了紅、綠豆沙、8寶飯外，其他都係麻麻地，不過學妳話齋唔食甜品會囉囉攣，所以咪走去食雪糕囉:p
上星期我都去左呢間飲茶, 食物環境都唔錯, 但service真係有待改善啊!
回覆刪除佢D點心得ma?
刪除我個次去D service又OK喎，唔同中午同夜晚係兩班人?
點解你食極唔肥嘅？
回覆刪除但我唔係瘦囉><
刪除香酥荔芋脆帶子真係唔錯 :) 一家人一齊飲飲食食就最開心 :)
回覆刪除講得冇講，一家人一齊食乜都咁開心
刪除我鍾意食鴨淨肉,無人會同我爭^^
回覆刪除咁我一定讓俾妳食，wahaha...
刪除我鍾意連皮帶肉嘅片皮鴨, 感覺冇咁油 XP
回覆刪除有少少油香好多喎
刪除好開心一家人飲茶, 我就快都可以lu..hoho
回覆刪除講多次, 生日快樂!!
恭喜晒妳，玩得開心D
刪除再一次多謝妳^^
香酥荔芋脆帶子正呀
回覆刪除原來妳好鐘意食荔角個類架?
刪除係呀芋頭,栗子嗰類咸甜都愛呢hehe~
刪除伯母好錫你呵！
回覆刪除其實係架:)
刪除雖然冇甜品, 但大致上都好味同吸引!! :)
回覆刪除我覺得好過港島廳
刪除哈哈，你真愛雪糕
回覆刪除食完飯再食雪糕，真係好滿足架，嘻嘻
刪除呢間看似不錯, 可以列入我的to-go-list.
回覆刪除片皮鴨切三種模式, 這是按你們的要求, 還是他們的一般做法呢?
當日的服務如何? good or not?
我地有要求佢咁切，應該係佢地一慣的做法
刪除服務都唔錯，記得去呢間，唔好去香港個間港島廳喎
京滬式甜點咁特別..我都想試添
回覆刪除我想黎e度飲茶
我都想試下佢D點心
刪除生日月，仲會食好多餐
回覆刪除都差唔多食晒lu
刪除Oli:
回覆刪除~而家先黎你依樹留言, 見你每年生日, 都去許多唔同嘅特別餐廳食. 好開心.
~依間中菜, 見到啲食物presentation 和環境. 已經感覺好舒服. 香港啲中菜, 都精咗好多.
妳點呀?是否很忙呀?
刪除依家香港較好D的中菜館，我覺得佢地賣點在於裝修環境，無異真係好靚，不過他們就食物就放在其次
睇完都想去9龍廳
回覆刪除各方面都好過港島廳㗎
刪除我都好想生日同屋企人過....
回覆刪除返嚟啦:p
刪除